Gétsutsuéô 11:15 - New Testament in Mitsogo

¹⁵ Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.

Gétsutsuéô 11:15 ပူးပေါင်းရင်းမြစ်များ

Matthieu 24:31

Vangatoongu émbômba nangavigéda asi g’ôba ayanzie ami gôékôkéga omami andé gô ékoo na gô dongu na gésa na gésa amasevôu na Nzambé.

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

LUC TSANGO EAMOSOBA EMATENDA 1:33

Angatôma omedi asi éongo éaIsraël môbô na môbô. Otômue wedi ôsangaba n’ekôdéô.

LUC TSANGO EAMOSOBA EMATENDA 15:10

Jésus amatimbôanéda mbe: Nanôbeenda mbe asi g’ôba ayanzie aNzambé atsôkéa ti tsôkéa gôndé môma môbévani, buéyé mbe môvo akoa môtémedi gôéba wene mônongo.

LUC TSANGO EAMOSOBA EMATENDA 15:6

Vanikangô na gô mbôka, mômôgôô nône abambéa wee yedi n’akedi muetso na gô eba. Angô mbe: Aneya, tôtsôkékéni. Ene édimbanikini neetsutsui.

Mayanzame 4:26

Atômie ava tsina amavôtsa misagô miaô gôégenya. Atômie muetso amavanga gôéénda Ebadi na Nzambé na Christ, ône amasevoa angô.

Hébreux 1:8

Na gôébégô éaMuanedi, Nzambé amavovo mbe: Ah Nzambé, gédigéô soo sokumaka géndéké samôbô na môbô. Otômue woo ôsapengana gatôma éwe na môtungee woo.

Gétsutsuéô 10:7

Ti vangatoongo môsi g’ôba ône atsumbué gémbômbage sedi, tôngeena Nzambé adugéda éne ényôngéô angô émbaka gav’esooe ésinigôganéôni, te éne émabeendangô ayanziedi, apandôédi ambeego amatasa medi.

Gétsutsuéô 12:10

Me Jean namookô ôgi angudi ôviga g’ôba ômavovo mbe: Tôka gô ndéône. Géobogeo saNzambé gébuéyi. Tôka gô ndéône. Nzambé atubédi ngudi yedi yokumaka. Tôka gô ndéône. Christ, ône amasevou na Nzambé atubédi ényangee éndé n’edi. Môtsuaviné amabaka môtie va mbene aNzambé gôétsuava asi mbumu éaNzambé, ana aTétee n’asô n’anyô na pitsi n’omanda. Môtsuavine ône te ône amapatsô g’ôba.

Gétsutsuéô 15:4

?One asookô éwe gomo indaa? ?One akina éneegeda éwe indaa? Ewe te Kumu éetsimama, gôsaba muene. Asi tsengeye yetso ahngaviga gôékotomo va mbene oo gôégobeda éwe. Géesédéôge soo gésapenganani gémeenanô va vede.

Gétsutsuéô 16:17

Môsi g’ôba ône atsambué ameetéa gébunguge sedi g’ôpunga. Ogie ôvôni ômavovo gô eba aNzambé ômakusa gésa sagédigaa sokumaka. Ogi ômavovo mbe: Egôgi.

Gétsutsuéô 17:14

Dingagenya na Môpagee Endombo na te Môpagee ôngadiiani gôébégô angô te Kumu akumu yetso na angô te môtômi aatômie muetso. Môpagee ôngadiia, angô n’ane andé n’edi. Ane andé n’edi te ane ahmasevouni na ahmabambéôni na amamôétsa mitéma miaô.

Gétsutsuéô 19:1

Va mbenene vane, namookô ôgie akangégangé ômavovo géômbé gévoni gô ngongo. Omavovo mbe: Tôkumédékéni Nzambé gô géôbogeoge géndé n’edi na g’ôkumakee, n’ondômbee wedi.

Gétsutsuéô 19:6

Na me Jean namookô ôgi agéômbé gévôni ômavovo na nzongodi éndé ga ngubu na ga midumu mikungani. Namookô angô ômavovo mbe: Tôkumédéni Nzambé, angô Kumu épôni éndé gôétôma.

Gétsutsuéô 20:4

Nameena édigaa éokumaka. Ane amadigaa gô éangô ameetsô ôtômu gôétsundéda. Me nameena dôta édidi éane amayôhu gô gékuanô gôébégô amatsua Mabégô Mapie mamatsutsua Jésus na ameekéda Mane Mamavovo Nzambé. Ahngô asingeegede Gényamanyamage na gégonige sedi. Na ahmakina éetsô ndémbone gô panza na g’ôgogo. Ahngakunduga g’ôwa gôétôma ôtômu ôvo na Christ, ône ameetsô na Nzambé gôétôma tsinane môtônisa amipuma.

Gétsutsuéô 8:12

Na môsi g’ôba ône amônayi amatoongo gémbômbage. Saté sakômbéne gémapikô na ôkabô aminanga ômapikô na saté sangonde gémapikô, na vane gévedege saô gémabandôa ééma. Gô gébéndéké samôsaa gôsibé ômanda. Na gô gébéndéké sapitsi te évitsi étévo.

Gétsutsuéô 9:1

Môsi g’ôba ône amôtayi amatoongo gémbômbage. Me Jean, nameena mônanga ômaagaka g’ôba na gô tsina. Mônangee ône ômeetsô môsapi eeduku éamongodi ésaba n’ekôdéô.

Gétsutsuéô 9:13

Na vane môsi g’ôba ône amôtôba amavigédu na Nzambé gôétoongo gémbômbage. Me Jean namookô ôgie ômakusa gô mapandaka magévumbéô sadigondoku ômakônzu na dodo na gémabaka va mbene aNzambé.