Gétsutsuéô 14:14 - New Testament in Mitsogo

¹⁴ Me Jean namoomba ébono. Nameena ôbôngé avembo. Gô ôbôngé ône gômabaka sôma gémagono na môma digaa. Amaata gô môtsé gépôkôdô sokumaka gémakônzu na dodo. Amasumbéda g’ôgogo môsagôe amengô.

Gétsutsuéô 14:14 ပူးပေါင်းရင်းမြစ်များ

Matthieu 13:30

Tsikani éangô ékanda vavo ngu na ndéône éngoodo mbôtône. Nyoone nangatôma ayanzie mbe: Pangani ésevoa mabunzame mabévani. Katani mangô ékata na gunyani éangô gô soto. Vane nôengéda éne éamisôba gô ebee ôvumbuku éangô.

Matthieu 17:5

Agébaka gôévovo, ôbôngé obébayi ômapika ahngô muetso. Gô gatse obôngé gômookanô ôgi ômavovo mbe: Odôô te muanami amôtôma amiso. Namônyôngéô na nzoo na gô môtéma. Oôkéôni angô.

Marc 4:29

Na voodo pôtône môma akea akeduka yangô. Ndéône éeduka pôtône ébuéyi.

LUC TSANGO EAMOSOBA EMATENDA 21:27

Vane nôngeena me Muana Amôma natsutsuga va gatse adibôngé yag’ôba. Nangaviga na ngudi yetso n’obébayi ôtubédu ôndômbee okumakee wami.

Hébreux 2:9

Ivô tôena môvo, te Jésus amasugéa pesu andéô na gô tsina otômu asi g’ôba ayanzie aNzambé gôéwa gôndé oma muetso gô ngeba yaNzambé. Gô ndéô nedué tômôena abatédu na gô gédigaa sokumaka na sondômba, gôébégô éowa ôdagani ômawa angô gôndé oma.

Gétsutsuéô 1:13

Va gatse éangô vamabaka sôma môtie géndé ga môma. Gémaata ngoyi étongoni ngu na gô makôdô. Va mbôma gémaata nyamba madede édata éadodo.

Gétsutsuéô 1:7

Bononi. Nôeni gavigangô va gatse obôngé. Oma muetso angamôena, buéyé n’ane amamôtuma n’ekongo. Asi mongo metso mava tsina angadéa na mindônga gôndé angô. Ii. ?Tôngeenda nayee? Engaba te nane. Amen.

Gétsutsuéô 10:1

Na vane me Jean nameena muene môsi g’ôba amasutuméa na ngudi dipôni. Amabaka va gatse obôngé. Va ngongo amôtsé edi vamabaka nungu. Osô edi te ga kômbéne. Makôdô medi mabaé te gandé éétété ébaé éyôa na soto.

Gétsutsuéô 11:17

Kumu Nzambé, éwe Kumu otômue wetso Ewe ôndéké na ômabaka. We tôgôkuméda gôébégô ômayanzéda ngudiye yoo yetso Na ôndéké gôétôma tsinane.

Gétsutsuéô 19:12

Miso medi moobébayi ga soto. Gô môtsé amaata épôkôdô éyekani éokumaka. Gôndé angô gômatendu ina ésoongôa môma émenya buétsé te amuene.

Gétsutsuéô 20:11

Vane nameena gédigaa gévôni savembo sokumaka, na ône andé digaa gô sangô. Tsinane na ôbee émanôtôga va miso medi na ésiombédô éenanô.

Gétsutsuéô 6:2

Me Jean namabono. Nameena nyama étsua môma ééndô mbe cheval. Chevale nene te éavembo. One amabaka digaa gô yangô amasumbéda gééta. Ameetsô gépôkôdô sokumaka. Amabaka amadiia gô ébadie émagenyuni na amoomba ékea gôéomba édiia.