Gétsutsuéô 11:18 - New Testament in Mitsogo

¹⁸ Tsengeye yetso yava tsina dimayôa n’obagaa Na ndéône ébuéyi, éne éngeenanô ôpisee woo. Na ane amawani angatsundédu. Ndéône ébuéyi éne éngeetsewe ayanzie woo, te apandôédie amatasa moo môsendee waô. Na gôndé asi mbumu éoo muetso n’ane ahmaditéda éwe Byéyé mbe oma avôni, n’ageage ôngeetsahngô môsenda. Ndéône ébuéyi éne éngadimbanédewe ane ahmabunzanganéda tsinane.

Gétsutsuéô 11:18 ပူးပေါင်းရင်းမြစ်များ

Matthieu 5:12

Tsôkéani na gényônga gévôni gôébégô nôngadiia misenda g’ôba. Va mbeego anye madeo nôsibôtu apandôédi amatasa maNzambé amakuanô te nane.

LUC TSANGO EAMOSOBA EMATENDA 1:50

Angô gô ndéô yetso eena môma ngeba gôndé ane amôgobeda na éhdita.

Hébreux 9:27

Emakitsô mbe: Môma na môma angawa te éta épo, na va mbene owa angatsundédu na Nzambé.

Gétsutsuéô 10:7

Ti vangatoongo môsi g’ôba ône atsumbué gémbômbage sedi, tôngeena Nzambé adugéda éne ényôngéô angô émbaka gav’esooe ésinigôganéôni, te éne émabeendangô ayanziedi, apandôédi ambeego amatasa medi.

Gétsutsuéô 11:2

Otsika gésa samôkii agô eba aNzambé. Ombiabongo ôkana gô angô. Môkiie ône ômeetsô gôndé ane asagobeda Nzambé na ahngayeta môsengee aNzambé gô nzima dinayi na ngonde dibaé.

Gétsutsuéô 13:10

One ameendô mbe angatsôpu na gô tsôgôô, angatsôpu te na gô tsôgôô. One ameendô mbe angayôhu n’ebaga, angayôhu te n’ebaga. Nôeni ébandôe émeendô asi mbumu éaNzambé mbe: Bakani nômasipa n’obibô génôtôgé gôndé Jésus ône ameetsanye mitémamie gébé na buétsé.

Gétsutsuéô 13:16

Gényamanyama gématindéga oma muetso na ageage na avôni, n’ekitie na misuga, n’avéga, n’ane asaba avéga gôéémbo ndémbô g’ôgogoe ômôgôô na gô panza.

Gétsutsuéô 14:10

Anye nônganyua gébungu géyôa n’opisa aNzambé ôsigésu na sôma gôésusua ôbagee. Anye muetso nômasinga Gényamanyama na gégonige sedi nôngabisa gô soto géyôa na mbônga ébévani, géndé va mbene asi g’ôba ayanzie aNzambé na Môpaga.

Gétsutsuéô 15:1

Vane nameena gévo gémbégéa gévôni gémasôbasôbana me. Nameena asi g’ôba tsambué amavigédu na Nzambé asumbéda panda yevunga tsambué. Yangô te panda yevungee éamôyusumédu. Opisa aNzambé ôngakôdéa gô yangô.

Gétsutsuéô 15:7

Va gatse eôma énayi évégumani, gévô gémeetsa asi g’ôba tsambué ébungu tsambué émakônzu na dodo. Ebungue éne émayôa n’opisa aNzambé ône andé monyo môbô na môbô.

Gétsutsuéô 18:6

Véndani môsengee ône gameendangô anye. Gô maguga mamatubédu anye n’edi gô ébégô évo, kôndégani émônikédéa mabégô mabaé. Kônzéani angô gébungu samaguga géngootéa édaga na géne gémakônzéangô anye.

Gétsutsuéô 19:15

Gô mônya ône atetu mbe, Ogi ANzambé, gômakusa ébaga éamengô. Na éangô angabeta tsengeye yetso. Angatôma yangô na môtunga amuahnga ôsaba na ngeba. Na angapinya miônda gô gétsanga sopisa ôbabaka aNzambé, Kumu otômue wetso.

Gétsutsuéô 19:18

Vigani nôviaa yôtô yakumu yatsenge yetso na yôtô yaatômi amigode na yamigodemie. Nôviaa dôta na môsoyi anyama na yôtôye yane adigaa gô yangô. Nôviaa na dine yoma muetso, avéga na ane asaba avéga, na payi na anéngé.

Gétsutsuéô 19:5

Ogi ômavovo gô gédigaa sokumaka mbe: Kumédani Nzambé asô, anye n’asi g’ôba muetso, n’anye muetso nômôena éhdita, payi n’anengé.

Gétsutsuéô 20:12

Nameena ane amawani na payi n’anéngé, ahndé mitie va mbene agédigaage sokumaka. Ebooto éamiganda émakukuu. Gévo gébooto samiganda gémakukuuni te géne samonyo. Ane amawani amatsundédu gô mane mameendangô mamatendu gô migandamie.

Gétsutsuéô 20:15

One asangadenganô inedi ématendu gô miganda miamonyo angagunyu na gô mungu asoto.

Gétsutsuéô 22:12

Jésus angô mbe: Oôkoni édué. Me nangôô navigani ône. Naka gô nzéa gôéviga. Ivô tsabadô gô nzéa, naka ti v’ombaa. Me naviga natsua môsendee te ôséngu gôndé môma na môma ngu na éne émeendangô.