Ephésiens 6:24 - New Testament in Mitsogo

²⁴ Te mbe mate maNzambé mabaké gôndé muetso ane anyôngéô Kumu asô n’anyô Jésus‐Christ na vitoo ésagogakani.

Ephésiens 6:24 ပူးပေါင်းရင်းမြစ်များ

Matthieu 22:37

Jésus amamôaabéa mbe: Nyôngéô Kumu Nzambé éôô na môtémoo wetso, na gédidi soo setso na matasa moo metso.

Matthieu 28:20

Nôékédaka ahngô gôégobeda mabégô metso mamatôma me anye. Bangôani ébégôé édué. Me nandéké n’anye pitsiye yetso ngu na vangakôdéa tsengene.

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

II Corinthiens 8:12

Okô môma eetsa géenza gébé na ninga, Nzambé asinga géne géetsiôni. Nzambé asabono éne ésaba na môma gôéétsa. Abono te éne éndé na môma mbe eetsa éangô.

II Corinthiens 8:8

Gô ébégô édué tsanôtôma tômaga. Nanônigôa éne éénda akanyô. Na me tsabômu mbe n’anye gô ényônganéô éndé n’anye nônganyôngéô éénda te mônongovo.

Ephésiens 6:23

Te mbe Tétasô n’anyô na Kumu asô n’anyô Jésus‐Christ eetsé anye muetso agô mbumu éedi mabégô mema matatô. Eetsé gétabé sedi na étondo éedi. Eetsé na ngudi gôévamba n’edi gémôtsumé paga.

Philippiens 1:1

Oô te me Paul na Timothée tôndé ayanzie aJésus‐Christ, tônôkudéga gésangô gegé. Te gondé anye muetso asi mbumu éaNzambé nôndé gô môsenge aPhilippes, nômeetsa Jésus‐Christ mitéma mianyô gémôtsumé paga. Tônôtendéa dôta anye nôndé peeye na atômie agô mbumu éaNzambé.

Colosses 4:18

Mabégô mema mamôyusumédu namatenda na misavi miami memuene mbe: Oô te me Paul. Nômbieeba mbe nandé te gô eba atsôgôô. Te mbe mate maNzambé mabaké gôndé anye.

II Timothée 4:22

Te mbe Kumu Jésus abaké n’ewe. Na mbe mate maNzambé mabaké gô mitéma mianyô muetso.

Tite 2:7

Ewe Tite, ôtévéda ahngô gô mônongoe woo gayanza mônzambu mabégô mamisôba. Odigaa na môtéma ômasumani gôéékéda mabégô mavôni mandéké n’ewe.

Tite 3:15

Muetso ane andé n’ami égô, agôkômbôa. Ewe dôta kômbôa ane andé n’ami n’evambevo gô nzéa éaJésus étôkeani édué. Te mbe mate maNzambé mabaké gôndé anye muetso.

Hébreux 13:25

Te mbe mate maNzambé mabaké gôndé anye muetso.