Gétsutsuéô 1:5 - New Testament in Mitsogo

⁵ Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 1:5 ပူးပေါင်းရင်းမြစ်များ

Matthieu 20:28

Béyé me Muana Amôma, vamaviga me tsivutéé mogo mami gôétôma oma. Ivô namatôma na namabanda na mogo mami. Nameetsa memuene monyo ami ngu na g’ôwa, te môvanô gôéoboo oma ayekani.

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Jean 13:1

Emabaka te nyee ômabambana na sueti éaPâque. Jésus asibômu mbe, ndéône ébuéyi gôndé angô gôénôtôga gô tsengene na gôékea na gôndé Tétedi. Bandôa v’ebandô môtémedi ômanyôngéô omee wedi ava tsina. Gényônganéôge géné gésinôtôgé ngu na v’ekôdéô.

Jean 13:34

Me nanôtsikéa môtômee ôdôô. Nyônganéôni anyene n’anyene. Mônongovo ganyôngéô me anye, anye dôta nyônganéôni.

Jean 15:9

Me nanyôngéô anye mônongovo ganyônganéô me na Téta. Nômbianôtôga gô évambee éndé anye n’ami.

Jean 18:37

Pilate amamôévôa mbe: ?Tambô éwe te môtômine-a? Jésus amamônikéda mbe: Otsimi. Me te môtômine. Namabôtu na namaviga na gô tsengene me te mbangine éaKumu amabégô mapie. Muetso andé gô mabégô mapie ookéô ôgie wami.

Jean 3:11

Me nagôbeenda na gô pie mbe tôvovo te éne ésabômu we. Tônigôa te éne émeena we, n’anye nôsasinga ômbangie wasô.

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Jean 3:32

Anigôa te mane mameenangô na mane mamookô angô, ivô gôsaba môma angamasingani.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

Mayanzame 26:23

Amavovo mbe: Gôngaba môvo eendô mbe Christ, ône amasevou na Nzambé. Angatubédu maguga. Angô te ône angapanga ékunduga g’ôwa. Na angatévéda Ajuif na oma muetso gô tsenge yetso gévede sedi gétsigéda môma na gô géobogeo.

Romains 3:25

Nzambé amadeekeda Jésus ôgondoku ômayôhuni gôénikéa évambéda oma n’amuene. Gô ngudi yowedi, Christ asingéa kokoo gôndé ane eetsa angô mitéma miaô. Te gô éne tôena étsimama éaNzambé. Va mbeego Nzambé amabibéda mane mabévani mamayanza oma gésisédé ahngô. Ivô ndéône, géesédéô sedi gésapengana. Na dôta gô étsimama éedi, atsimaméda muetso ane eetsa Jésus mitéma miaô ti eembe ahsaba n’oési.

Romains 8:37

Ivô mabégôme mane mandé g’ebadi égenyuni. Gô mangô tôdiia te diiaga gô ndugi yone atônyôngéôni.

I Corinthiens 6:11

Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.

Galatie 2:20

Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.

Ephésiens 2:4

Ivô ngeba yaNzambé diyeka na étondo éedi éndéké évôni.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

Colosses 1:18

Gô mbumu éaNzambé, Christ te ébandô na môtsé ôtômani. Asi mbumu éedi te ôtô ôtômuni. Monyoe waô awene mônongo ôbandôa te na Christ. Angô te Muana ANzambé akuua. Angô te mapangame meekunduu g’ôwa. Te éne ébeenda mbe gô mabégô metso angô te mômbenee.

I Timothée 6:13

Me Paul navovo n’ewe va mbene aNzambé, ône eetsa monyo gôndé éôma éetso évégumani, na va mbene aJésus‐Christ, ône amanigôa ômbangie wedi na mane mamavangana angô na Nzambé va mbene aPonce Pilate. Nagôtôma mbé:

I Timothée 6:15

Angatsutsuédu na Nzambé gô ndéô émasevoa amuene Nzambé, angô môtômine môvôni aneegeduni asaba na gégoni, kumu étsimama, angô Kumu ootéa kumu yetso, na pene ootéa peeye yetso.

Hébreux 10:29

Tambô tasani gôndé ône eenza Jésus, Muana ANzambé. Tasani gôndé ône eenda mbe nzina dimaaga gôévambéda angô na Nzambé na gôégôgéda angô môtéma disaba na tsoongo. Na angô dôta adeta Gédidi sangeba yaNzambé. ?Gôndé angô éngaba nayee? Tôsabômu mbe tsôgôône yaô éngootéa na éne éandéô éaMoïse.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.

I Pierre 1:19

Ivô anye nômoobou n’osunu ôvôni anzina yaChrist. Andé ga éndombo ésaba éagékonzo na ésaba n’evisô.

I Jean 1:7

Okô tôndé gô gévede, gandé amuene Nzambé andé gô gévede, vane tôndé na vitoo wéene na wéene. Na nzina yaJésus, Muana ANzambé ditôgôgédaka ébévee éetso.

I Jean 4:10

Etondo ékegea mbe, kaka mbe wa n’anyô tômanyôngéô Nzambé ivô te Nzambé amanyôngéô wa n’anyô na amakudéga Muanedi Jésus. Mbeka nane ébévee éasô n’anyô mbe ésisingéô kokoo.

Gétsutsuéô 11:15

Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.

Gétsutsuéô 11:3

Gôngakudégu mbangi dibaé dingapandôéda matasa maNzambé gô pitsiye dine te môtônisa na mikama mibaé na nzima môtôba yapitsi.

Gétsutsuéô 17:14

Dingagenya na Môpagee Endombo na te Môpagee ôngadiiani gôébégô angô te Kumu akumu yetso na angô te môtômi aatômie muetso. Môpagee ôngadiia, angô n’ane andé n’edi. Ane andé n’edi te ane ahmasevouni na ahmabambéôni na amamôétsa mitéma miaô.

Gétsutsuéô 19:11

Vane nameena ôba ômakukua na cheval éavembo émakusa. One amadigaa gô nyama nene, inedi te Mavôma na évo ina, Môma Apie. Angô atsundéda gépénganédé. Na agenya kuka yetso gétsaé.

Gétsutsuéô 19:16

Inedi ématendu gô ngoyi edi na gô môtandedi. Ina ématendu te mbe: Kumu akumu yetso na Môtômi aatômie muetso.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.

Gétsutsuéô 3:14

Ogi ômatôma me Jean mbe: Tendéa ndongi yedi na gondé môsi g’ôba avigédu na Nzambé gôékenea asi mbumu éedi gô mbôkane ééndô mbe Laodicée. Oôkéôni ndongiye divovo ône angayusuméda mbe: Amen. Angô mbangi éamavôma ésapatakani. Te angô mapangame mametso mamavanga Nzambé.

Gétsutsuéô 7:14

Me namamôaabéa mbe: Me tsamenya téta, ômuene ôsabômu beenda me. Na payi nene amanigôa me mbe: Ahngô te ane amabaka gô tsina agékuanô gévôni. Ahmoovôa mikanda miaô gôéminyepeda na vee te gô nzina yaMôpaga.