Gétsutsuéô 1:11 - New Testament in Mitsogo

¹¹ Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:11 ပူးပေါင်းရင်းမြစ်များ

Mayanzame 16:14

Va gatse aô tômadenga môgeto môvo inedi Lydie. Angô te môsi mbôka ééndô mbe Thyatire. Na angô te môyôkô amikanda miatsoo miosunu ôvôni. Amaneegedaka Kumu Nzambé. Amookô mane mamavovo we eekédie. Gédidi SaNzambé gémamôkukua môtémee gôévotanganô mane mamavovo Paul.

Mayanzame 18:24

Gômabaka Môjuif, inedi Apollos. Amabôtu gô Alexandrie. Amatsiga gô Ephèse. Amamenya évovo na asibômu Matendeo MaNzambé ta na pesu.

Mayanzame 20:17

Vamabaka Paul gô Milet amakudéga ôgi na gôndé peeye yambumu éaNzambé gô Ephèse mbe: Vigani na gô Milet.

I Corinthiens 15:32

Vagenya me nandé gô Ephèse môgenye ôvôni gandé môma agenya na gémbungu ?te gôéba na monyo ava tsina éva ôtévo‐a? ?Buéyé mbe nadiia vagenya me, tsoongo ndé? Okô mbe va mbene owa gôsaba gékundugéô tambô tsava égunyuni ésapata. Tsavane eendô mbe: ôka deo noo tôaakéni na tônyuakéni. Mene tôngawa.

I Corinthiens 16:8

Ivô nagébaka na pitsi éva gô môsenge aEphèse ngu na gô ndéô éaPentecôte.

Ephésiens 1:1

O te me Paul namasevou na Nzambé na namatômu na Jésus‐Christ gôétsua tsangô éedi. Nanôtendéa, anye asi mbumu éaNzambé nôndé gô Ephèse. Anye nôsitatôané gô vitoone éndé n’anye na Jésus‐Christ.

Colosses 2:1

Nanyôngéô mbe nômenya gagenya me ébadi évôni gôndé anye na gôndé ane adigaa gô Laodicée na gôndé muetso ane madeo asiene ôsôe wami.

I Timothée 1:3

Vamanôtôga me gô Macédoine, namagôbeenda mbe, éwe digaa gô Ephèse. Nagôomba ébeenda mbe, digaa te gône. Gôndéké avo gône eekéda mabégô madiboe. Dékéda ahngô mbe: Nômbieekéda.

Gétsutsuéô 1:17

Vamamôena me, namagudama na va tsina ganawéyi wakaga. Amatsakéga ôgogo edi ômôgôô gôndé me na angô mbe: Ombiookô gomo. Oô te me. V’ebandô ametso te me. V’ekôdéô ametso te me.

Gétsutsuéô 1:19

Tendaka metso mane meenewe. Otenda te mane mabuéa n’atsatsee na mane mangabuéani.

Gétsutsuéô 1:2

Jean amatenda metso mameenangô na mamookô angô gôénigôa tsangô éamaviga gôndé Nzambé. Te mabégô mapie mamatubédu angô na Jésus‐Christ.

Gétsutsuéô 1:20

Oeni éne ésamenyanganôni éav’esooe éaminanga tsambué miena éwe sumbéda g’ôgogo ami ômôgôô na éne éeni éwe évumbéô tsambué éadambi éangôéé. Minangamie tsambué te asi g’ôba amavigédu na Nzambé andé gôékenea asi mbumu éedi gô mbôkaye tsambué. Evumbéô tsambué éadambi te asi mbumu éaNzambé gô mbôka tsambué.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.

Gétsutsuéô 1:8

Kumu Nzambé avovo mbe: Me te Alpha na Oméga. Evéndégéô mbe v’ebandô ametso te me na v’ekôdéô ametso te me. One avovoni te Kumu angudi yetso. Angô amabakani ne te angô andékéni na te angô angavigani.

Gétsutsuéô 10:4

Vamamana midumumie évovo, me namabaka mbe natenda. Na namookô ôgi ômavovo g’ôba, ômatôma me mbe: Ombiatenda mane mavovi midumumie. Kenea ébégôe éne te éav’esooe.

Gétsutsuéô 14:13

Vane me Jean namookô ôgi ômaviga g’ôba ômatôma me mbe: Tendaka édué. Na ômavovo mbe: Gényônga gôndé ane ahwa pitsi yedi gô éyanza éaKumu. Gédidi SaNzambé gémaabéa mbe: Ii, te na gô pie. Angadunda gô éyanzee éaô édagani. Na mane maô mamisôba mangakea n’ahngô géômbé.

Gétsutsuéô 19:9

Môsi g’ôba amatôma me mbe: Otenda te édué. Tenda mbe: Tsôkéakani anye nôkôviô gô môambô ayômba yaMôpaga. Na môsi g’ôba amoomba évovo mbe: Ogie ône te ône apie ômavovo amuene Nzambé.

Gétsutsuéô 2:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Ephèse. One asumbéda minanga tsambué g’ôgogo edi ômôgôô te angô aseta va gatse evumbéô tsambué éadambi émakônzu na dodo. Oôkéôni éne évovo angô.

Gétsutsuéô 2:12

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékénéa asi mbumu éedi gô mbôka ééndô mbe Pergame. Oôkéôni ndongi divovo ône andé n’ebaga amengô.

Gétsutsuéô 2:18

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Thyatire. Oôkôni ndongi divovo Jésus Muana ANzambé, ône andé na miso moobébayi ga soto. Na makôdô medi mandé na ngeengeyi ga kunga émakônzuni.

Gétsutsuéô 2:24

Géé gôndé anye avo asi mbumu éaNzambé gô Thyatire, nôsigésangané gô meekédume mane mabévani. Na anye dôta nôsisingé gôétubédu mane meenda oma mbe: Evétô éviga gôndé Satan. Gôndé anye, me tsanôkôndéga mabégô mayekani, kabaga nôdagéô na mangô ga égumba étsuaôni.

Gétsutsuéô 2:8

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Smyrne. One andé v’ebandô ametso te angô andé v’ekôdéô ametso. Na ône amawani te angô amakundugani, andé na monyo ôsakôdéakani anôétsa ndongi yedi. Oôkéôni angô.

Gétsutsuéô 21:5

One andé digaa gô gédigaa sokumaka amavovo mbe: Bandôa deo noo me neenda éôma éetso te éawene mônongo. Vane ôgie ômatôma me mbe: Tendaka nani. Gôébégô mavovia mami mandé mapie na moongôa môma eetsa môtémedi.

Gétsutsuéô 22:10

Na môsi g’ôba amoomba étôma me mbe: Ombiasuéga v’esooe mabégô mameena éwe, mane mangabuéani mamatendu gô miganda miemi. Gôébégô ndéône émasevouni éne éngabuéa mabégône, éka gôpégôpé.

Gétsutsuéô 22:16

Me Jésus navovoni, namavigéda môsi g’ôba, môyanzi ami na gôndé anye asi mbumu éaNzambé gôénôbeenda metso. Me navovoni te muana amabôtu na David. Me te mônanga ôtanani ava maageô.

Gétsutsuéô 3:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Sardes. Oôkéôni ndongiye divovo Kumu éedidi tsambué éaNzambé. Te ône asimbéda minanga tsambué. Angô mbe: Metso mane meendanye, me tsabômu mangô. Namookô tsangô mbe anye nôdônga gô mabégô maNzambé, tambô nôka ti gôpégôpé n’owa.

Gétsutsuéô 3:14

Ogi ômatôma me Jean mbe: Tendéa ndongi yedi na gondé môsi g’ôba avigédu na Nzambé gôékenea asi mbumu éedi gô mbôkane ééndô mbe Laodicée. Oôkéôni ndongiye divovo ône angayusuméda mbe: Amen. Angô mbangi éamavôma ésapatakani. Te angô mapangame mametso mamavanga Nzambé.

Gétsutsuéô 3:4

Eébéyée nane, avo asi mbumu éaNzambé gô Sardes, nôsasinga maduani manyô mapéku n’evindô. Te anye nôngakénga n’ami nômaata mikanda miavembo, nôndé ngu kuanakue.

Gétsutsuéô 3:7

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.