Ephésiens 5:6 - New Testament in Mitsogo

⁶ Nôkenea kabaga môma anôbômédu na mavovia maô mabueme. Te gô mônongo oési ône ôngeenanô ôpisa aNzambé ôéséda ane asamôgobedani.

Ephésiens 5:6 ပူးပေါင်းရင်းမြစ်များ

Matthieu 24:24

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Matthieu 24:4

Vane Jésus amakeneda angô mbe: Nôwema kabaga anya nôbômédu n’ene oma.

Marc 13:22

Gôngaviga eekédi adiboe angapata mbe: Me te Christ. Avo dôta angapata mbe: Me te môpandôédi amatasa maNzambé. Ahngatubéda émbégéa na angayanza mabégô manganyônganéôni masoongôa môma ésupua. Eetso éne gôébôméda oma. Buéyé ti na ane ahmasevôu na Nzambé.

Marc 13:5

Vane Jésus amanigôa ahngô. Amakeneda ahngô mbe: Nôwema kabaga anye nôbômédu n’ene oma.

Romains 1:18

Endé te nane. Nzambé atubéda ôpisedi ôviga g’ôba. Nzambé eena ôpisee gô ébéva éamôma na gô mabégô metso mabévani mayanza oma. Mayansa maô mabévani meebakanéda mabégô mapie mbe kabaga meenanô.

Colosses 2:18

Nômbiasinga mbe nôétsô ôési na pati môma andé môtémedi gô ésôgee gôéneegeda asi g’ôba ayanzi aNzambé. Môma nône akanéga mbe asugéda amuene tambô anyôngéô ékumédu n’oma. Angô dôta eetsa môtémedi gô miôtô mienangô. Môma nône andé na nyemo éabobo gô mônongoe wedi ôtasangô atsengene.

Colosses 2:4

Navovo n’anye nane te kabaga môma aviga gôébôméda anye na mavovia mabuembe.

Colosses 2:8

Wemani kabaga môma anôtsôpa ga môédi atsôpa tsôsô na yata yedi. Yataye te mavovia mabuembe na meekédu magébé na tsoongo mamavaka môma gô éodo éedi. Ngudi yameekédume mane te veekédu mangô gô diônga na diônga, na mangô masatsikô. Madiia ngudi dôta gô ditômuye yava gatse atsina n’oba. Ebandôe éamangô kaka Christ.

Colosses 3:6

Gô mabégô mema mabévani ôpisa aNzambé ôngaaga gôndé ane asamôgôbedani.

II Thessaloniciens 2:3

Nômbiasinga môma anôbôméda nane. Menyani mbe ndéône éagénikéô saKumu ésangabuéa buétsé te gékékôéô gévôni samabégô mamisôba gépanga éenanô. Na buétsé te ône môbévani, kumu agébunganéô apanga étsutsuga.

Hébreux 13:9

Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.

Hébreux 3:19

Vane wa n’anyô tôena na vede mbe omeaa asiôngôé éengéa na gô tungu éagévôgiméô, te gô pagaye yaô.

I Pierre 2:8

Matendeo MaNzambé matônigôa mbe: Etaé éne émakoga éka éôkana mabaku. Na éka ôbobo ônikanédana mangimangima. Angô ôpôngéda muetso asookéô ndongi yaNzambé. Te gamavanga Nzambé mbe éngaba te nane gôndé ane asookôni.

I Jean 4:1

Anami amôtéma, nômbiasingana na muetso eenda mbe, me nandé na Gédidi SaNzambé. Tônegedani sangô ôkô mbe gédidige géne géviga gôndé Nzambé. Endé te nane, eekédi ayekani adiboe atsanzabani gô tsengeye yetso.