Ephésiens 5:11 - New Testament in Mitsogo

¹¹ Nônakanéga évamba n’ane eenda ésima ésaba na tsoongo va mbene aNzambé. Tsigéda ésima éaô éevitsi na gô gévede mbe éenanô.

Ephésiens 5:11 ပူးပေါင်းရင်းမြစ်များ

Matthieu 18:15

Okô muana aTétee n’oo eendi éwe ébégô ébévani, kiaka ôkedenga angô. Anye n’edi nôdigaa vavo ônigôa angô éne ébévédi angô éwe. Okô agôôkéyiô eembe ônikédi muana aTétee n’oo abaki mbe adimbanani.

LUC TSANGO EAMOSOBA EMATENDA 3:19

Buéyé gameekéda Jean nane amasemba Hérode, môtômine atsenge gômabongo angô môgaya amôdimi edi. Môgetone te Hérodiade. Na Jean amamôsemba dôta gô mavo mabégô mabévani mamayanza Hérode.

Mayanzame 26:18

Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.

Romains 13:12

Evitsi éapitsi éôta. Nyee ôgiia. Tôkinékéni mane mayanzô gô tsina evitsi. Tôaaténi ékeeyi éamigode gôégenya ébadi nyee ômaagiia.

Romains 16:17

Me Paul nanôkeneda mbe wemani gôndé ane anyôngéô étatôa anye. Ayungéda meekédume mamookô anye. Anyôngéô ébôméda anye nômeetsa Jésus mitémamie. Aaganani n’ahngô.

Romains 6:21

?Tsoongo ndé gô mabégôme matsoyi mayanzanye-a? Ekôdéô éamangô te ôwa.

Galatie 6:8

Okô môma agaaba mane mabévani manyima môtémee, angô akandéda te ôwa. Na môma agaaba mane manyôngéô Gédidi SaNzambé, sangô gékandéda angô monyo amôbô na môbô.

Ephésiens 4:22

T’ébandô gasasanye mikanda mievindô, sasani dôta mônongo wanyô ambeego ômabôtu n’anye na ômatôma anye gô metso mamayanzanye mbeego. Mônongoe ône ônde na manyima mabôméda môma gôémôkeeda gôébungana.

Ephésiens 5:12

Tôena tsoyi gôévovo mane mayanza omeaa v’esooe.

Ephésiens 5:7

Nômbiakanéga évamba n’omee ane.

Colosses 1:12

Kumédani Téta Nzambé na gényônga gévôni. Gôébégô te angô amanôkoa gôéba kuanakue gôédiia ôkitie ômakeneo na Nzambé gô tsenge éedi éagévede. Okitie ône te gôndé asi mbumu éaNzambé.

1 Thessaloniciens 5:7

Ane eebogani, éeboga te na pitsi. Ane andé n’edangi, adanga te na pitsi.

II Thessaloniciens 3:14

Okô môvo asagobeda ndongi yagésangô gegé, tendani inee éedi. Kinani évamba n’edi buta mbe eena tsoyi.

II Thessaloniciens 3:6

Ana aTétee n’ami asi mbumu éaNzambé, gô ina aKumu Jésus‐Christ tônôbeenda mbe: Nômbiavamba n’asi mbumu éaNzambé andé na gésima sadakadaka na asagobeda meekédume mamatôékéda angô.

I Timothée 5:20

Buedi gôésemba v’ekanga ane eenda mabégô mabévani buta mbe avo oma ookô gomo.

I Timothée 5:22

Vasevoa éwe môma, ômbiayavôga émôtsakéga mogo gôémôétsa ényanga gô mbumu éaNzambé. Ombiagésangana gô mabégô mabévani meenda avo oma. Digaaka éwe gô étsimama.

I Timothée 6:5

T’ebandô pagaye yaô disakôdéa, gôébégô mitéma miaô mindé mimayungani na misamenya mabégô mapie. Ahngô amenya mbe môma agobeda Nzambé te gôédiia ôkitie.

II Timothée 3:5

Gô ndéôye dine, oma angagésangana gô gésôga ti eembe andé gôégobeda Nzambé tambô asavamba na ngudi yedi. Kina évamba n’omee amônongoe ône.

II Timothée 4:2

Môtômee te mbe: Ikédaka Mane Mamavovo Nzambé. Nigôa mangô na gébaki gô ndéô yetso. Ndéône ényepeyee, ésanyepeyee, suméaka ikéda gôékoa oma matasa maô. Semba ahngô. Kasôgéda ahngô. Ikéda ahngô na môvinéné ôvôni.

Tite 2:15

Oôkiô Tite, mane te mane mangeekédewe. Ikéda n’enyangee éoo éetso gôékasôgéda na gôésemba ane ookôni. Ombiasinga mbe deti yoma digôyungéda môtémee.

Gétsutsuéô 18:4

Namookô wene ôgi ômavovo g’ôba mbe: Omee ami, tôtani, nôtôgani gô môsengee ône. Kabaga nôgésangana gô ébévee éedi. Kabaga nôsisédu gô panda yevunga éngasisédu angô.