Ephésiens 5:18 - New Testament in Mitsogo

¹⁸ Nômbiaba n’edangi éamaduku. Nzéane éamaduku éndéké te éadiyunga. Ivô bakani nômayuésédu mitémamie na Gédidi SaNzambé.

Ephésiens 5:18 ပူးပေါင်းရင်းမြစ်များ

Matthieu 23:25

Ti gô maguga mandé n’anye anigôi amige miaNzambé n’Apharisien, anye nôndé ti anyepi amiônya. Gô ébungue éanyô na épedee éanyô nôsabômu éôvôa te gésa géngongo géenanôni. Géé gô gatse éangô éndé émayôa na mane mameesua anye, na mane makuséda manyima manyô mabévani.

Matthieu 24:49

N’angô abandôa égenya n’ayanzi n’edi. Aaka na anyuaka n’asi édangi.

LUC TSANGO EAMOSOBA EMATENDA 1:15

Muanoo angaba môma môvôni va mbene aKumu Nzambé. Môsi g’ôba amamônigôa mbe: Muanee ône asanganyua maduku. Asanganyua ta na meba mavo meedangi. Angaba amayôa na Gédidi SaNzambé gô môtémedi bandôa g’ôbôtu edi.

LUC TSANGO EAMOSOBA EMATENDA 11:13

Buéyé gandé anye abévie, nôsabômu eetsa anee wanyô éômee éamisôba. ?Tambô na tétanyô, ône andé g’ôba asanganôétsa Gédidi sedi-a? Angeetsa sangô te gôndé ane amôdukani.

LUC TSANGO EAMOSOBA EMATENDA 12:45

Ivô ôkô kote atasi gô môtémedi mbe: Môtômine wami adinga éviga. N’angô abandôa égenya n’ayanzi n’edi. Aaka na anyuaka na adanga.

LUC TSANGO EAMOSOBA EMATENDA 21:34

Bakani n’ekena. Nômbiasinga mitéma mianyô miyungédu na madangi na miambô. Nômbiasinga mitéma mianyô mikatanganédu na mikebanganô miamane matsengene. Kabaga nyoo ône ôvôni ôdenga anye tsina na tsina anye gébé n’etasa mbe, mavooe te deo noo.

Jean 2:10

Te gatôéndakani, môma apanga eetsô madukume mamisôba. Vangaba angô aka n’edangi, vane ôétseeyee mane manganye ésadaga. Géé éwe, yoosuéga mane mamisôba gôéyusuméda mangô.

Mayanzame 11:24

Barnabas te môma amôsôba. Môtémedi ômayôa na Gédidi SaNzambé. Gômavambangô na Nzambé asitsumé ngudi yedi paga. Amaweseda oma ayekani gôésinga Kumu.

Romains 13:13

Tôdigékéni gô ésima ésapenganani, wa n’anyô asi gô gévede. Tônôtôgéni gô évitsi na ésimee yedi éasagô, na édangi, na éagésasô, na éamasaganédana na éangusu.

I Corinthiens 11:21

Ivô nôénda eembe nôndé va tabudé yanyene. Môma na môma akumbuga gôébongo môyakô gôéaa n’enguta. Avo asadugu môyakô na meba. Avo dôta nônyua n’edangi.

I Corinthiens 5:11

Namavovo nane gôénôongô mbe nômbiavamba na ône eenda mbe: Me te môma aChrist na angô te môkeyi agésaô, na môsi onzôô okiti, na môgebedi ambumba na môtokoni, na môsi édangi na muisui. Ti gôndé anye gôéaa tabudé épo na môma nône te édagani.

I Corinthiens 6:10

Na eesui, n’asi onzôô okitie, n’asi édangi, n’atokoni, n’asi môkôbé. Omee ane asangeengéa g’ôkumu aNzambé.

1 Thessaloniciens 5:7

Ane eebogani, éeboga te na pitsi. Ane andé n’edangi, adanga te na pitsi.

Tite 1:6

Oétsa ényangee éopayie te gôndé mômôgôô andé na môdigédi agébé n’oési, na andé na môgeto môvo na koo. Anedi abaké ameetsa Jésus mitémamie na amenyanganô mbe ahndé na midigédi miamisôba na amenya égobéda ane atômani.