Gétsutsuéô 1:20 - New Testament in Mitsogo

²⁰ Oeni éne ésamenyanganôni éav’esooe éaminanga tsambué miena éwe sumbéda g’ôgogo ami ômôgôô na éne éeni éwe évumbéô tsambué éadambi éangôéé. Minangamie tsambué te asi g’ôba amavigédu na Nzambé andé gôékenea asi mbumu éedi gô mbôkaye tsambué. Evumbéô tsambué éadambi te asi mbumu éaNzambé gô mbôka tsambué.

Gétsutsuéô 1:20 ပူးပေါင်းရင်းမြစ်များ

Matthieu 13:11

Jésus amaabéa angô mbe: Mabégo masanigôgéô muetso mokumu aNzambé mameetsô te anye. Ivô adua asiitsô mangô.

LUC TSANGO EAMOSOBA EMATENDA 8:10

Jésus amaabéa ahngô mbe: Mabégô masinigôgéôni na mbeego mokumu aNzambé mameetsô anye te mbe anye nômanigôgéô. Ivô gôndé avo ookô mangô te gô tsava yagétimbôanédu. Te gatôtanga gô Matendeo MaNzambé mbe: Ahngô abono, ivô aseena. Ahngô ookô, ivô asanigôgéô.

Romains 11:25

Anee aTeétee n’ami ôôkôni ébégô édué éapie ésinigôganéô na muetso. Kabaga nôba n’etasa mbe we tômani étsiga v’ekôdéô éodo, nanôomba énigôa ébégô édué. Okabô ôvo éongo eaIsraël asangoongôa éôkô. Vangadugu ôkabôe ane asibôtu gô Ajuif amaviga na gôndé Nzambé gô géobogeo, na vane Ajuif angookô.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:16

G’ôgogo edi ômôgôô amasumbéda minanga tsambué. Gô mônyedi gômakusa ébaga éamengô. Gédimôge sedi gémabaka n’obébayi gavatsakama kômbéne.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.

Gétsutsuéô 17:5

Va panzane edi vamatendu ina ésoongôa môma émenya éevisô. Inee ématenduni te mbe: Oô te Babylone épôni. Odôô yeene émabôta étôa éetso éagésasô. Na émabôta dôta n’esimee éetso éanzoh éava tsina.

Gétsutsuéô 17:7

Môsi g’ôba ameevôa me mbe: ?Osôbasôbana ndé? Na amanigôa me mbe: Oeni événdégéôe éav’evisô éamôgetone andé digaa gô Gényamanyama. Oeni dôta événdégéôe éaGényamanyamage géndé na miôtsé tsambué na nzima atséba.

Gétsutsuéô 2:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Ephèse. One asumbéda minanga tsambué g’ôgogo edi ômôgôô te angô aseta va gatse evumbéô tsambué éadambi émakônzu na dodo. Oôkéôni éne évovo angô.

Gétsutsuéô 2:12

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékénéa asi mbumu éedi gô mbôka ééndô mbe Pergame. Oôkéôni ndongi divovo ône andé n’ebaga amengô.

Gétsutsuéô 2:18

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Thyatire. Oôkôni ndongi divovo Jésus Muana ANzambé, ône andé na miso moobébayi ga soto. Na makôdô medi mandé na ngeengeyi ga kunga émakônzuni.

Gétsutsuéô 2:5

Tambô bangôani gamanyôngéô anye me v’ebandô. Viiani ngima mabégô manyô mabévani. Nikani na gôndé me gamabaka wa n’anyô v’ebandô. Okô mbe nôsakoga gôétsika mabégô manyô mebévani, me nangaviga gôénôwata gévumbéô sanyô sadambi géndé n’anyô.

Gétsutsuéô 2:8

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Smyrne. One andé v’ebandô ametso te angô andé v’ekôdéô ametso. Na ône amawani te angô amakundugani, andé na monyo ôsakôdéakani anôétsa ndongi yedi. Oôkéôni angô.

Gétsutsuéô 3:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Sardes. Oôkéôni ndongiye divovo Kumu éedidi tsambué éaNzambé. Te ône asimbéda minanga tsambué. Angô mbe: Metso mane meendanye, me tsabômu mangô. Namookô tsangô mbe anye nôdônga gô mabégô maNzambé, tambô nôka ti gôpégôpé n’owa.

Gétsutsuéô 3:14

Ogi ômatôma me Jean mbe: Tendéa ndongi yedi na gondé môsi g’ôba avigédu na Nzambé gôékenea asi mbumu éedi gô mbôkane ééndô mbe Laodicée. Oôkéôni ndongiye divovo ône angayusuméda mbe: Amen. Angô mbangi éamavôma ésapatakani. Te angô mapangame mametso mamavanga Nzambé.

Gétsutsuéô 3:7

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.