Gétsutsuéô 14:4 - New Testament in Mitsogo

⁴ Yôtô yaô disigésangané n’ageto ahmadeekeda yangô na gôndé Nzambé. Ahmakea nzéepo na Môpagee na gô tunguye yetso dimakeangô. Te ahngô ahmapanga éobouni va gatse omee gôédeekedu na gôndé Nzambé na Môpagee.

Gétsutsuéô 14:4 ပူးပေါင်းရင်းမြစ်များ

Matthieu 19:12

Gôndéké mabégô matatô madékéda môma gôébaa na gôébaaô. Ebégô évo, oma amabôtu yôtôye gébé kuanakue gôébaa na gôébaaô. Evo ébégô te avo oma amakou n’oma aka ga mivangô. Na évo ébégô te avo oma asabaa na asabaaô te gôébégô éokumu aNzambé. One angoongôa ésinga ôgie ône asingéké.

Matthieu 25:1

Okumu aNzambé ôgono na ébégô édué. Nzima atômbô waé yamuébee ahmakea na dambi yaô gôéwanyéda kumu ayômba, mômé amôkaô.

Matthieu 8:19

Mônigôi amige miaNzambé amawesea ne gôndé Jésus na amamôbeenda mbe: Môékédi, nangakea n’ewe na gô tungu yetso dingakeewe.

Jean 10:27

Mandombo mami mookô ôgie wami. Me tsabômu mangô. Mangô dôta makea géômbé gévo n’ami.

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Jean 13:37

Pierre amoomba angô mbe: ?Kumu nayee ôéndi mbe: N’atsatsee ôsangabuéa wangô? Me tseena panda gôéétsa monyoe wami mbe nawa gôndé éwe.

Jean 8:12

Jésus amoomba évovo na géômbége mbe: Me te gévede gétanéda tsenge. One aanda me angaba gô gévede géétsa môma monyo. Asangadôkea gô évitsi.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

I Corinthiens 16:15

Nôsabômu Stephanas na gévia sedi. Te angô amapanga ésingani gô tsenge yetso éaGrèce na ahngô amahdeekeda anguene gôéyanzéa asi mbumu éaNzambé.

I Corinthiens 6:20

Nzambé amavana wa n’anyô n’osunu ôvôni. Tambô tôyanzédékéni yôtô yasô n’anyô gôékuméda Nzambé.

I Corinthiens 7:28

Buéyé mbe nane, gôébaa môgeto kaka ébégô ébévani. Na gôndé tômbô te mônongovo vabaaô angô kaka ébégô ébévani. Ivô menyani mbe ane abaani na abaaôni eena ti maguga pitsi yetso. Nanyôngéô énôgôngéda gô magugame mane.

II Corinthiens 11:2

Me nakenea anye gakeneo tômbô ématetedu gô yômba, na ésangabongu na muene. Môkeneyi edi ookô mangongo vabonu angô na muene mômôgôô. Te gookô me mangongo gôndé anye. Na mangongome mangô maviga te gôndé Nzambé. Me nakenea anye ngu na vangaviga mômé anyô Jésus‐Christ gôénôbongo.

Ephésiens 1:14

Gédidi sedi te môkodi ôkata Nzambé wa n’anyô gôétôbangôéda môkuanya asô n’anyô omedi ômatôtsikéô gô géôbogeo. Nzambé atôsuméda mitémami mbe: Nômbiaba na mikebanganô gô môkuanya. Nôngadiia angô vangakôdéda me éyanza éami éetso. Tambô tôkumédéni ôndômbee aNzambé.

Ephésiens 5:27

Vane gô miso medi mbumune yedi éndéké n’ondômba ôvôni, n’etsimama na gébé n’oési. Egono na môkanda ôsaba n’etodi, na ôsaba na minyunya, na ôsaba na patie yeebéva.

I Timothée 4:3

Omee ane eekéda mbe: Esaba buedi gôébaana. Akinéda oma mivo miyakô. Tambô Nzambé amavanga miyakômie mietso mbe omedi angamiaa. Ane ameetsa Jésus mitémamie na asabômu mabégô mapie, n’egéaaka apanga ékuméda Nzambé gô miangô.

Hébreux 12:23

Anye nômamana éengéa na gényônga gô mbumu éana akuua aNzambé. Mina maô meetso mamamana étendu gô môsenge ag’ôba. Anye nôndé nômawesea na gôndé Nzambé, môtsundédine oma muetso, na môtsundédine edidie éoma amatsimamédu gébé n’oési va mbeego.

Jacques 1:18

Angô amatôbôta gamanyôngéô amuene gô ngudi yamabégô medi mapie gômbe wa n’anyô tôngaba ana akua gô éetso émavanga Nzambé.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

Gétsutsuéô 17:14

Dingagenya na Môpagee Endombo na te Môpagee ôngadiiani gôébégô angô te Kumu akumu yetso na angô te môtômi aatômie muetso. Môpagee ôngadiia, angô n’ane andé n’edi. Ane andé n’edi te ane ahmasevouni na ahmabambéôni na amamôétsa mitéma miaô.

Gétsutsuéô 21:22

Me tsiene eba aNzambé gô môsengee ône gôébégô amuene Kumu Nzambé, angô Kumu angudi yetso na dôta Môpaga Endombo ahndéké wangô na gôsaba tsôvé eeba aNzambé.

Gétsutsuéô 21:23

Môsengee ône ôsaba na tsôvé éakômbéne na ngondene gôéétsa angô gévede, te ôbébayi ôtubéda ôndômba amuene Nzambé ôtanédani na Môpagee te dambine.

Gétsutsuéô 3:4

Eébéyée nane, avo asi mbumu éaNzambé gô Sardes, nôsasinga maduani manyô mapéku n’evindô. Te anye nôngakénga n’ami nômaata mikanda miavembo, nôndé ngu kuanakue.

Gétsutsuéô 5:9

Ahmatôa émbô éamanza mbe: Ii, te éwe, gôndé éwe te kuanakue gôébongo migandamie na gôépunzua mikatékômie. Gôébégô éwe te ômayôhuni. Na g’ôwee woo ômavanéa Nzambé gôndé omedi. Gôndé omeaa amasevou gô mongo metso na gô yôgi yetso na gôndé oma muetso atsenge yetso yagô tsina.