Gétsutsuéô 12:10 - New Testament in Mitsogo

¹⁰ Me Jean namookô ôgi angudi ôviga g’ôba ômavovo mbe: Tôka gô ndéône. Géobogeo saNzambé gébuéyi. Tôka gô ndéône. Nzambé atubédi ngudi yedi yokumaka. Tôka gô ndéône. Christ, ône amasevou na Nzambé atubédi ényangee éndé n’edi. Môtsuaviné amabaka môtie va mbene aNzambé gôétsuava asi mbumu éaNzambé, ana aTétee n’asô n’anyô na pitsi n’omanda. Môtsuavine ône te ône amapatsô g’ôba.

Gétsutsuéô 12:10 ပူးပေါင်းရင်းမြစ်များ

Matthieu 26:64

Jésus amamôaabéa mbe: Te gavovi éwe. Na me nanôpandôéda mbe bandôa deo noo, nôngeena Muana Amôma digaa gô géeyo gémôgôô saNzambé Kumu angudi yetso. Nôngeena dôta Muana Amôma aviga va gatse adibôngé yag’ôba.

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Matthieu 6:10

Nanyôngéô mbe ôkumue woo ôviga gôétôma. Nanyôngéô mbe oma eenda va tsina éne ényôngéô éwe, Mônongovo geendô éne ényôngéô éwe g’ôba.

LUC TSANGO EAMOSOBA EMATENDA 11:2

Jésus amavovo n’ahngô mbe: Vasambéda anye Nzambé, nôvovo te mbe: Téta, Nanyôngéô mbe inoo éneegedu. Nanyôngéô mbe ôkumue woo ôviga gôétôma.

LUC TSANGO EAMOSOBA EMATENDA 22:31

Kumu Jésus ameenda mbe: Simon, Simon. Satan aduki me éwe gôéginya éwe mônongovo gaginyô géétété na gékunga gôébôkôa sangô.

II Corinthiens 12:9

Kumu amaabéa me mbe: Aé. Tsagônôtôa tséndé nene. Ivô gô tsina ebégô édagani éne, nandéké n’ewe gôégôsipéda. Ombiabuta sene sôma. Okô vasaba éwe na ngudi, dine yami dingeenanô na vede gôndé éwe. Kumu amavovo te nane. Me Paul nanôbeenda mbe nootéa étsôkéa g’ôpôpée wami buta mbe ngudi yaChrist dingeengéa pepe na gôndé me.

Tite 2:3

Obeenda peeye yageto te mônongovo. Beenda ahngô mbe: Digaani pitsi yetso gô mônongo ageto amatsimamani. Beenda ahngô mbe: Nômbiakea nôgiangana. Nômbiadigaa g’ôvéga amaduku. Buedi mbe agetoe ane oongô akaô ndongi yamisôba.

I Pierre 5:8

Bakani misiki Wemani. Môdudeo anyô, yabédé abégôa ga gémbungu gégunga gôébuta éngmbuguméa ône anyôngéô angô éaa. Bakani mitémamie mietso gôndé Nzambé.

Gétsutsuéô 11:15

Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.

Gétsutsuéô 2:26

Gôndé anye nôdiia gô ébadie égenyuni, n’anye nôénda mane manyôngéô me géniké ngima ngu na vangaviga me, nanganôétsa ényanga. Te éne émeetsô me na Téta Nzambé. Nanganôétsa ényanga gôétôma tsengeye yetso. Nôngaditôma na môtunga amuahnga ôsaba na ngeba. Tsengeye dine dingapanzéga gabuéga mbéka éebôô pingô yatsesee. Nanganôétsa na mônanga ôtanani ava maageô.

Gétsutsuéô 7:10

Ameemba na gényônga mbe: Géôbogeo gémoobou we gémaviga gôndé Nzambé asô andé digaa gô gédigaa sokumaka. Na gémaviga dôta gôndé Môpaga éndombo.