4 Na dôta ésanyepa gôndé anye gôévovo mabégô madibuanya, na mavovia masagô. Ivô vovoni te disambô ditévo gôékuméda Nzambé.
anyima éaanga éôma, abévéda akedi, apata, adigaa ga môma avétsi môkambô. Obonedi abengôa, atsuava akedi, andé na bôpeeo, andé n’odungé.
Béyé mbe nane, dipo mbôngô dimaviga n’ongôngôe ône gô mbôkane ééndô mbe Tibériade. Dimatsega vabambi na tungune émaaka géômbége mipemba mimayekeda Kumu Jésus gô mate mamadukangô Nzambé.
Oma amagônga Nzambé gô disôba yaô mbe: Tôsamenya ône. Na Nzambé amanzeegeda ahngô na matasa maô magô évitsi, n’esima éaô éasagô, ésanyôngéô Nzambé.
Na anye nôndé gôéwedéa we vavovo anye na Nzambé gôndé we. Te nane Nzambé aabéa disambôye disambéda oma ayekani gôndé we. Gô éne éamôsôba éyanzéa Nzambé we, ayekani dôta angamôkuméda gô éangô.
Tôkumédéni Nzambé gô éne étôétsiô n’edi géenza ésaba matangôéô.
T’ebandô tsagogo ékuméda Nzambé gôndé anye. Kuka yetso nateta mina manyô gô disambô.
Nônavovo ta n’ebégô évo ébévani. Nôvovo te mane mandé na tsoongo gôéwedéa akanyô gôéwesedangô gô nzéa éaNzambé étôkéani. Mavovia manyô mandé n’eyanza gôényepeda akanyô. Vane nônganyepeda muetso ookéô anye.
Nômbiakebangana ta n’ebégôe. Ivô gô mabégô metso vovoni na Nzambé gôémôduka éne égômbéô anye. Vovoni n’edi na mitéma miagéneega na kuma.
Géé deo noo, kinani na viiani ngima mabégôme mane. Mangô te ôpisa na bôvingô, n’obagaa. Nômbiasinga gô miônya mianyô gôkusa mavovia madibuanya na matoki.
Ti mônongoe agényônga gétsôkéa me va mbene aNzambé gô ébégôe éangô. Tsamenya mônongoe ôngamôkuméda me.
Kumédani Nzambé gô mabégô metso. Te éne ényôngéo Nzambé mbe nôénda gôndé anye na vitoo na Jésus‐Christ.
Gô ényangee émeetsô me na Christ, noongôa égôtôma ti tômaga mbe: Indaka nani. Buéyé gandé me n’enyangee, tsagôtôma.
Jésus atôwedéa gôédeekeda kumane aNzambé ga ôgondoku va mbene edi. Tambô tôbubué miônya miasô gôékuméda Nzambé na gôéteta inedi gébé na tsoyi.
Ahvaka mitangôtangô mianyemo. Ahngô ahbuta ékubéda oma ahkogi n’atsatsee, dipo pagô yeesima ébévani. Ahbuta éakubéda gô manyima mabévani mamôtéma gamabôtu angô.
Nzambé amooboo Lot, môma amamôgobedani. Amabaka na môtéma ôditani gô môdigédi akedi ahsigogeke éyanza mabégô matsoyi gô ndéô nene.
Ivô amôgôôe adeo noo ane, abuanya metso masanigôgéô ahngô te buanyaga. Agono na nyama yagô pindi dinda minongomie miaô mimeekaganô n’ahngô. Na miangô mikeda ahngô na gôébungana.
Agono na miyôkiyôki miobagaa miagô mubu. Mabégôme maô mabévani matsoyi, te égudé étubédahngô. Akénga ga minangamie miveea mimadimbanéô tunguye yaô. Nzambé asabômu gétunguge saô sevitsi éabangata. Akenea ahngô mbe angahkudéga wangô môbô na môbô.