Gétsutsuéô 14:13 - New Testament in Mitsogo

¹³ Vane me Jean namookô ôgi ômaviga g’ôba ômatôma me mbe: Tendaka édué. Na ômavovo mbe: Gényônga gôndé ane ahwa pitsi yedi gô éyanza éaKumu. Gédidi SaNzambé gémaabéa mbe: Ii, te na gô pie. Angadunda gô éyanzee éaô édagani. Na mane maô mamisôba mangakea n’ahngô géômbé.

Gétsutsuéô 14:13 ပူးပေါင်းရင်းမြစ်များ

Matthieu 3:17

Ogi ômookanô ôvovo g’ôba mbe: Odôô te muanami amôtôma amiso. Me namônyôngéô na nzoo na gô môtéma.

LUC TSANGO EAMOSOBA EMATENDA 16:25

Abraham amasiia mbe: Muanami ônabômu mbe ômadiiaka mamisôba vamaba éwe gô monyoe woo va tsina. Géé Lazare ôdôô, ameenaka maguga gô ône wedi monyo. Egôdô Lazare eena mamisôba n’ewe ôndé gô maguga.

LUC TSANGO EAMOSOBA EMATENDA 16:9

Jésus amanigôa ahngô mbe: Me nanôongo ndongi mbe ôkitie ôndé ébégô édagani, ivô ôkô nôndé n’angô yanzani n’angô gôévamba n’oma. Nyee ôngagôga angô nôngeengédu na g’ôba gô tsenge éamôbô na môbô.

Romains 14:8

Vatôwaani, ôwa asô n’anyô te gôndé Kumu. Tôwéyee, tôdôngeyee, tôndéké te aamuene Kumu Nzambé.

I Corinthiens 15:18

Na buéyé n’ane amawa amasinga Christ, tambô ahngô dôta amakea gôébungana.

I Corinthiens 15:20

Tôtsika vita pagaye. Tôôta na gô édué. Jésus‐Christ amatimôga na gô pie g’ôwa gôéba na monyo. Vane te gémbégéa gématôtubédu na Nzambé mbe: Gamakundua me Jésus g’ôwa, nanganôkundua muetso nômawani te mônongovo.

I Corinthiens 15:58

Ana aTéta n’ami amôtéma, t’ebandô me Paul nanôongô mbe oodoni gô mabégô mema kabaga nôsasipa. Bakani na géviôviô gôéyanzéa Kumu gôébégô éagékundugéô. Nôsabômu mbe éne éyanzanye pitsi yedi éndé anye na vitoo na Kumu Jésus, éndéké na tsoongo.

II Corinthiens 5:8

Na mitéma miasô misanika gévii. We tôndé ga môma andé g’ôgenda madeo asitsiga gô ebedi. Tôôtéa ényôngéô étsika ôtôe ôdôô gôékea gôédenga ône ôndé na Kumu.

Philippiens 2:17

Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami.

1 Thessaloniciens 4:14

Ene éétsa we mitéma miasô gébé na paga, te mbe Jésus amawa na amakunduga. Te mônongovo na we, tôténdéda mbe ane amawa amamôétsa mitéma miaô, Nzambé angakundua ahngô gôéba monyo ga Jésus.

1 Thessaloniciens 4:16

Gôngookanô mbeea enyanga. Te ôgi apene éasi g’ôba ayanzi aNzambé na gémbômba saNzambé géngatoonguni. Vane amuene Kumu Jésus angasuma g’ôba. Ane amawa andé n’edi na vitoo te ane angapanga ékundugani.

1 Thessaloniciens 5:10

Gôébégô Jésus‐Christ amawa gôndé wa n’anyô te mbe tôba monyovo n’edi. Vangavigangô tôwéyee, tôsawéyee, tôngaba monyovo n’edi.

I Timothée 5:24

Mabégô mabévani mavo oma meenanô buéyé mbe madeo asisôsédu. Géé avo oma, mabégô maô mabévani mamenyanganô te na géngimage.

I Timothée 5:25

Na mabégô mamisôba te mônongovo. Mane mavo oma meenanô na vede. Géé mane mavo, mandé masamenyanganôni, ivô mangeenanô te na géngimage.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 10:4

Vamamana midumumie évovo, me namabaka mbe natenda. Na namookô ôgi ômavovo g’ôba, ômatôma me mbe: Ombiatenda mane mavovi midumumie. Kenea ébégôe éne te éav’esooe.

Gétsutsuéô 11:15

Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.

Gétsutsuéô 11:19

Eba aNzambé g’ôba ômakukuu. Gégaa géenanô wangô te gémbégéa sevamba éaNzambé n’oma. Mikadikadi mimakadima na nzongodi. Midumu mimaduma. Na tsinane ématatéa. Na mataa mamaaga mayekani.

Gétsutsuéô 16:17

Môsi g’ôba ône atsambué ameetéa gébunguge sedi g’ôpunga. Ogie ôvôni ômavovo gô eba aNzambé ômakusa gésa sagédigaa sokumaka. Ogi ômavovo mbe: Egôgi.

Gétsutsuéô 19:9

Môsi g’ôba amatôma me mbe: Otenda te édué. Tenda mbe: Tsôkéakani anye nôkôviô gô môambô ayômba yaMôpaga. Na môsi g’ôba amoomba évovo mbe: Ogie ône te ône apie ômavovo amuene Nzambé.

Gétsutsuéô 2:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Ephèse. One asumbéda minanga tsambué g’ôgogo edi ômôgôô te angô aseta va gatse evumbéô tsambué éadambi émakônzu na dodo. Oôkéôni éne évovo angô.

Gétsutsuéô 2:7

Okô mbe anye nôndé na matô, ôôkôni môma na môma mane mavovo Gédidi SaNzambé n’anye asi mbumu éaNzambé. Angô mbe: Gôndé ane adiiani gô ébadi égenyuni, me nangeetsa ahngô ôtômu gôéaa miônda miagéétété géétsa monyo géndéké gô gatse atsaga éaNzambé.

Gétsutsuéô 20:6

Ti gô gényônga géndé n’anye nôndé nômatsimamédu na Nzambé nôngaba gô géômbé sane angapanga ékundugani g’ôwa. Owa amôbaé ôsaba na ngudi gôndé anye. Nôngaba asungéyi oma va mbene aNzambé gô ina aJésus‐Christ. Nôngaba n’otômu ôvô ôvôni na Christ gôétôma tsinane gô môtônisa amipuma.

Gétsutsuéô 21:5

One andé digaa gô gédigaa sokumaka amavovo mbe: Bandôa deo noo me neenda éôma éetso te éawene mônongo. Vane ôgie ômatôma me mbe: Tendaka nani. Gôébégô mavovia mami mandé mapie na moongôa môma eetsa môtémedi.

Gétsutsuéô 22:17

Gédidi SaNzambé na muéba ômabaaôni, ahbambéa mbe: Vigaka. Na ône ôôkôni eenda mbe: Vigaka. Na ône ôôkô sôé avigéké, avinyua meba meetsa monyo mangeetsô angô géenza.

Gétsutsuéô 6:11

Ahmeetsô môvô môvô môkanda avembo na ameenda ahngô mbe: Ombani édunda vipesu. Eeneakani ana aTétee n’anyô te akanyô ane amabaka n’anyô gôéékéda mbe na ahngô ahngayôhu gamayôhu anye. Otangôe wanyô madeo ôsiduga.