Ephésiens 5:8 - New Testament in Mitsogo

⁸ Va mbeego nômabaka gô évitsi. Ivô ndéô nedué nômani étsiga gô gévede gômagésangananye na Kumu Jésus. Tambô digaakani gôémenyanganô mbe nôndé oma andé gô gévede saNzambé.

Ephésiens 5:8 ပူးပေါင်းရင်းမြစ်များ

Matthieu 3:8

Gabôta géétété samôsôba miônda miedi miamisôba, anye kusédani ésima éamisôba étubéda mbe nômakoa mitéma gôéba wene mônongo oma.

Matthieu 4:16

Asi tsengeye dine amadigaaka gô tsina evitsi, Ameena gévede gévôni. Gévedege gévoni gématsiga gôndé ane Ahmadigaaka gô évitsi éowa na gô tsina otômu owa.

LUC TSANGO EAMOSOBA EMATENDA 1:79

Gévedege géne géngapatsa évitsi gôndé ane adigaa gô tsina éangô na gô tsina otômu owa. Te gévedege sangô gétévéda makôdôme masô n’anyô gôékea gô nzéa éagétabé.

LUC TSANGO EAMOSOBA EMATENDA 16:8

Buéyé gamabaka angô môyanzi môbévani, kooko edi amamôsénga te séngaga gô mangônzôme medi. Asi tsenge nedué, ane adigaa gô évitsi ootéa éyanza na mangônzô anguene n’anguene. Géé ane adigaa gô gévede asamenya mane.

Jean 1:9

Gévedege gémanigôa Jean, te géne sapie gésaba n’okana. Gémeenanô gô tsina na gétana gôndé oma muetso.

Jean 12:35

Jésus amanigôa ahngô mbe: Gô vipesu viandéô, gévedege gégébaka gôndé anye. Nangakani gô sangô, gégébaka gôénôtanéda nzéa, kabaga évitsie étsôpa anye. One ananga gô tsina evitsi asamenya gôkeangô.

Jean 12:36

Itsani mitéma mianyô na gô gévedege sami, nôgébaka na sangô. Na vane nôngaba asi gévede. N’emana évovo nane, Jésus amakea gôésomo gôdagôda n’omeaa.

Jean 12:46

Me namaviga na gô tsengene gôéba gévede sanyô, gômbe muetso eetsa me mitémamie gébé na paga, asangadôdigaa gô évitsi.

Jean 8:12

Jésus amoomba évovo na géômbége mbe: Me te gévede gétanéda tsenge. One aanda me angaba gô gévede géétsa môma monyo. Asangadôkea gô évitsi.

Mayanzame 17:30

Nzambé asabonodô ndéône émabaka môma g’ôdungé, angô gébeendu. Deo noo Nzambé abambéa oma muetso asi tsengeye yetso mbe: Koani mitéma mianyô gôéba wene mônongo.

Mayanzame 26:18

Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.

Romains 1:21

Menyani mbe oma ahsabômu Nzambé. Ivô ahngô ahsamôneegeda na ahsamôkuméda ganyôngéô amuene Nzambé. Géé nane, matasa moma maka gébé n’eodo, na mitéma miaô mika ga mimavétsa môkambô na mimakukégu n’evitsi.

Romains 13:12

Evitsi éapitsi éôta. Nyee ôgiia. Tôkinékéni mane mayanzô gô tsina evitsi. Tôaaténi ékeeyi éamigode gôégenya ébadi nyee ômaagiia.

Romains 2:19

Ondé n’etasa mbe: Me te môtévédi anzéa gôndé asi pogu. Me te gévede sane adigaa gô évitsi.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

II Corinthiens 3:18

Wa n’anyô muetso tôsaba gamabaka Moïse na gédimô gémapikô na môkanda. Tôndé na édimô éasô n’anyô éava vede étana n’obébayi ôtubéda ôndômba ôndé na Kumu. Na wa n’anyô tôndéké tômakoamani tôgono na amuene Kumu. Ondômbee n’obébayi wedi aNzambé ôndé n’asô n’anyô deo noo, madeo ôsigono n’one ôngaba n’asô n’anyô. Eetso éne te éyanza éaGédidi SaKumu gô mitéma miasô n’anyô.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

II Corinthiens 6:14

Nômbiavamba n’ane atsuma Christ paga. Esaba kuanakue gôndé môma aChrist gôévamba n’ane akina Christ. Tasani ?éne ématsimamani éngavamba n’ene ébévani nayee? ?Na gévede géngavamba n’evitsi nayee?

Galatie 5:25

Gédidi SaNzambé gémeetsa wa n’anyô monyo. Tambô tôsingéni sangô gétôma wa n’anyô.

Ephésiens 2:2

Gô ndéô nene nômagésangana gô ésima na môdigédi asi tsengene. Nômagobeda ône atôma édidie ébévani éangudi éava tsina. One atômani ône, ayanza deo noo gô mitéma miane akékôa ôgi aNzambé.

Ephésiens 4:18

Matasa maô mandé gô évitsi. Asamenya ta n’ebégô évo éagô monyo ôtôétsô na Nzambé gôébégô mitéma miaô mindé g’ôdungé na pandandaa.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

Ephésiens 6:12

Ebadie éndé na wa n’anyô tôsagenya n’oma. Tôgenya te na édidi ébévani éndé n’enyanga na édigaa va gatse atsina n’oba, na atômie, na ditômuye na kumuye yagô tsengene yaô yevitsi.

Colosses 1:12

Kumédani Téta Nzambé na gényônga gévôni. Gôébégô te angô amanôkoa gôéba kuanakue gôédiia ôkitie ômakeneo na Nzambé gô tsenge éedi éagévede. Okitie ône te gôndé asi mbumu éaNzambé.

Colosses 1:13

Endé te nane. Amatôwata g’ôvéga ômatômuku we n’evitsi. Amatôengéda gôétômu na Jésus Muanedi amôtéma.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

I Jean 1:7

Okô tôndé gô gévede, gandé amuene Nzambé andé gô gévede, vane tôndé na vitoo wéene na wéene. Na nzina yaJésus, Muana ANzambé ditôgôgédaka ébévee éetso.