Gétsutsuéô 11:10 - New Testament in Mitsogo

¹⁰ Asi tsengene ahnganyôngéô ôwa ambangiye dibaé. Ahngatsôkéa ti ga sueti na angeetsana éôma éadibiia anguene n’anguene. Gôébégô mbangiye dimayungéda ahngô.

Gétsutsuéô 11:10 ပူးပေါင်းရင်းမြစ်များ

Matthieu 10:22

Oma muetso ahngavinga anye gôébégô nôndéké omami. One angasipa gô gékuanô ngu na v’ekôdéô, angoobou.

Jean 16:20

Nanôbeenda na gô pie mbe nôngadéa na gégeba, na nôngadigaa na gésiganinga. Ivô asi tsengene angaba gôétsôkéa. Vane gésiganingage sanyô géngakoga géka gényônga.

Jean 7:7

Oma ava tsina asoongôa évinga anye. Ivô ahvinga te me. Gôébégô napandôéda ahngô mbe ésimee ééndahngô ésanyepa.

Mayanzame 5:33

Ane amakôvu gô kundu amakambôga vamookô ahngô mabégôme mane. Amanyôngéô éyôhéda ane amatômukuni.

I Corinthiens 13:6

Etondoe étôétsô na Nzambé ésatsôkéa mane madagéô muene môma, ivô étsôkéa mane mapie mamuene Nzambé.

Gétsutsuéô 12:13

Vamamenya Gényogonyogo mbe: Namapatsô na gô tsina, amayunza môgetone amabôta muanamômôgôô.

Gétsutsuéô 13:14

Emabôméda asi tsinane n’etsutsuku émayanzangô g’ôtômu aGényamanyama géndé vangô. Ematôma asi tsinane gôépaka gégoni gôékuméda Gényamanyama. Na sangô, buéyé gamabétuku sangô na ébaga gésiwé.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 16:10

Môsi g’ôba amôtayi ameetéa gébunguge sedi gô gédigaa sokumaka gémadigaa nyamane. Okumue wedi ômakukégu n’evitsie. Gô pievia dimookô oma gô yôtôye yaô ahngô ahmambata dimeni yaô.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.