Gétsutsuéô 12:9 - New Testament in Mitsogo

⁹ Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Gétsutsuéô 12:9 ပူးပေါင်းရင်းမြစ်များ

Matthieu 13:39

Môvingine agaaba mibiemie mibévani te yabédé. Mbôtône émoodoni éngasevou te v’ekôdéô atsengene. Asevôi ambôtône, te asi g’ôba avigédu na Nzambé na gô tsina.

Matthieu 24:24

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Matthieu 25:41

Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

Matthieu 4:1

Gédidi SaNzambé gématôma Jésus gôékea na gô tsenge émagasani mbe akekanégu na yabédé.

Matthieu 4:10

Vane Jésus amamônikéda mbe: Satan, nôtôga vane. Matendeo MaNzambé matôbeenda mbe: Neegeda Kumu Nzambé éoo na ôyanzéa te angô môtévo.

Matthieu 4:5

Yabédé amakea na Jésus na gô Jérusalem, môsenge ônyôngéô Nzambé. Yabédé amabata na Jésus na gô ngongo eba aNzambé.

Matthieu 4:8

Yabédé amakea na Jésus na gô ngongo amôkôdi ôtôngôni. Amamôtubéda tsengeye yetso yava tsina na dikumakaye yaô.

LUC TSANGO EAMOSOBA EMATENDA 10:18

Jésus amanigôa ahngô mbe: Me nameena Satan amaaga g’ôba ga môkadikadi.

LUC TSANGO EAMOSOBA EMATENDA 13:16

Na môgetone ôdôô te muana aAbraham amadinga gô gésengoge gémakatô angô na Satan môsingi nzima n’ema génana. ?Tambô gôétsôbôa angô gésengoge gô nyee edunda, ébévi-a?

LUC TSANGO EAMOSOBA EMATENDA 22:3

Vane Satan ameengéa gô môtéma aJudas eendô mbe Iscariote. Amabaka gô géômbé sanzima n’aneengi abaé.

LUC TSANGO EAMOSOBA EMATENDA 22:31

Kumu Jésus ameenda mbe: Simon, Simon. Satan aduki me éwe gôéginya éwe mônongovo gaginyô géétété na gékunga gôébôkôa sangô.

LUC TSANGO EAMOSOBA EMATENDA 8:12

Mine mimaaga gô nzéa te gandé oma ookôni. Ivô yabédé aviga gôéwata gô mitéma miaô éne éôkiô ahngô kabaga anigôgéô na kabaga ahdiia monyo.

Jean 12:31

Ndéône éetsundéda asi tsengene ébuéyi. Ndéône éepatsa kumu atsenge nedué ébuéyi.

Jean 14:30

Tsangadôvovo mayekani n’anye. Tsesune, ône atôma tsinane avigi. Otômue wedi ôsatôma me.

Jean 16:11

Angamenyeda oma ébégô éamôtsundu aNzambé gôébégô môtômi atsenge nedué amani éesédu.

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

Mayanzame 26:18

Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.

Mayanzame 5:3

Pierre amavovo n’edi mbe: ?Ewe Ananias ôsingi Satan atôma môtémoo gôépatéa Gédidi SaNzambé nayee? ?Osuégi ôvo ôkabô adode dimakusa gô tsaga yanyô nayee?

Romains 16:18

Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia.

Romains 16:20

Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga. Te mbe mate maKumu éasô nanyô Jésus mabaké gôndé anye.

II Corinthiens 11:14

Tôsoongôa étsapéô gô mônongoe waô. Amuene Satan avéngôga aka ga môsi g’ôba n’obébayi ti eembe aNzambé, gôébôméda oma.

II Corinthiens 11:3

Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo.

II Corinthiens 12:7

Gômatsutsuédu me na Nzambé mabégô mavôni mav’esooe maseenanô n’oma ayekani, Nzambé asanyôngéô mbe nabé na nyemo gô mangô. T’ebangô nameetsô g’ôtô ami ébeea éapievia étsoko me ga tséndé éviga gôndé Satan gôétubéda me panda na ésugéda me kabaga naba na nyemo.

II Corinthiens 2:11

Tôsingé môma kokoo te kabaga Satan atôdiia. Tôsabômu minongomie mibuta Satan éyungéda wa n’anyô gôétôdiia.

II Corinthiens 4:4

Asangoongôa ésinga mangô gôébégô Môtômine môbévani atsinane édué amakukéga yôkiia yamitéma miaô n’okutue. Te Môtômine ône iméda ahngô misome mbe kabaga eena gévedege gétanédu na Tsangô Eamôsôba étôtubéda ôndômba ôndé na Jésus‐Christ. Na étônigôa mbe Jésus te gégoni saNzambé.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

II Thessaloniciens 2:3

Nômbiasinga môma anôbôméda nane. Menyani mbe ndéône éagénikéô saKumu ésangabuéa buétsé te gékékôéô gévôni samabégô mamisôba gépanga éenanô. Na buétsé te ône môbévani, kumu agébunganéô apanga étsutsuga.

I Timothée 2:14

Adam asibômédu. One amabôméduni te môgetone na amakina môtômee aNzambé.

II Timothée 3:13

Ivô oma abévani na abôki amangônzô angakea gésikamé gô mabégô mabévani. Abôméda akaô na angabôméda te n’anguene.

Hébreux 2:14

Ane atetu n’edi mbe: Anami, te oma ava tsina ahndé na yôtô na nzina. T’ebandô amuene Jésus amakoga gôéba na ôtô amôma. Jésus ameenda nane gômbe angawa na ôtô edi amôma gôébunza yabédé, ône andé na ngudi yowa.

I Pierre 5:8

Bakani misiki Wemani. Môdudeo anyô, yabédé abégôa ga gémbungu gégunga gôébuta éngmbuguméa ône anyôngéô angô éaa. Bakani mitémamie mietso gôndé Nzambé.

I Jean 5:19

Tôsabômu mbe tôndéké ana aNzambé na tsengene nyetso éndéké gô tsina otômu aMôbévine.

Jude 1:9

Buéyé Michel, pene asi g’ôba muetso asiindé nane. Vamasaganédangô na yabédé gôédiia ôtô aMoïse, Michel asitsundédé yabédé gôémôenza. Ivô Michel amasuméa vovogo na yabédé mbe: Kaka me, amuene Kumu Nzambé angagôsiséda.

Gétsutsuéô 12:12

T’ebandô éwe ôba, tsôkéaka, n’anye nôndé g’ôba, tsôkéakani na gényônga gévôni. Ewe, tsinane na mubue déakani gô magugame. Endé te nane. Yabédé amasutumédu na gôndé anye tsina na mubu. N’angô amayôa n’opisa gôébégô asabômu mbe pitsi yedi disaba diyekani, disanéa ti yatangaga.

Gétsutsuéô 12:3

Gévo gémbégéa gématsiga g’ôba. Te Gényogonyogo gémabaka na tsoo. Na gémabaka na miôtsé tsambué na nzimepo éatséba. Gô môtsé na môtsé émaata gépôkôdô sokumaka.

Gétsutsuéô 12:7

Na vane ébadi ématubu g’ôba, Michel na géômbé sedi sasi g’ôba ayanzie aNzambé ahmagenya na Gényogonyogo. Sangô dôta na ayanziedi ahmagenya na Michel.

Gétsutsuéô 12:8

Gényogonyogoge gésidiié. Angô na ayanziedi ahmawatô ôtômue agédigaage sag’ôba.

Gétsutsuéô 13:14

Emabôméda asi tsinane n’etsutsuku émayanzangô g’ôtômu aGényamanyama géndé vangô. Ematôma asi tsinane gôépaka gégoni gôékuméda Gényamanyama. Na sangô, buéyé gamabétuku sangô na ébaga gésiwé.

Gétsutsuéô 16:14

Eangô te édidi éayabédé éyanza étsutsuku. Edidie éedi étatô émakea na gôndé atômi atsinane nyetso gôékôkéga ahngô gôévanga gô ébadie éngagenyu nyoo ôvôni ôngeenanô éne éngayanza Nzambé angô Kumu angudi yetso.

Gétsutsuéô 18:2

Môsi g’ôba ône amaamugana n’ogi agô ngongo mbe: Omapanzô. Môsenge ôvôni aBabylone ômapanzô na ômapanzanganô. Môsenge ône ôka gédigaa sayabédé. Oka gésomeo sedidi ébévani. Nyôyiye dibévani yanzoh didigaa wangô.

Gétsutsuéô 18:23

Gô môsengee ône gôsangadôomba éenanô gévede sadambi éyôani. Gôsangadôôkanô ôgie amôma, môgadi na mômé. Ayôkôe amôsengee ône ahmabaka na ngudi disimenya ene oma. Môsenge ône na maganga medi ômabôméda oma ayekani.

Gétsutsuéô 19:20

Gényamanyamage gématsôpu. Na môékédi adiboe dôta, ône amayanza étsutsuku va miso maGényamanyamage, ahmatsopu (Bangôani mbe te gô étsutsukue éedi amabôméda omee amasinga éetsô ndémbone éaGényamanyamage na amaneegeda gégoni sedi.) Gényamanyamage na môékédine adiboe amagungyu adônga na gô mungu asoto gôkusa mbônga éangôté éndé na tsokida.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.

Gétsutsuéô 2:24

Géé gôndé anye avo asi mbumu éaNzambé gô Thyatire, nôsigésangané gô meekédume mane mabévani. Na anye dôta nôsisingé gôétubédu mane meenda oma mbe: Evétô éviga gôndé Satan. Gôndé anye, me tsanôkôndéga mabégô mayekani, kabaga nôdagéô na mangô ga égumba étsuaôni.

Gétsutsuéô 2:9

Angô mbe: me tsabômu magugame meenanye. Tsabômu n’osugee ôndé n’anye tambô, nôndé n’okiti. Me tsabômu mane matsuavô anye n’ane eenda mbe: Me te Môjuif. Tambô angô kaka Môjuif. Ahndé aneegedi aSatan.

Gétsutsuéô 20:10

Vane yabédé, Môbômédine waô angagunyu na gô mungu asoto gôkusa mbônga ébévani éangôté éndé na tsokida. Wangô angadenga Gényamanyama na môékédine adiboe ahndé gôéenéa angô. Angô atatô angabisongono na pitsi n’omanda môbô na môbô gékôdéé.

Gétsutsuéô 20:8

Angakea gôébôméda asi tsenge yetso yava tsina, ane angeendô mbe Gog na Magog. Satan angakôkanganéda ahngô muetso gôégenya ébadi. Angayeka gayeka misige miagô kôbango amubu.

Gétsutsuéô 3:9

Oôkôni éne éngeenda me ane andé aneegedi aSatan. Ahngô apatie eenda mbe: We te Ajuif, tambô kaka Ajuif. Nangatsôpa ahngô nakudéga ahngô gôésiba mabongome va mbene anyô gôénôneegeda. Ahkinéyee. Gô éne ahngeena gootéa me ényôngéô anye.

Gétsutsuéô 9:1

Môsi g’ôba ône amôtayi amatoongo gémbômbage. Me Jean, nameena mônanga ômaagaka g’ôba na gô tsina. Mônangee ône ômeetsô môsapi eeduku éamongodi ésaba n’ekôdéô.

Gétsutsuéô 9:20

Omee muetso amasanéaka va tsina ahsiyôuku na panda yevungee étatô éne, asiviié ngima mane mamayanzahngô anguene. Ahsitsiké éneegeda édidie ébévani na mbumba yegoni dimapakôni na dimakônzuni na dodo na muahnga osunu ôvôni na étaé na kunga, na péndé.