Gétsutsuéô 1:1 - New Testament in Mitsogo

¹ Gô gésangô gegé nôngookô tsangô éamane mamatsutsua Jésus‐Christ. Nzambé amasingéa Jésus‐Christ gôétsutsua mangô gômbe angatévéda ayanzi edi mane mangabuéani. Amakudéga môsi g’ôba na gôndé môyanzi edi Jean, gôémôtévéda mabégô mema.

Gétsutsuéô 1:1 ပူးပေါင်းရင်းမြစ်များ

Jean 12:49

Menyani mbe me tsavovo gô ényangee éamemuene. Te Téta, ône amatôma me ameetsa me mabégôme mavovo me na meekéda me anye.

Jean 15:15

Me tsoongôa énôénda mbe ayanzi ami gôébégô môyanzine asamenya éne éndé na kooko edi. Nanôteta mbe wee yami yamôtéma gôébégô namani énômenyeda metso mamatubédu me na Téta Nzambé.

Jean 17:8

Me nameetsa ahngô mabégôme mamadiia me gôndé éwe. Ahmamasinga. Ahmanigôgéô na gô pie mbe me namaviga te gôndé éwe g’ôba. Ahsitsuma me paga mbe: ôsikudégu na Nzambé.

Jean 3:32

Anigôa te mane mameenangô na mane mamookô angô, ivô gôsaba môma angamasingani.

Jean 8:26

Gôndé anye, gôndéké mabégô mayekani moongôa me éévéda anye na éeséda anye. Ivô tsangeenda gôébégô navovo te mane meetsiô me na ône amatôma me, angô Kumu amabégô mapie asapatani.

Romains 16:25

Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego.

Galatie 1:12

Me tsimitsikéô na môma. Me tsimiikédu na môma. Te Jésus‐Christ amatsutsuéda me yangô.

Ephésiens 3:3

Nzambé amatsutsuéda me étasa émabaka n’edi ga éav’esooe ésinigôganéôkô na mbeego te gôéyanza nzéane éawa n’anyô oma. (Namani énôtendéa ébégô édué gô wene abi.

Tite 1:1

Oô te me Paul, môyanzi aNzambé. Namatômu na Jésus‐Christ. Namasevou gôéweseda na gôndé Nzambé ane amanyôngéô Nzambé amôétsa mitéma miaô gébé na buétsé. Namasevou gôémenyeda ahngô mabégô metso mapie, te mane meekédu gô ésôgee éneegeda we Nzambé.

Gétsutsuéô 1:19

Tendaka metso mane meenewe. Otenda te mane mabuéa n’atsatsee na mane mangabuéani.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 17:1

Môsi g’ôba môvo ava gatse ane tsambué amasumbéda ébungu tsambué, amaviga na gôndé me, Jean. Amavovo mbe: Viga ôviena gangeetsô môsi gétôa tsôgôô. Môéndine agétôa ône te môsenge ôvôni ômabatô gô kôbangô ambéyi.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.

Gétsutsuéô 19:9

Môsi g’ôba amatôma me mbe: Otenda te édué. Tenda mbe: Tsôkéakani anye nôkôviô gô môambô ayômba yaMôpaga. Na môsi g’ôba amoomba évovo mbe: Ogie ône te ône apie ômavovo amuene Nzambé.

Gétsutsuéô 21:2

Nameena môsenge aNzambé, te Jérusalemene éamanza, éne émasutuméa g’ôba émabaka va kôbangô aNzambé. Emasutuméa ényepani ganyepa muéba akea gôéwanyédu na mômi edi.

Gétsutsuéô 21:9

Môvo va gatse asi g’ôba tsambué amasimbéda ébungue tsambué émayôa na panda yevunga tsambué yamôyusumédue, amabambéa me Jean mbe: Vigaka. Nagôtubéda muéba ôbayiô na Môpaga Endombo.

Gétsutsuéô 22:1

Môsi g’ôba môyanzi aNzambé amatubéda me, Jean mbéne éameba meetsa monyo. Mbéne éndé n’obébayi ga géenô. Tsôngôye yambéne éne ékusa gô gédigaa sokumaka gédigaa Nzambé na Môpaga.

Gétsutsuéô 22:16

Me Jésus navovoni, namavigéda môsi g’ôba, môyanzi ami na gôndé anye asi mbumu éaNzambé gôénôbeenda metso. Me navovoni te muana amabôtu na David. Me te mônanga ôtanani ava maageô.

Gétsutsuéô 22:6

Môsi g’ôba amoomba évovo na me Jean mbe: Mabégô mema te mapie na moongôa môma eetsa môtémedi gôématéndéda. Menya mbe Kumu Nzambé, ône ameetsa Gédidi sedi na gôndé apandôédi amatasa medi, te ône amakudéga asi g’oba ayanziedi gôétubéda ayanzi edi agô tsina mane masangaamba ébuéani.

Gétsutsuéô 22:8

Me Jean nameena na miso mami, na namookô na matô mami mabégô mema metso. Vamamana me éôkô na vamamana me éena, namagudama gô makôdô mamôsi g’ôba amatubéda me mangô gôémôneegeda.

Gétsutsuéô 22:9

Ivô angô amasemba me mbe: Ombiayeega éneegeda me. Me te môyanzi gandé éwe na gandé ana aTétee n’oo, apandôédi amatasa maNzambé na gandé muetso ane ahgobeda ôgie amiganda miemi. Nôneegeda te Nzambé.

Gétsutsuéô 4:1

Oô te me Jean navovoni. Nanigôa na mavo mabégô mamatubédu me na Nzambé te nandé nani gébé gô vio. Nameena ôkuké ag’ôba ômakukuuni. Namoomba éôkô ôgie ômatongo ga gémbômba te ône ômookô me v’ebandô. Angô mbe: Bata n’eva. Nangagôtubéda mane mangabuéani va mbene éene.

Gétsutsuéô 5:7

Môpagee ômawesea gôébongo migandamie mimabaka g’ôgogo ômôgôô one andé digaa gô gédigaa sokumaka.