Gétsutsuéô 12:7 - New Testament in Mitsogo

⁷ Na vane ébadi ématubu g’ôba, Michel na géômbé sedi sasi g’ôba ayanzie aNzambé ahmagenya na Gényogonyogo. Sangô dôta na ayanziedi ahmagenya na Michel.

Gétsutsuéô 12:7 ပူးပေါင်းရင်းမြစ်များ

Matthieu 13:41

Me, Muana Amôma nangavigéda ayanzi ami, asi g’ôba gôésevoa ane akubéda akaô gôéénda mane mabévani, na abévie muetso, amôtôa ahngô va gatse ane andé g’ôkumue wami.

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Matthieu 24:31

Vangatoongu émbômba nangavigéda asi g’ôba ayanzie ami gôékôkéga omami andé gô ékoo na gô dongu na gésa na gésa amasevôu na Nzambé.

Matthieu 25:41

Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

Matthieu 26:53

?Tambô ôsamenya mbe nandé na ngudi yeduka Téta gôésungéa me‐a? Okô naduki, tsina na tsina mbe angavigéda mitônisa na mitônisa miasi g’ôba na gôndé me.

II Corinthiens 12:7

Gômatsutsuédu me na Nzambé mabégô mavôni mav’esooe maseenanô n’oma ayekani, Nzambé asanyôngéô mbe nabé na nyemo gô mangô. T’ebangô nameetsô g’ôtô ami ébeea éapievia étsoko me ga tséndé éviga gôndé Satan gôétubéda me panda na ésugéda me kabaga naba na nyemo.

Ephésiens 6:12

Ebadie éndé na wa n’anyô tôsagenya n’oma. Tôgenya te na édidi ébévani éndé n’enyanga na édigaa va gatse atsina n’oba, na atômie, na ditômuye na kumuye yagô tsengene yaô yevitsi.

II Thessaloniciens 1:7

Na angeetsa gévôgiméô gôndé anye nôndé gô maguga. Na gôndé we te mônongovo. Tôngaba na gévôgiméô te vangaviga Kumu Jésus g’ôba na ngudi yetso, angô n’asi g’ôba ane avigédu na Nzambé.

Hébreux 2:10

Emabaka ti kuanakue gôndé Nzambé, angô môkani na môkeneyi éôma éetso, gôésinga Jésus eena maguga mbe angadiia ôndômba. Gômbe angaveegéda anedi ayekani gôédiia n’edi ôndômba ôvo. Amuene Jésus te gétômbiatômbia gékuséda oma gô maguga na géengéda ahngô gô géobogeo.

II Pierre 2:4

Aanakani geenda Nzambé. Buéyé asi g’ôba, ayanzi aNzambé vameendahngô ébégô ébévani Nzambé asiene ahngô ngeba. Ivô amadigunya midikidiki gô mbenge yevitsi gôkeneo angô ngu na nyaa amôtsundu.

Jude 1:9

Buéyé Michel, pene asi g’ôba muetso asiindé nane. Vamasaganédangô na yabédé gôédiia ôtô aMoïse, Michel asitsundédé yabédé gôémôenza. Ivô Michel amasuméa vovogo na yabédé mbe: Kaka me, amuene Kumu Nzambé angagôsiséda.

Gétsutsuéô 12:8

Gényogonyogoge gésidiié. Angô na ayanziedi ahmawatô ôtômue agédigaage sag’ôba.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Gétsutsuéô 13:7

Gényamanyamage gémeetsô ôtômu gôégenya n’asi Nzambé na gôédiia gô ébadie éne. Gémeetsô ôtômu gôndé mongo metso, n’oma muetso na yôgiye yetso na tsengeye yetso.

Gétsutsuéô 20:2

Môsi g’ôba amatsôpa Gényogonyogoge géne gémabaka bandôa v’ebandô, sangô te ône eendô mbe yabédé na Satan. Angô amakatô na pangane gôédigaa na yangô môtônisa amipuma.