Ephésiens 6:11 - New Testament in Mitsogo

¹¹ Nzambé anôétsa ékeeyie éedi gôégenya. Tambô tsuani na aatani éangô gôéba na ngudi yekumba yabédé n’eodo éndé n’edi gôégenya.

Ephésiens 6:11 ပူးပေါင်းရင်းမြစ်များ

Marc 13:22

Gôngaviga eekédi adiboe angapata mbe: Me te Christ. Avo dôta angapata mbe: Me te môpandôédi amatasa maNzambé. Ahngatubéda émbégéa na angayanza mabégô manganyônganéôni masoongôa môma ésupua. Eetso éne gôébôméda oma. Buéyé ti na ane ahmasevôu na Nzambé.

Romains 13:12

Evitsi éapitsi éôta. Nyee ôgiia. Tôkinékéni mane mayanzô gô tsina evitsi. Tôaaténi ékeeyi éamigode gôégenya ébadi nyee ômaagiia.

Romains 13:14

Bandôa gô matambé na gô môtsé tôaatékéni monyo aKumu asô n’anyô Jésus-Christ gatôaata maduani. Nômbiasingana na manyima mabévani mayôtô yasô n’anyô gôédugéda mangô.

I Corinthiens 10:13

Gôsaba ta gô éangô. Nzambé asavétsua ôvangee wedi gôétôkenea gô éne ékanégu wa n’anyô. Nzambé asasinga mbe éne ékanégu wa n’anyô éôtéa ngudiye dindé na wa n’anyô mbe tôkékôa éangô. Gô ndéône éngatsiga éne énganôkanégani, Nzambé anganôétsa ngudi gôésipa na gôékékôa gômbe nôsangakuéa.

II Corinthiens 10:4

Ekeeyi égenya n’ami kaka éne éamôma atsengene. Ivô te ékeeyi émeetsô wa n’anyô na Nzambé éndé na ngudi buéyé gôébunza mayanza mayabédé. Tôndé gôébunzéda nzéa yadiboe divaka oma gôékanéga éwesea na gôndé Nzambé.

II Corinthiens 11:3

Me nandé na mikebanganô gôndé anye kabaga matasa manyô mabunzéga na kabaga nôgéngôga gôékina Jésus‐Christ na kabaga nôbômu gamabômédu Eve n’oboe ômapata nyogo.

II Corinthiens 2:11

Tôsingé môma kokoo te kabaga Satan atôdiia. Tôsabômu minongomie mibuta Satan éyungéda wa n’anyô gôétôdiia.

II Corinthiens 4:4

Asangoongôa ésinga mangô gôébégô Môtômine môbévani atsinane édué amakukéga yôkiia yamitéma miaô n’okutue. Te Môtômine ône iméda ahngô misome mbe kabaga eena gévedege gétanédu na Tsangô Eamôsôba étôtubéda ôndômba ôndé na Jésus‐Christ. Na étônigôa mbe Jésus te gégoni saNzambé.

II Corinthiens 6:7

na gô éékéda we mane mapie gô ngudi yaNzambé. Ekeeyie étsôpa we gôégenya n’akasô, na gôéebakanéda wéene, te ékeeyi ésabévéda môma.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

Ephésiens 4:24

Gaatanye mikanda miamanza, aatakani mônongoe atsatsee, ône ôgono na amuene Nzambé. Mônongoe ône ôviga gô Mabégô MaPie na ôenanô gô môdigédi ômatsimamani ônyôngéô Nzambé.

Ephésiens 6:13

T’ebandô nanôbeenda mbe n’atsatsee tsôpani na tsuani ékeeyi éaNzambé éetso. Vane gô ndéô édangani nôngaba na vévé gôévéngéa môdudeo. Na vangamananye égenya ngu na v’ekôdéô éebadie, nôngaba te ôbéôbéô mitie gô étungue éanyô.

Colosses 3:10

Nômamana ébongo wene ôtô na wene mônongo. Nôndé oma atsatsee nôgono na môvangine wanyô, Nzambé. Vootéa anye ékoga gandé amuene nôngootéa dôta émômenya.

1 Thessaloniciens 5:8

Géé wa n’anyô tôndé oma agévede na tôndé ékenge gébé gô édangi. Gandé môgode aata ngoyi éamianga, tôaaténi mabégô maJésus masatsuma we paga mameetsa we mitémamie, na tôaaténi étondo. Gaata môgode gépôkôdô samianga gô môtse, tôaaténi géobogeo. Sangô te tsoongone éasô n’anyô étôebakanédani.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

Jacques 4:7

Sugédani anyene va mbene aNzambé. Kékôani mane mayabédé na angakôndangana na gôdagôda n’anye.

I Pierre 5:8

Bakani misiki Wemani. Môdudeo anyô, yabédé abégôa ga gémbungu gégunga gôébuta éngmbuguméa ône anyôngéô angô éaa. Bakani mitémamie mietso gôndé Nzambé.

Jude 1:24

Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Gétsutsuéô 19:20

Gényamanyamage gématsôpu. Na môékédi adiboe dôta, ône amayanza étsutsuku va miso maGényamanyamage, ahmatsopu (Bangôani mbe te gô étsutsukue éedi amabôméda omee amasinga éetsô ndémbone éaGényamanyamage na amaneegeda gégoni sedi.) Gényamanyamage na môékédine adiboe amagungyu adônga na gô mungu asoto gôkusa mbônga éangôté éndé na tsokida.

Gétsutsuéô 2:24

Géé gôndé anye avo asi mbumu éaNzambé gô Thyatire, nôsigésangané gô meekédume mane mabévani. Na anye dôta nôsisingé gôétubédu mane meenda oma mbe: Evétô éviga gôndé Satan. Gôndé anye, me tsanôkôndéga mabégô mayekani, kabaga nôdagéô na mangô ga égumba étsuaôni.