Ephésiens 5:14 - New Testament in Mitsogo

¹⁴ Ene étsutsuu gô évitsi na gô gévede, ékoga éka éagévede. T’ebandô tôôkô mbe’ Timôgaka éwe ôebogani Kunduga va gatse ane amawani Amuene Christ angagôtanédéa gévede sedi.

Ephésiens 5:14 ပူးပေါင်းရင်းမြစ်များ

LUC TSANGO EAMOSOBA EMATENDA 1:78

Gôébégô Nzambéné éasô n’anyô andé na ngeba na mavôma. Ahngatanéda wa n’anyô gévede gévôni géviga g’ôba na gégono na kômbéne vatsiga yangô.

LUC TSANGO EAMOSOBA EMATENDA 15:24

?Nôsamenya mbe muanami ôdôô abaki mônongovo ga môma amawani na aniki gôéba na monyo-a? Amadimbanaka na atsutsugi. Na amaba na môambô ôvôni agényônga.

Jean 8:12

Jésus amoomba évovo na géômbége mbe: Me te gévede gétanéda tsenge. One aanda me angaba gô gévede géétsa môma monyo. Asangadôkea gô évitsi.

Jean 9:5

Vagébaka me gô tsengene, me te gévéde gétanéda tsengene.

Mayanzame 13:47

Oôkôni éne ématômu we na Kumu Nzambé. Angô mbe: Nagôsevoyi gôéba gévede gétana gô tsengeye yetso. Gômbe ôngatsua Tsangô éagéobogeo na gôndé oma adigaa gô tunguye yagôdagôda madeo gôsikéô na mbeego.

Romains 6:13

Nômbiadeekeda éeme éayôtô yanyô gôéyanza mabégô mabévani. Kabaga kumu éebéva ayanza na éangô gô mane medi mabévani. Ivô deekedani anyene na gôndé Nzambé, anye nômakunduga g’ôwa gôéba n’edi monyovo. Itsani anyene gôéyanzéa Nzambé gômbe amuene angayanza na éeme éanyô éne ényôngéô angô.

I Corinthiens 15:34

Anye tsikani diyunga yasagô ganôsaba na mitéma. Tsikani matasa mabévani. Nanôbeenda mbe avo va gatse anyô nôsamenya Nzambé ta na pesu. Te tsoyi épôni gôndé wa n’anyô.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

Ephésiens 2:1

Va mbeego édidi éanyô émabaka gô évitsi ti eembe émawa gôébégô adiési yanyô na ébévee éanyô.

Ephésiens 2:5

Vamabaka édidi éasô n’anyô égébaka gô évitsi éowa gôébégô éamabégô masô n’anyô mabévani, Nzambé gô étondo éedi amakundua we gôéba deo noo monyovo na Christ. Tômoobou te gô ngeba ditôenanô na Nzambé.

Colosses 3:1

Nômawa na Christ na nômakunduu gôéba monyovo na Christ. Tambô butani mane mag’ôba gôdigaa Christ gô géeyo gémôgôô saNzambé.

1 Thessaloniciens 5:6

Wa n’anyô tôsoongôa éeboga vio gandé avo oma. Tôndé oma eemba géembémba n’ekenge gébé gô édangi.

II Timothée 1:10

Ivô ngebaye yedi dine amatôtsutsuéda yangô te pitsi yedi gômaviga Mooboyi asô n’anyô Jésus‐Christ na gôndé wa n’anyô. Menya mbe Jésus‐Christ amatseda ôtômue owa. Na, gô ngudi yaTsangô éedi Eamôsôba Jésus amatsigéda na v’ekanga ébégô éamonyo ôsakôdéakani.

II Timothée 2:26

Omee ane vangakogahngô mitémamie miaô ayuéga gô pagô dimatambéô ahngô na yabédé. Gôébégô gômabakahngô gôégobeda yabédé amamanaka éahkubéda.