Gétsutsuéô 15:2 - New Testament in Mitsogo

² Vane nameena mubu ôndé na vede ga géeno n’obébayi ga soto. Nameena dôta ane amadiia gô ébadie émagenyu na Gényamanyama na gégonige sedi na ndémbône yedi. Ane ahmadiiani ahmabaka mitie va kôbangô amubu ôndé na vede ga géeno. Ahmasimbéda ngombiye dimeetsô ahngô na Nzambé.

Gétsutsuéô 15:2 ပူးပေါင်းရင်းမြစ်များ

Matthieu 3:11

Me nanôbatésa na meba gôétubéda mbe anye nôkoi mitéma mianyô. Ivô gô ngimami gôviga muene anganôbatésa na Gédidi SaNzambé na soto. Ngudi yedi diôtéa dine yami. Gétôkôtôkô ôgoeyee, géôté môtsé. Me te gétôkôtôkô. Angô te môtsé. Ivô tsaba pengo gétôkôtôkô. Nandé ti gô tsina asangô.

I Pierre 1:7

Ekuanô éenanye étubéda gôsipanye mitéma mianyô gô mabégô maNzambé. Te gandé dodo sôma gébunganani, ivô yangô ékanégu gôkanzô yangô gô soto. Te mônongovo gandé anye. Veetsanye Nzambé mitéma mianyô gébé na paga mika na génemba géôtéa buéyé géne sadodo. Na mikanégu gô gékuanô. Okô mitéma mianyô misipi nôngeetsô ôséngu na ôndômba n’egoba vangaviga Jésus‐Christ.

I Pierre 4:12

Anami amôtéma, nônatsapéô gôébégô éapanda dibuéa na gôndé anye gôénôkanéga mônongo gasoto gékoa madi. Nônatasa mbe: Panda yedi diena te memuene môtévo.

Gétsutsuéô 12:11

Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.

Gétsutsuéô 13:1

Vane me Jean nameena Gényamanyama gémakusa gô mubu. Gémabaka na nzima atséba na miôtsé tsambué. Gémaata gô tsébaye yetso gépôkôdô gévo gévo sokumaka. Gô miôtsé miedi gômatendu ina ébuanya Nzambé.

Gétsutsuéô 13:14

Emabôméda asi tsinane n’etsutsuku émayanzangô g’ôtômu aGényamanyama géndé vangô. Ematôma asi tsinane gôépaka gégoni gôékuméda Gényamanyama. Na sangô, buéyé gamabétuku sangô na ébaga gésiwé.

Gétsutsuéô 13:17

Gôsibé môma amoongôa ésômba na ésômbéda angô gébé na ndémbô. Ekegea mbe, ndéômbône te ina aGényamanyama, na te ôtangô ôndé kuanakue na inee yedi.

Gétsutsuéô 21:18

Môgômbee ône ômasaaô na mataé mosunu ôvôni meendô mbe, jaspe. Môsengee dôta ômasaaô na dodo ômootéa n’obébayi ga géenô.

Gétsutsuéô 4:6

Va mbene agédigaage dôta vamabaka mubu ôndé na vede ga géeno. Gô kôbangô agédigaage bambana na gésa na gésa gômabaka éôma énayi évégumani, yôtôye yaô yetso te miso matévo na gô ngima na gô mbene.

Gétsutsuéô 5:8

Eôma énayi évégumani na nzima dibaé yapayi na payi dinayi muetso ahmasiba mabongo maô va mbene aMôpagee vamabongo angô migandamie. Ahngô muetso amabaka na ngombi yaô. Amabaka na ébungu éaô étumbu sôma sambônga éamôsôba te disambô yasi mbumu éaNzambé.