Gétsutsuéô 11:17 - New Testament in Mitsogo

¹⁷ Kumu Nzambé, éwe Kumu otômue wetso Ewe ôndéké na ômabaka. We tôgôkuméda gôébégô ômayanzéda ngudiye yoo yetso Na ôndéké gôétôma tsinane.

Gétsutsuéô 11:17 ပူးပေါင်းရင်းမြစ်များ

Matthieu 11:25

Gô ndéô nene Jésus amavovo na Tétedi mbe: Ah Téta, Ewe Kumu atsina n’oba, nagôkuméda. Ewe ômatsutsuéda mabégô mavôni gôndé oma abobo mbe amamenya. Géé gôndé oma éodo, na oma agéneenga gévôni ômasuéga mangô.

LUC TSANGO EAMOSOBA EMATENDA 10:21

Gô ndéô nene, Jésus amatsôkéa na gényônga gévôni saGédidi SaNzambé, na amavovo na Nzambé mbe: Ah Téta, éwe Kumu atsina n’oba, nagôkuméda. Ewe ômatsutsuéda mabégô mavôni gôndé ana anéngé mbe amamenya. Géé gôndé oma eodo na oma agéneenga gévôni ômasuéga mangô. Na gô pie Téta, éndé te nane gôébégô ômuene ômanyôngéô te nane. Nagôkuméda gô éangô.

Jean 11:41

Etaé émakôngégu. Jésus amabôkaméa na g’ôba gôévovo na Nzambé mbe: Téta, nagôkuméda gôôkéyiô éwe me.

II Corinthiens 2:14

Tôneegede Nzambé na géneega setso. Wa n’anyô tôka monyovo na Jésus‐Christ tôndéké kuka yetso gô géômbé sane amadiiani tôkea tôtsôkéa na mimbô gômatsedu môdudeo. Nzambé ayanza na wa n’anyô gôémenyeda ina aChrist gô tungu yetso. Inedi étsanzabana ga mbônga amôyombo amôsôba ôtsanzabana tungu yetso.

II Corinthiens 9:15

Tôkumédéni Nzambé gô éne étôétsiô n’edi géenza ésaba matangôéô.

I Timothée 1:12

Me Paul nakuméda Kumu asô n’oo Jésus‐Christ, ône ameetsa me ngudi gôédugéda éyanzee éami. Namôkuméda gôébégô ameena me mbe: One andé na mavôma gôéétsô éyanza. Namôkuméda gômasevoangô me mbe namôyanzéa.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.

Gétsutsuéô 1:8

Kumu Nzambé avovo mbe: Me te Alpha na Oméga. Evéndégéô mbe v’ebandô ametso te me na v’ekôdéô ametso te me. One avovoni te Kumu angudi yetso. Angô amabakani ne te angô andékéni na te angô angavigani.

Gétsutsuéô 11:15

Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.

Gétsutsuéô 15:3

Ahmatôa imbô ématuba môyanzi aNzambé, Moïse na émbô étôa Môpaga. Ahmatôa mbe: Ah Kumu Nzambé, éwe Kumu angudi yetso. Mane mayanzewe mootéa ényepa na mootéa ékasôgéda môma. Ewe Môtômi atsengeye yetso, matasa moo mapie masakoga.

Gétsutsuéô 16:14

Eangô te édidi éayabédé éyanza étsutsuku. Edidie éedi étatô émakea na gôndé atômi atsinane nyetso gôékôkéga ahngô gôévanga gô ébadie éngagenyu nyoo ôvôni ôngeenanô éne éngayanza Nzambé angô Kumu angudi yetso.

Gétsutsuéô 16:5

Namookô môsi g’ôba andé n’otômu ameba amavovo mbe: Ah Kumu éetsimama. Ewe ôsabômu évovo. Oesédi omeaa ti kuanakue. Ewe Kumu ômabakani na ôndékéni.

Gétsutsuéô 16:7

Na vane me Jean namookô ôgi ômavovo gô gévumbéô sadigondoku mbe: Ii, Kumu Nzambé, éwe Kumu angudi yetso, ôsabômu évovo. Oeséda oma ti kuanakue.

Gétsutsuéô 18:8

T’ebandô panda yevunga éetsa dingaviga na gô môsnegee ône te nyovo. Evungee te mabeea, na kebo na môéngé, na nzaa, na soto géngayôéda angô. Gôébégô Kumu Nzambé asoséda môsengee ône te amuene Kumu angudi yetso.

Gétsutsuéô 19:11

Vane nameena ôba ômakukua na cheval éavembo émakusa. One amadigaa gô nyama nene, inedi te Mavôma na évo ina, Môma Apie. Angô atsundéda gépénganédé. Na agenya kuka yetso gétsaé.

Gétsutsuéô 19:6

Na me Jean namookô ôgi agéômbé gévôni ômavovo na nzongodi éndé ga ngubu na ga midumu mikungani. Namookô angô ômavovo mbe: Tôkumédéni Nzambé, angô Kumu épôni éndé gôétôma.