Ephésiens 6:18 - New Testament in Mitsogo

¹⁸ Aatani ékeeyi éetso éne, nôndé gôéduka Nzambé g’ôsambô mbe anôwedéa. Vovoni na Nzambé ndéô yetso gangatévédu anye na Gédidi sedi. Bakani misiki gôésambéda gédundé. Vovoni dôta na Nzambé gôndé asi mbumu éedi muetso.

Ephésiens 6:18 ပူးပေါင်းရင်းမြစ်များ

Matthieu 17:21

Jésus mbe: Mônongo agédidi ône ôkusédu te gô ngudi yadisambô na gô gékinéô samôyakô gôévovo na Nzambé.]

Matthieu 26:41

Bakani misiki géebogé. Vovoni na Nzambé anye muetso kabaga nôkuba vakanégu anye gô mabégô mabévani. Gédidi samôma gényôngéô éénda mane manyôngéô Nzambé ivô ôtôe ôdeeda.

Marc 13:33

Nôwema. Bakani géembemba géebogé. Nôsamenya nyee ôngabuéa mabégô mema.

Marc 14:38

Bakani géembemba géebogé. Vovoni na Nzambé anye muetso kabaga nôkuba vangakanégu anye gô mabégô mabévani. Gédidi samôma gényôngéô éénda mane manyôngéô Nzambé, ivô ôtôe ôdeeda.

LUC TSANGO EAMOSOBA EMATENDA 21:36

Nômbiatimba na vio. Vovoni na Nzambé ndéô yetso gédundé. Vane nôngaba na ngudi yebusuga metso mane mangabuéani. Na nôngatubéda anyene va mbene ame, Muana Amôma mbe: We tôanguaa.

LUC TSANGO EAMOSOBA EMATENDA 22:46

Amavovo n’ahngô mbe: ?Nôeboga nayee? Timôgani na vovoni na Nzambé gômbe vangakanégu anye na yabédé gô mabégô mabévani nôngamakôa.

LUC TSANGO EAMOSOBA EMATENDA 3:26

Naggaï amabôtu na Maath. Maath amabôtu na Matthatias. Matthatias amabôtu na Sémeïn. Sémeïn amabôtu na Josech. Josech amabôtu na Joda.

LUC TSANGO EAMOSOBA EMATENDA 3:37

Lamech amabôtu na Mathusala. Mathusala amabôtu na Enoch. Enoch amabôtu na Jared. Jared amabôtu na Maléléel. Maléléel amabôtu na Kaïnan.

Mayanzame 1:14

Ahngô muetso amakôkangana vavo kuka yetso gôévovo na Nzambé. Ahngô na agetoe, na Marie yeene aJésus na aneyee amôgôô aJésus.

Mayanzame 10:2

Corneille amaneegeda Nzambé. Angô na asi ebedi muetso amakea kuka yetso gô éwanyéô gôéneegeda Nzambé. Amawedéa ndéô yetso misuga miAjuif. Amavovo na Nzambé gédundé.

Mayanzame 12:5

Emabaka te nane. Pierre amabaka digaa gô eba atsôgôô amakeneo na migodemie. Asi mbumu éaNzambé amavovo na Nzambé na pitsi n’omanda gôémôduka gôndé Pierre.

Mayanzame 6:4

Vane we tômatômuni, tôsangayungédu na mabégô mayekani. Tôngaba ndéô yetso gôévovo na Nzambé na gôéékéda.

Romains 12:12

Tsôkéakani môténdédee ôndé n’anyô. Bibédani maguga gôéenéa éne éngayanza Kumu. Vovoni na Nzambé gédundé.

Romains 8:15

Gédidi gémeetsô wa n’anyô na Nzambé gésatônikéda gôéba avéga atômu na gomo. Ivô Gédidige géne gétôbôta ana aNzambé. Gôndé we gô mbumu éedi, Gédidi sedi gétôwedéa gôémôneegeda mbe: Téta, Téta.

Galatie 4:6

Nzambé amakudéga na gô mitéma miasô n’anyô Gédidi SaMuanedi Jésus, gôébangôéda wa n’anyôene mbe na gô pie tôndéké anedi. Gédidige géne te sangô géaadôngana mbe: Ah Téta.

Ephésiens 1:16

T’ebandô tsagogo ékuméda Nzambé gôndé anye. Kuka yetso nateta mina manyô gô disambô.

Ephésiens 2:22

Vamagésangana anye na Christ, anye ne akanyô muetso nômagésu n’edi gô ebee ôsaaôni ôdigaa Nzambé gô ngudi yaGédidi sedi.

Ephésiens 3:18

anye n’asi mbumu éaNzambé muetso nôngamenya gandé étondo éaChrist étongoni na évoogani, na étibani éagébé n’okana.

Ephésiens 3:8

Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.

Ephésiens 6:19

Vovoni na Nzambé gôndé me Paul mbe vakukua me mônyee wami mbe nangeetsô mavovia makuanakue na mbe nangavovo gébé na tsoyi gôémenyeda oma mabégô maTsangô Eamôsôba masinigôganéôkô na mbeego.

Philippiens 1:4

Kuka yetso diteta me miname manyô g’ôsambô, namateta te na gényônga.

Philippiens 4:6

Nômbiakebangana ta n’ebégôe. Ivô gô mabégô metso vovoni na Nzambé gôémôduka éne égômbéô anye. Vovoni n’edi na mitéma miagéneega na kuma.

Colosses 1:3

Vavovo we na Nzambé gôndé anye, tômôkuméda ti kuméda, angô Tétene éaKumu asô n’anyô Jésus‐Christ.

Colosses 1:4

Endé te nane gôébégô we tômookô tsangô éanyô. Tômookô gameetsanye Jésus‐Christ mitémamie mianyô gémôtsumé paga. Na tômookô gandéké anye na vitoo n’asi mbumu éaNzambé muetso.

Colosses 4:2

Vovoni na Nzambé na môvinéné. Bakani misiké gôéena éne énganôaabéa angô. Kumédani angô gô mane meenanye.

1 Thessaloniciens 5:17

Vovoni na Nzambé gédundé.

I Timothée 2:1

Ti ébégô éamapanga na kaa, énôongô me te mbe: Vovoni na Nzambé na miduké na disambô na gondogo na kuma gôndé oma muetso.

II Timothée 1:3

Nakuméda Nzambé gôseetsô me ôési na muangee amôtémami ôtsundéda me, vayanzéa me Nzambé gamayanzéaka peeye yami. Namôkuméda gô ndéôye dindé me gôévovo na Nzambé gôndé éwe na pitsi n’omanda gédundé.

Philémon 1:5

Me namookô kumane ékumédu éwe. Namookô gandé éwe môtémoo wetso gôndé Kumu Jésus gémôtsumé paga. Namookô gandé éwe na vitoo na asi mbumu éaNzambé muetso.

Hébreux 5:7

Jésus, gô pitsi dimadigaangô va tsina, amavovo na Nzambé na miduké na mindônga na keba. Amaduka Nzambé ône amabaka na ngudi gôémôkuséda g’ôwa. Nzambé amookô môduké aJésus gômasugéda angô amuene gôégobeda Nzambé.

I Pierre 4:7

Ekôdéô éamabégô metso ésangaamba ébuéa. Bakani n’ekena. Bakani na tsambu éamabégô gômbe nôngaba na môvinéné g’ôsambô.

Jude 1:20

Géé anye omami amôtéma weseani gô nzéa ématsimamani éaJésus étôkeani édué éamabégô mapie mameetsa we mitémamie. Gédidi SaNzambé te môwedine wanyô gôévovo na Nzambé.