Ephésiens 4:9 - New Testament in Mitsogo

⁹ Vatôtanga mbe: amabata ?éne ékegea nayee? Ekegea mbe amapanga épénda na gô étibee éatsinane.

Ephésiens 4:9 ပူးပေါင်းရင်းမြစ်များ

Matthieu 12:40

Mônongovo gamadigaa Jonas miôsa mitatô na pitsi ditatô gô ébuyi éanyama éagô mbéyi, te mônongovo me Muana Amôma nangamana miôsa mitatô na pitsi ditatô gô gatse atsinane.

Jean 20:17

Jésus amamôdékéda mbe: Ombiabanda me ta me madeo tsibuéa na gôndé Téta. Tambô éwe kiaka, ôkenigôa ana aTétee n’ami mbe nakeyi na gôndé ône andé Tétene yami, te ône andé tétene yanyô. Nakeyi na gôndé Nzambé ami, n’angô te Nzambéne éanyô.

Jean 3:13

Gôsaba môma amabata na g’ôba, buétsé te amuene Muana Amôma, ône amasuma g’ôba.

Jean 6:33

Menyani mbe mipemba miitsa Nzambé môma, te mine miviga g’ôba na miitsa môma monyo.

Jean 6:38

Me namasuma g’ôba gôéénda éne ényôngéô Nzambé ône amatôma me kaka éne ényôngéô memuene.

Jean 6:41

Ajuif amakambôga gômeenda Jésus mbe: Me te môpemba ômaviga g’ôba.

Jean 6:51

Jésus amapandôéda mbe: Me te môpemba ôviga g’ôba ôétsa môma monyo. One angaa môpembee ône angaba na monyo ôsakôdéakani. Môpembee ôngamôétsa me te ôtôe wami. Nadeekeda oma ôtôe wami te mbe muetso angadiia monyo te gô angô.

Jean 6:58

Nôeni môpembee apie ômaviga g’ôba ôsagono n’one ômaa peeye yanyô dimawani. One angaaka môpemba ônônigôi me, angaba na monyo amôbô na môbô.

Jean 6:62

?Vangeenanye me, Muana Amôma nanikéa ébata na gômaviga me nôngeenda nayee?

Jean 8:14

Jésus amabika mbe: Buéyé mbe nanigôéké mane mami memuene, menyani mbe mandéké ti mapie. Me tsabômu gômaviga me. Tsabômu dôta gôkea me. Géé anye, gômaviga me na gôkea me, anye nôsamenya.

Hébreux 2:7

Ivô ômabatéda ahngô gô vipesu viandéô andé gô tsina asi g’ôba, ayanzi aNzambé. Omamôétsa ôndômba na ôkumaka ti eembe andé môtômi môvôni.

Hébreux 2:9

Ivô tôena môvo, te Jésus amasugéa pesu andéô na gô tsina otômu asi g’ôba ayanzie aNzambé gôéwa gôndé oma muetso gô ngeba yaNzambé. Gô ndéô nedué tômôena abatédu na gô gédigaa sokumaka na sondômba, gôébégô éowa ôdagani ômawa angô gôndé oma.