Gétsutsuéô 12:1 - New Testament in Mitsogo

¹ Gémbégéage gévôni gématsiga g’ôba. Te môgeto amadipô na ômandee gadipô môma na môkanda. Ngondene émabaka va makôdô medi. Na gô môtsé te gépôkôdô sokumaka géndé na nzima éaminanga na minanga mibaé.

Gétsutsuéô 12:1 ပူးပေါင်းရင်းမြစ်များ

Matthieu 12:38

Avo anigôi amige miaNzambé na avo Apharisien amavovo na Jésus mbe: Môékédi, we tônyôngéô éena gémbégéa gésoongôa môma ésupua gétubéda ôtômue ôndé n’ewe.

Matthieu 24:30

Vane gémbégéa samemuene Muana Amôma géngatsutsuga g’ôba. Asi mongo metso mava tsina angadéa na mindônga. Ahngeena me, Muana Amôma natsutsuga va gatse adibôngé yag’ôba na ngudi yetso na ôkumaka ondômbami.

Marc 13:25

Minangamie mingaaga g’ôba na bobokoboboko. Ane ahtôma ngudiye yava gatse atsina n’oba ahngatatéa.

LUC TSANGO EAMOSOBA EMATENDA 21:11

Tsinane éngatatéa pepe gô tungune ésitatéké yangô na mbeego. Gôngaba nzaa na évunga éamabeea mavôni. Gôngeenanô étsutsuku éagomo ésienanô na mbeego. Gôngeenanô dôta émbégéa g’ôba.

LUC TSANGO EAMOSOBA EMATENDA 21:25

G’ôba gôngatsiga émbégéa gô kômbéne, na gô ngondene, na gô minangamie. Asi tsenge yetso yava tsina angeena gomo na angadigaa na mikebanganô go nzongodi éamubue na éamiyôkiyôkimie miedi.

Jean 3:29

Muéba te amômiedi, kaka amuene môma. Buéyé nane, wee amômôgôône andé te va kôbangô edi gôéôkô ôgie edi. Na angô atsôkéa gô gényôngage sawee edi. Gényôngage géne te sami. Na géndéké gémadugani.

Mayanzame 2:19

Nôngeena émbégéa g’ôba na étsutsuku gô tsinane énganôtubéda me. Gôngaba nzina, na soto na nzôngé éamôtutu.

Romains 13:14

Bandôa gô matambé na gô môtsé tôaatékéni monyo aKumu asô n’anyô Jésus-Christ gatôaata maduani. Nômbiasingana na manyima mabévani mayôtô yasô n’anyô gôédugéda mangô.

Romains 3:22

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

II Corinthiens 11:2

Me nakenea anye gakeneo tômbô ématetedu gô yômba, na ésangabongu na muene. Môkeneyi edi ookô mangongo vabonu angô na muene mômôgôô. Te gookô me mangongo gôndé anye. Na mangongome mangô maviga te gôndé Nzambé. Me nakenea anye ngu na vangaviga mômé anyô Jésus‐Christ gôénôbongo.

Galatie 3:27

Anye muetso nômeetsô bateme gôéba na vitoo na Jésus‐Christ nômakou wene mônongo. Na nômadeka mônongoe ôndé na amuene Jésus‐Christ, ôndéké amôsôba.

Galatie 4:26

Ivô Jérusalem éagô tsenge éag’ôba ésaba g’ôvéga. Yangô te yeene éasô n’anyô.

Galatie 6:14

Gôndé me tsanyemôga gô éne ébégô buétsé te gésumuge sowa gémayôhu Kumu asô n’anyô Jésus‐Christ. Gôébégô éagésumu sedi sowa, éôma éetso éatsengene éndé ga sôma gémabooni gôndé me. Na gô mane matsengene, tsôvé yami dimawa gô mangô.

Ephésiens 5:32

Me Paul nanônigôa mbe ébégô édué éapie éndéké ébégô évôni ésinigôganéôkô na mbeego. Na étôékéda mônongovo gandé Christ na mbumune yedi.

Gétsutsuéô 1:20

Oeni éne ésamenyanganôni éav’esooe éaminanga tsambué miena éwe sumbéda g’ôgogo ami ômôgôô na éne éeni éwe évumbéô tsambué éadambi éangôéé. Minangamie tsambué te asi g’ôba amavigédu na Nzambé andé gôékenea asi mbumu éedi gô mbôkaye tsambué. Evumbéô tsambué éadambi te asi mbumu éaNzambé gô mbôka tsambué.

Gétsutsuéô 11:19

Eba aNzambé g’ôba ômakukuu. Gégaa géenanô wangô te gémbégéa sevamba éaNzambé n’oma. Mikadikadi mimakadima na nzongodi. Midumu mimaduma. Na tsinane ématatéa. Na mataa mamaaga mayekani.

Gétsutsuéô 12:3

Gévo gémbégéa gématsiga g’ôba. Te Gényogonyogo gémabaka na tsoo. Na gémabaka na miôtsé tsambué na nzimepo éatséba. Gô môtsé na môtsé émaata gépôkôdô sokumaka.

Gétsutsuéô 15:1

Vane nameena gévo gémbégéa gévôni gémasôbasôbana me. Nameena asi g’ôba tsambué amavigédu na Nzambé asumbéda panda yevunga tsambué. Yangô te panda yevungee éamôyusumédu. Opisa aNzambé ôngakôdéa gô yangô.

Gétsutsuéô 21:14

Môgômbee amôsengee ône ômadigédu gô ngongo obôgee ômasaaô na nzima adibobo na dibobo dibaé. Gô yangô gômatendu nzima amina na mina mabaé maane amasevouni na amatômukuni n’amuene Môpaga Endombo.

Gétsutsuéô 21:23

Môsengee ône ôsaba na tsôvé éakômbéne na ngondene gôéétsa angô gévede, te ôbébayi ôtubéda ôndômba amuene Nzambé ôtanédani na Môpagee te dambine.