Gétsutsuéô 1:18 - New Testament in Mitsogo

¹⁸ Me te Kumu amonyo. Namawaaka, géé deo noo nandé na monyo ôsakôdéakani. Môsapie owa, na tsengene éowa ôndéké te n’ami.

Gétsutsuéô 1:18 ပူးပေါင်းရင်းမြစ်များ

Matthieu 11:23

N’anye asi Capernaüm, tambô anye nôabatéda anyene mbe we tôôtéa oma muetso, we tôsaba oma abévani. Anye nôngasugédu gôésisédu gô mungu asoto. Mayanza mami mamisôba mayanzi me va gatse anyô mbe namayanziki gôndé asi Sodome, ahngô na mbôkane éaô mbe andéké ngu na deo noo.

Matthieu 16:19

Me nagôétsa môsapi ôkukua ôkumu aNzambé ag’ôba. Ene ékata éwe gô tsengene ékatiô dôta gô tsenge éaNzambé g’ôba. Ene étsôbôa éwe gô tsengene étsôbôyiô dôta gô tsenge éaNzambé g’ôba.

LUC TSANGO EAMOSOBA EMATENDA 24:5

Agetoe ahmeena gomo. Amakôtômô édimôe éaô na gô tsina. Omee abaé ane ameevôa angô mbe: ?Nôbuta ône adôngani va gatse ane amawani nayee?

Jean 11:25

Jésus amamôpandôéda mbe: Me te gékundugéô sanyô. Me te monyoe wanyô. One eetsa me môtémedi wetso angaba na monyo buéyé mbe awéyi.

Jean 14:19

Eva na gô vipesu viandéô asi tsengene asangadôena me. Géé anye, nôngeena me. Gôndé me na monyo, tambô n’anye dôta nôngaba na monyo.

Romains 6:9

Tôsabômu mbe vamakunduga Jésus g’ôwa gôéba na monyo asangadôwa. Owee ôsabadô n’otômu gôndé angô.

II Corinthiens 13:4

Na gô pie amakoga vipôpéa gôékomedu va gésumu sowa. Ivô deo noo andé na monyo gô ngudi yaNzambé. Gô évambevo éndé wa n’anyô na Christ, na wa n’anyô dôta te tôpôpéa. Ivô deo tôndé na monyo ovo n’edi gô ngudi yaNzambé. Te gô ngudiye yedi we eekédi tôtôma anye.

Galatie 2:20

Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.

Colosses 3:3

Gô mane matsengene nôndé nômawani. Monyoe wanyô ôndé ômakuégu n’one aChrist gétungu gévo gôndé Nzambé.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Hébreux 7:16

One amôbaé aseengédu gô ngudi yamôma gô éyanzee éamôdeekedi adigondoku na éamôsungéyi oma. Ameengédu gô éyanzee éne gô ngudi yamonyo amôbô na môbô.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

Gétsutsuéô 10:6

Na amasongéa ina aNzambé andé monyo môbô na môbô. Angô môkani oba na yetso éndé wangô na tsinane na yetso éndé wangô, na mubu na yetso éndé wangô. Môsi g’ôba amavovo mbe: Tôsangadôomba éenea.

Gétsutsuéô 15:7

Va gatse eôma énayi évégumani, gévô gémeetsa asi g’ôba tsambué ébungu tsambué émakônzu na dodo. Ebungue éne émayôa n’opisa aNzambé ône andé monyo môbô na môbô.

Gétsutsuéô 2:8

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Smyrne. One andé v’ebandô ametso te angô andé v’ekôdéô ametso. Na ône amawani te angô amakundugani, andé na monyo ôsakôdéakani anôétsa ndongi yedi. Oôkéôni angô.

Gétsutsuéô 20:13

Ane amwa gô mbéye ahndé wangô ahmanzeegedu na mbéye. Owa na tsenge éane amawani dimanzeegeda ane andé wangô. Muetso ahmatsundédu gô mane mameendahngô.

Gétsutsuéô 20:14

Owa na tsenge édigaa ane amawani émagunyu na gô mungu asoto. (Mungue asoto ône, te ôwa amôbaé.)

Gétsutsuéô 3:7

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.

Gétsutsuéô 4:9

Eômee énayi évégumani édué ématôa gôéneegeda na gôékuméda na gôétsôkéa ône andé digaa gô gédigaa sokumaka. Te ône andé monyo môbô na môbô.

Gétsutsuéô 5:14

Eôma énayi évégumani émaabéa mbe: Amen. Na peeye ahmasiba mabongome gôémôneegeda.

Gétsutsuéô 6:8

Namabono. Nameena cheval émabaka ôtôe na sabé g’eweyi. One amadigaaka gô yangô, inedi te ôwa. Amaandôkô va ngimedi na ône atômaka gô tsengene éane amawani. Ameetsô ôtômu gôéyôhéda oma agô vikabô viatsinane na mabaga, na nzaa, na mabeea, na nyama yadibaaga yava tsina. Vikabô vikegea mbe, gôndé oma anayi, amayôha te môvô.

Gétsutsuéô 9:1

Môsi g’ôba ône amôtayi amatoongo gémbômbage. Me Jean, nameena mônanga ômaagaka g’ôba na gô tsina. Mônangee ône ômeetsô môsapi eeduku éamongodi ésaba n’ekôdéô.