Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gétsutsuéô 12:11 - New Testament in Mitsogo

11 Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.

အခန်းကိုကြည့်ပါ။ ကော်ပီ




Gétsutsuéô 12:11
33 ပူးပေါင်းရင်းမြစ်များ  

One akea n’ami nzéepo asangoongôa étetu mbe môneengi aJésus, angô gékiné tétedi na yeedi na môgayedi na anedi na anayeedi amôgôô n’ageto. Angakina dôta béyé n’otôe wedi amuene.


Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.


Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.


Ivô Paul amakékôa ôgie wasô mbe: ?Anye nôdéa ndé? ?Nayee nôyungéda me môtéma mbe kabaga tsakea-a? Memuene nandé na môtéma ômasumani gôékea, kaka gôékatô ésengo étévo, buéyé na gôéyôhu gô mabégô maKumu Jésus gô Jérusalem me tseena panda.


Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga. Te mbe mate maKumu éasô nanyô Jésus mabaké gôndé anye.


Tôkumédékéni Nzambé atôétsa ngudi gô ina aJésus‐Christ gôétseda ôwa.


Gôndé anye anami nôndé ana aNzambé ag’ôbôtu, nômani édiia gô ébadie égenya anye n’eekédi adiboe. Nômediia gôébégô Gédidige géndé gô mitéma mianyô géôtéa ngudi na géne géndéké gôndé oma atsengene.


?One oongôa édiia gô ébadi égenyu na môtômine atsengene indaa? Kaka muene. Te ône asatsuma paga mbe Jésus te Muana ANzambé.


Jean amatenda metso mameenangô na mamookô angô gôénigôa tsangô éamaviga gôndé Nzambé. Te mabégô mapie mamatubédu angô na Jésus‐Christ.


Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.


Vangamanahngô énigôa ébégôe éndé n’ahngô, Génamanyama géngakusa gô édukue éamongodi géngagenya n’ahngô, na géngayôha mbangiye.


Sangô gémakambôga gômawatô sangô môgetone na gémakea gôégenya n’anedi amasanéani, te ane agobeda mitôma na mige miaNzambé na ahsanzeegeda mabégô mapie mamatubédu ahngô na Jésus.


Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.


Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.


Okô mbe anye nôndé na matô ôôkôni môma na môma mane mavovo Gédidi SaNzambé na anye asi mbumu éaNzambé. Angô mbe: Gôndé ane adiiani gô ébadi égenyuni nangeetsa ahngô môyakô ôviga g’ôba ôsamenya muetso. Nangeetsa ahngô dôta étaé éavembo ématendu ina éatsatsee ésamenya muene môma buétsé te kumue éangô.


Gôndé anye nôdiia gô ébadie égenyuni, n’anye nôénda mane manyôngéô me géniké ngima ngu na vangaviga me, nanganôétsa ényanga. Te éne émeetsô me na Téta Nzambé. Nanganôétsa ényanga gôétôma tsengeye yetso. Nôngaditôma na môtunga amuahnga ôsaba na ngeba. Tsengeye dine dingapanzéga gabuéga mbéka éebôô pingô yatsesee. Nanganôétsa na mônanga ôtanani ava maageô.


Okô mbe anye nôndé na matô, ôôkôni môma na môma mane mavovo Gédidi SaNzambé n’anye asi mbumu éaNzambé. Angô mbe: Gôndé ane adiiani gô ébadi égenyuni, me nangeetsa ahngô ôtômu gôéaa miônda miagéétété géétsa monyo géndéké gô gatse atsaga éaNzambé.


Nameena édigaa éokumaka. Ane amadigaa gô éangô ameetsô ôtômu gôétsundéda. Me nameena dôta édidi éane amayôhu gô gékuanô gôébégô amatsua Mabégô Mapie mamatsutsua Jésus na ameekéda Mane Mamavovo Nzambé. Ahngô asingeegede Gényamanyamage na gégonige sedi. Na ahmakina éetsô ndémbone gô panza na g’ôgogo. Ahngakunduga g’ôwa gôétôma ôtômu ôvo na Christ, ône ameetsô na Nzambé gôétôma tsinane môtônisa amipuma.


Gôndé ône adiiani gô ébadie angaba éengô ésipa ebee wetso aNzambé éami, n’angô asangakusa wangô. Nangatenda g’ôtô edi ina aNzambé éasô n’edi na ina amôsenge aNzambé. Môsenge ône te nyene Jérusalem atsatsee ôndé va kôbangô amuene Nzambé na ôngasuma g’ôba. Nangatenda g’ôtô edi dôta inami éatsatsee éndé n’ami.


Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.


Te anye nômadiia gô ébadi égenyuni nôngaatédu mikanda miavembo. Mina manyô masangabusuu gô môganda amonyo. Me nanganigôa na gényônga va mbene aTéta Nzambé n’ayanzi edi asi g’ôba muetso mbe: Adua te omami.


Na vane Môpaga ômapaba môkatékôe amôtayi. Nameena gévumbéô sadigondoku. Gô tsina agévumbéôge nameena édidie éane amayôhuni ameekéda Tsangô Eamôsôba éaNzambé na amadigaa na mavôma gô mane maJésus.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ