Gétsutsuéô 11:19 - New Testament in Mitsogo

¹⁹ Eba aNzambé g’ôba ômakukuu. Gégaa géenanô wangô te gémbégéa sevamba éaNzambé n’oma. Mikadikadi mimakadima na nzongodi. Midumu mimaduma. Na tsinane ématatéa. Na mataa mamaaga mayekani.

Gétsutsuéô 11:19 ပူးပေါင်းရင်းမြစ်များ

Gétsutsuéô 11:13

Tsina na tsina totone éngatatéa, ti géndégégé. N’ovo ôkabô amôsenge ôngapanzéga n’omee abaki wangô. Otangôe ane angawaani vatatéa tsinane te mitônisa tsambué mioma. Ane angasanéani angookô gomo na angakuméda Nzambé andé g’ôba.

Gétsutsuéô 11:15

Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.

Gétsutsuéô 12:1

Gémbégéage gévôni gématsiga g’ôba. Te môgeto amadipô na ômandee gadipô môma na môkanda. Ngondene émabaka va makôdô medi. Na gô môtsé te gépôkôdô sokumaka géndé na nzima éaminanga na minanga mibaé.

Gétsutsuéô 16:1

Va mbenene vane, me Jean namookô ôgi angudi ômavovo gô eba aNzambé. Ogie ômatôma asi g’ôba tsambué mbe: Kiakani. Nôkéetéa gô tsinane ébungue tsambué émayôa n’opisa aNzambé.

Gétsutsuéô 16:18

Mikadikadi mimakadima. Nzongodine émookanô. Midumumie mimakunga. Tsinane ématatéa ti tatéa. Bandôa v’ebandô amôma ngu na nyoone, tsinane madeo ésitatéa gô ône mônongo.

Gétsutsuéô 16:21

Mataa mavôni mamaaga g’ôba na gô tsina gôédenga oma. Etaa évo émadita gadita gésambi satsanga. Omee amatoko Nzambé gôébégô éamataa. Mangô mamabaka gévunga gédagani sapanda.

Gétsutsuéô 19:11

Vane nameena ôba ômakukua na cheval éavembo émakusa. One amadigaa gô nyama nene, inedi te Mavôma na évo ina, Môma Apie. Angô atsundéda gépénganédé. Na agenya kuka yetso gétsaé.

Gétsutsuéô 4:1

Oô te me Jean navovoni. Nanigôa na mavo mabégô mamatubédu me na Nzambé te nandé nani gébé gô vio. Nameena ôkuké ag’ôba ômakukuuni. Namoomba éôkô ôgie ômatongo ga gémbômba te ône ômookô me v’ebandô. Angô mbe: Bata n’eva. Nangagôtubéda mane mangabuéani va mbene éene.

Gétsutsuéô 4:5

Gô gédigage gévôni gômakusa mikadikadi na nzongodi na gômaduméda môdumu. Va mbene agédigaage gômabaka kôa tsambué yayiyô dimayôakani. Yangô te édidi tsambué éaNzambé.

Gétsutsuéô 7:15

T’ebandô tôena ahngô va mbene agédigaa saNzambé sokumaka. Na pitsi n’omanda ahndé gôéyanzéa Nzambé gô ebedi, vandé amuene gô gédigaa sedi sokumaka eebakanéda ahngô.

Gétsutsuéô 8:5

Vane, môsi g’ôba amayuéséda gébunguge géne na soto gémaviga gô gévumbéô sadigondoku. Na amagégunya na va tsinane. Gômakungaka môdumu na nzongodi épôni. Gômakadima na mikadikadi. Tsinane ématatéa.

Gétsutsuéô 8:7

One amapanga amatoongo gémbômba. Gômaaga na gô tsina mataa na soto gémagésu na nzina. Eetso émagunyu na gô tsinane nyetso. Totone émakabô étaté étatô, na gévo saté gémayôa. Na éétété émakabô dikabô ditatô, na ôvo ôkabô ômayôa. Na ésingee éetso émadôngani émayôa na soto.