Ephésiens 5:3 - New Testament in Mitsogo

³ Anye asi mbumu éaNzambé, nônasinga mbe gésasô n’esima éasangô na onzôô okiti éôkanô va gatse anyô.

Ephésiens 5:3 ပူးပေါင်းရင်းမြစ်များ

Matthieu 15:19

Mangô matubéda matasa mabévani makeda môma gôéyôha môkedi, na mbe akea gésasô, na adigaa sagôsagô, na eesua, na apata, na atsuava akedi.

LUC TSANGO EAMOSOBA EMATENDA 12:15

Na Jésus angô mbe: Nôwema kabaga nôba n’onzôô okiti. Buéyé mbe ôkiti ôvôni, monyo amôma ôsaba gô éne.

LUC TSANGO EAMOSOBA EMATENDA 16:14

Apharisien amookô meekédu maJésus mokiti. Amamôdeta gôébégô anguene amootéa éba n’onzôô okitie.

Mayanzame 15:20

Tôtendeni ahngô gésangô mbe: Nômbiaa môyakô ôsigôgéni ômadeekedu gôndé mbumba. Nômbiakea gô minongo mietso miagésasô. Nômbiaa nzina yanyama. Nômbiaa nyama ésivôvé nzinaye.

Mayanzame 20:33

Me tsinyima gôndé môma ôkiti, vo dodo vo maduani.

Romains 1:29

Mitéma mioma mimayôa na mabégô metso masanyepani, na ébéva na ngusu na ôbagaa. Anyima mane maakaô, na eenda mikôbé, na masanganéda. Abôméda akaô na apatéa na atokono.

Romains 16:2

Vangatsigangô na gôndé anye, keneani angô gô ina aKumu geenda wa n’anyô gô mbumu éaNzambé. Wedéani angô gô mabégô metso manganyôngeô angô. Amuene amawedéa oma ayekani, ti gandé me.

Romains 6:13

Nômbiadeekeda éeme éayôtô yanyô gôéyanza mabégô mabévani. Kabaga kumu éebéva ayanza na éangô gô mane medi mabévani. Ivô deekedani anyene na gôndé Nzambé, anye nômakunduga g’ôwa gôéba n’edi monyovo. Itsani anyene gôéyanzéa Nzambé gômbe amuene angayanza na éeme éanyô éne ényôngéô angô.

I Corinthiens 10:8

Tômbiakea gésasô gameenda avo va gatse aô na ahmawa nyovo nzima dibaé yamitônisa na mitônisa mitatô mioma.

I Corinthiens 5:1

We tômookô mbe va gatse anyô nôkea gésasô. Ti mônongo agésasô gésamenyanganô buéyé n’ane asavamba na Nzambé. Eôkanô mbe môvo va gatse anyô abongi môgaya atétedi.

I Corinthiens 6:13

Anye dôta mbe: Môyakô ômeendéô te ébuyi na ébuyi dôta émavangéô te môyakô. Ii, na gô pie. Buéyé nane Nzambé nyovo angabunzéda te éetso, na môyakôe na ébuyie. Ivô menyani mbe yôtô yasô n’anyô oma disivangô gôéénda gésasô. Yôtô yasô n’anyô dindéké te yaKumu Jésus na angô dôta andé Kumu ayôtô yasô n’anyô.

I Corinthiens 6:18

Busungani gésasô. Mabégô metso mabévani moongôa môma éyanza mabévéda ôtô amôkedi. Ivô môkeyi agésasô abévéda te ôtôe wedi amuene.

II Corinthiens 12:21

Vangoomba me étsiga va gatse anyô namenya mbe Nzambé angasugéda me va mbene anyô gôédéa gôndé ayekani ameenda mabégô mabévani va mbeegô géniké gôésingéô kokoo gô ésima éaô éevindô na gésasô setso gémayanzahngô.

Ephésiens 5:12

Tôena tsoyi gôévovo mane mayanza omeaa v’esooe.

Ephésiens 5:5

Votanganôni ébégô édué. G’ôkumu aChrist na aNzambé gôsaba môma agésasô na môma esima éasagô na môsi ônzôô. Gôébégô ône andé n’onzôô te môneegedi ambumba.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Colosses 3:5

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

1 Thessaloniciens 4:3

Nôeni éne ényôngéô Nzambé gôndé anye, te mbe nôaaganana na mabégô mabévani gôéba môvo n’edi gô étsimama. Na mbe nôkina minongo mietso miagésasô.

1 Thessaloniciens 4:7

Nzambé asisevoa wa n’anyô mbe tôdigaa gô minongo mietso miagésasô. Amasevoa wa n’anyô mbe tôaagané n’ebéva gôédigaa môvo n’edi gô étsimama.

I Timothée 2:10

Nanyôngéô mbe môgeto andé môgobedi aNzambé amenyanganô kaka go maduani, ivô te gô mayanza na gô môdigedi edi amôsôba.

I Timothée 3:3

Môma nône, abaké gébé na gésima senyua maduku, na gébé na masaganéda. Abaké môma amavôma na môtéma ômasumani. Abaké gébé n’onzôô okiti.

I Timothée 6:10

Onzôô adode te étambé éamapanga ébuéda môma na gô mabégô metso mabévani. Avo oma gômabéngahngô ôkitie, amanôtôga gô nzéa éaJésus étôkeani édué na amakôva anguene maguga mayekani gandé môma atsôkô môtémedi na pingô yatsende.

II Timothée 3:2

Engaba te nane. Oma angaba na guma n’onzôô okiti, na nyemo na bôpeeo. Angeenza Nzambé na asangagobeda iyee yaô na tétee yaô. Angaba na bôkôsô. Asangaditéda Nzambé na mabégô medi.

Tite 1:11

Ibéda ahngô miônyamie mbe akôda gôébégô andé gôéyungéda mbumu amôbongo gômeekédahngô mane masaba kuanakue gôéékédu. Eékéda nane te g’ônzôô adode gôédidiia gô mangônzô maô.

Tite 1:7

Endé te nane. Pene étôma mbumu éaNzambé andé n’eyanza évôni gôéweseda gésaô saNzambé gô mbene na gô mbene na gétabé. T’ebandô gôndé angô ésanyepa mbe gôôkanô ta na vibégô vianzongodi. Te buedi mbe môma nône abaka gébé na bôpeeo, na gébé na ôpisa, na gébé na gésima senyua maduku. Abaké gébé môgenyi na gébé n’onzôô adode gôédidiia gô divooti na gô diboe.

Tite 2:3

Obeenda peeye yageto te mônongovo. Beenda ahngô mbe: Digaani pitsi yetso gô mônongo ageto amatsimamani. Beenda ahngô mbe: Nômbiakea nôgiangana. Nômbiadigaa g’ôvéga amaduku. Buedi mbe agetoe ane oongô akaô ndongi yamisôba.

Hébreux 12:16

Wemani kabaga gôdenganô va gatse anyô môsi gésasô. Wemani kabaga gôdenganô môma agono na Esaü asiditédé ôvangee aNzambé. Amakaba ôpayie wedi gô gépede samôyakô gakabô sôma sabobo.

I Pierre 5:2

Me nabeenda anye payi mbe: Bôngôani mandombo maNzambé mameetsô anye n’edi. Kaka n’ogomu. Ivô na mitéma mimasumani mônongovo ganyôngéô Nzambé. Kaka gôédiia môvanô, ivô te gôédeekeda mitémamie mietso gô éyanzee.

II Pierre 2:10

Kekee ti gandé ane anyima tsôvé dibévani yotô na ahkeenga ényangee éaNzambé. Eekédi adiboe ahndé n’obagaa na nyemo. Ahsookô gomo gôédeta asi g’ôba.

II Pierre 2:14

Ngéngé yaô dindé mitie gôékea gésasô. Ahndé na vinavina gôéénda mabégô mabévani. Eekédi adiboe akubéda ane asoongôa ésipani. Mitéma miekédi adiboe mimeekaganô n’onzôô adiiaga. Ahngô ahndé gô tsina odoku aNzambé.

II Pierre 2:3

G’ônzôô waô adiiaga ahngavooto anye na meekédu maô mooboe mavakangô, buta mbe ahngô ahtsôbôga vakambi ahngô. Môtsundédi aô andé va magô bandôa va mbeego. Môbunganédi aô andé ti gôévéngéa ahngô.

Gétsutsuéô 2:14

Béyé mbe nane, nôndé n’ebégô ésanyôngéô me. Va gatse anyô gôndéké avo anyôngéô meekédume maBalaam. Angô Balaam ameekéda dôta Balak gôéengéda asi Israël gô monongoe wedi ôbévani mbe ayeeséda ahngô éambô émadeekedu gô mbumba na gôéyanza gésaahgô.

Gétsutsuéô 2:21

Me namamôtsika ndéô éakuanakue mbe aviia ngima mabégô medi mabévani. Ivô angô asangoongôa étsika gésaahgôge sedi.

Gétsutsuéô 21:8

Géé gôndé asi mitéma mideedani, n’ane asa sipani, n’oma asagô na ayôhani, n’asi matasame meengéa gô gésasô na makusa gô gésasô, na eendi amaganga, na aneegedi ambumba yegoni, na asi diboe, gétunguge saô te gô mungu asoto géyôa na mbônga ébévani, sangô te ôwa amôbaé.

Gétsutsuéô 22:15

Ane asangeengéa gô môsenge na ahngaba gô mbadi, te oma asagô na eendi amaganga, n’asi matasame meengéa gô gésasô na makusa te gô gésasô na ayôhani n’aneegedi ambumba yegôni na asi diboe gô mavovia na gô mayanza.

Gétsutsuéô 9:21

Eômee éne éseenani, na ésookôni na ésakeani. Omeaa dôta asaviia mikôbé miaô ngima. Na maganga mesôgee yaô na ésasô éaô n’eesuee waô aseeviia ngima.