Gétsutsuéô 14:11 - New Testament in Mitsogo

¹¹ Sotoge géne gébisongoneda omee na môtutu wedi ôbutima môbô na môbô géemé. Nôsangadunda na pitsi n’omanda te bisongono, anye nômaneegeda Gényamanyama na gégonige sedi na nômasinga éétsô ndémbô étubéda inee éedi.

Gétsutsuéô 14:11 ပူးပေါင်းရင်းမြစ်များ

Matthieu 11:28

Vigani na gôndé me, anye muetso nôgogini na anye muetso nôditéôni. Me te môdundédine wanyô.

Matthieu 25:41

Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

Matthieu 25:46

Asi géeyo gégeto angakedu na gô soto géseemakani. Géé asi géeyo gémôgôô angeengéa na gô monyo ôsakôdéakani.

Hébreux 1:8

Na gôébégô éaMuanedi, Nzambé amavovo mbe: Ah Nzambé, gédigéô soo sokumaka géndéké samôbô na môbô. Otômue woo ôsapengana gatôma éwe na môtungee woo.

Gétsutsuéô 11:15

Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.

Gétsutsuéô 13:12

Emayanza na ngudiye yetso yaGényamanyama, te géndé vangô. Ematindéga tsinane na muetso andé gô yangô gôéneegeda Gényamanyama gémabaka mbe éwa na pôtane émadôngani.

Gétsutsuéô 13:15

Nyamane éamôbaé émeetsô ôtômu gôévumbéa modi amonyo gôndé gégonige saGényamanyama gômbé sangô géngavovo. Na émeetsô dôta ôtômu gôéyôha muetso ane asagéneegedani.

Gétsutsuéô 13:17

Gôsibé môma amoongôa ésômba na ésômbéda angô gébé na ndémbô. Ekegea mbe, ndéômbône te ina aGényamanyama, na te ôtangô ôndé kuanakue na inee yedi.

Gétsutsuéô 14:9

Môsi g’ôba amôtatô amaanda akedi va ngima na amavovo n’ogi agô ngongo mbe: Anye nôneegeda Gényamanyama na gégonige sedi gémapakôni na nômasinga éétsô ndémbô n’edi gô panza na g’ogogo.

Gétsutsuéô 18:18

Ahmaamugana mindônga vameenahngô môtutue ôbutima. Ahmaadôngana mbe: Madeo gôsiba wene môsengee ôvôni gandé ôdôô.

Gétsutsuéô 18:9

Atômi atsengeye yetso ahmakea n’edi gésasô na ahmatsôkéa ôkitie wedi agékôdéé ahngadéa na mindônga vangeenahngô môtutue amôsengee ône ôbutima gôyôa angô.

Gétsutsuéô 19:3

Na géômbége gémoomba évovo mbe: Tôkumédéni Nzambé. Môtute agésotosoto samôsenge ôvôni ôngabutima môbô na môbô.

Gétsutsuéô 20:10

Vane yabédé, Môbômédine waô angagunyu na gô mungu asoto gôkusa mbônga ébévani éangôté éndé na tsokida. Wangô angadenga Gényamanyama na môékédine adiboe ahndé gôéenéa angô. Angô atatô angabisongono na pitsi n’omanda môbô na môbô gékôdéé.

Gétsutsuéô 22:5

Gôsangabadô pitsi. Oma asangabutadô gévede sadambi na sakômbéne, gôébégô amuene Kumu Nzambé angatanéda gôndé ahngô gévede sedi. Na te omeaa angatômaka môbô na môbô gékôdéé.

Gétsutsuéô 7:12

Ahmaabéa mbe: Amen. Okumakee wetso na ôndômbee wetso, na éodo éetso na gétsôkéôge setso na géneegage setso n’otômue wetso na ngudiye yetso te gôndé Nzambé asô amôbô na môbô. Amen.