Gétsutsuéô 1:16 - New Testament in Mitsogo

¹⁶ G’ôgogo edi ômôgôô amasumbéda minanga tsambué. Gô mônyedi gômakusa ébaga éamengô. Gédimôge sedi gémabaka n’obébayi gavatsakama kômbéne.

Gétsutsuéô 1:16 ပူးပေါင်းရင်းမြစ်များ

Matthieu 17:2

Otô aJésus ômakoga va miso maô. Gédimô sedi gémaba na ngeengeyi ga kômbé géôngôé ébono sangô. Maduani medi mamakoga moobébayi ga géeno.

Mayanzame 26:13

Vamatsakama kômbéne namabaka te nagébaka gô nzéa. Ah, môtômi ami Agrippa, ti éne émeena me nyoone. Nameena gévede gématana g’ôba na gô tsina. Na sangô gémootéa ôbébayie akômbéne. Gématana va kôbangô ami, wa n’ane amakiaka n’ami gô môtôôe.

Ephésiens 6:17

Singani géobogeo saJésus géndé ga gépôkôdô samianga gôéata gô môtsé. Tsôpani Mane Mamavovo Nzambé gatsôpu ébaga émeetsô anye na Gedidi sedi.

Hébreux 4:12

Menyani mbe Mane Mamavovo Nzambé mandé na ngudi na meetsa monyo. Mengôme medi mootéa mane meebaga. Mengéa gôndé môma ngu na gôwanya gédidi na matasa. Meengéa gô mawanyéô na diôngô ngu na gô misoosô. Matsundéda tsôvéye diôkô môma. Matsundéda na matasa magô tsina amôtéma amôma.

Gétsutsuéô 1:20

Oeni éne ésamenyanganôni éav’esooe éaminanga tsambué miena éwe sumbéda g’ôgogo ami ômôgôô na éne éeni éwe évumbéô tsambué éadambi éangôéé. Minangamie tsambué te asi g’ôba amavigédu na Nzambé andé gôékenea asi mbumu éedi gô mbôkaye tsambué. Evumbéô tsambué éadambi te asi mbumu éaNzambé gô mbôka tsambué.

Gétsutsuéô 10:1

Na vane me Jean nameena muene môsi g’ôba amasutuméa na ngudi dipôni. Amabaka va gatse obôngé. Va ngongo amôtsé edi vamabaka nungu. Osô edi te ga kômbéne. Makôdô medi mabaé te gandé éétété ébaé éyôa na soto.

Gétsutsuéô 12:1

Gémbégéage gévôni gématsiga g’ôba. Te môgeto amadipô na ômandee gadipô môma na môkanda. Ngondene émabaka va makôdô medi. Na gô môtsé te gépôkôdô sokumaka géndé na nzima éaminanga na minanga mibaé.

Gétsutsuéô 19:15

Gô mônya ône atetu mbe, Ogi ANzambé, gômakusa ébaga éamengô. Na éangô angabeta tsengeye yetso. Angatôma yangô na môtunga amuahnga ôsaba na ngeba. Na angapinya miônda gô gétsanga sopisa ôbabaka aNzambé, Kumu otômue wetso.

Gétsutsuéô 19:21

Akaô muetso ahmayôhu na ébaga émakusa gô mônya one andé digaa gô chevale. Nyoeye yetso dimanguta gômaa yangô nzumbuye.

Gétsutsuéô 2:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Ephèse. One asumbéda minanga tsambué g’ôgogo edi ômôgôô te angô aseta va gatse evumbéô tsambué éadambi émakônzu na dodo. Oôkéôni éne évovo angô.

Gétsutsuéô 2:12

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékénéa asi mbumu éedi gô mbôka ééndô mbe Pergame. Oôkéôni ndongi divovo ône andé n’ebaga amengô.

Gétsutsuéô 2:16

Viiani ngima mabégô manyô mabévani. Nikani na gôndé me. Ti anye nôkina ndongi yami nôngeena gangaviga me na va gatse anyô gôégenya n’omee ane n’ebaga ékusa gô mônyee wami.

Gétsutsuéô 3:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Sardes. Oôkéôni ndongiye divovo Kumu éedidi tsambué éaNzambé. Te ône asimbéda minanga tsambué. Angô mbe: Metso mane meendanye, me tsabômu mangô. Namookô tsangô mbe anye nôdônga gô mabégô maNzambé, tambô nôka ti gôpégôpé n’owa.