Ephésiens 4:32 - New Testament in Mitsogo

³² Bakani n’enyônganéô na vitoo anyene n’anyene gôésingananéa anyene kokoo mônongovo gamasingéô anye na Nzambé kokoo gô ina aJésus‐Christ.

Ephésiens 4:32 ပူးပေါင်းရင်းမြစ်များ

Matthieu 6:12

Singéa we kokoo gô mabégo masô mabévani mônongovo gasingéa we kokoo gôndé ane atôéndéa mabégô mabévani.

Marc 11:25

Okô mbe ôndé na ébégô na môkoo, ômbiasuméa évovo na Nzambé. Buedi mbe ôpanga émôsingéa kokoo. Vane Tétoo, ône andé g’ôba angagôsingéa dôta kokoo gô mabégô moo mabévani. [

LUC TSANGO EAMOSOBA EMATENDA 1:78

Gôébégô Nzambéné éasô n’anyô andé na ngeba na mavôma. Ahngatanéda wa n’anyô gévede gévôni géviga g’ôba na gégono na kômbéne vatsiga yangô.

LUC TSANGO EAMOSOBA EMATENDA 11:4

Singéa we kokoo gô mabégô masô mabévani, Mônongovo gasingéa we kokoo gôndé ane atôéndéa mabégô mabévani. Vangakanégu we gôéénda mabégô mabévani, ômbiatsika we.

LUC TSANGO EAMOSOBA EMATENDA 17:4

Buéyé mbe agôéndi nyovo mabégô tsambué mabévani, n’angô kuka yetso aviga avidukewe mbe: Kokoo yewe. Buedi gôémôsingéa kokoo.

LUC TSANGO EAMOSOBA EMATENDA 6:35

Géé anye, nyôngéôni ane anôduduni. Indani ahngô mamisôba. Sombedani ahngô gébé n’etasa mbe nôngavanéô. Vane nôngeetsô na Nzambé môsenda ôvôni na nôngamenyanganô mbe ana aNzambé ône andé Kumu angudi yetso. Gôébégô amuene Nzambé eenda mamisôba gôndé ane abévani na asamôkumédani.

LUC TSANGO EAMOSOBA EMATENDA 6:37

Nômbiatsuava akanyô kabaga anye nôtsundédu na Nzambé. Nômbieeséda akanyô, kabaga Nzambé anôeséda. Singéani akanyô kokoo, na Nzambé anganôsingéa dôta kokoo.

Mayanzame 28:2

Mbuuane émabandôa ényogo na sodi gévôni. Asi néngé nene ahmakenea we na géneega. Ahmadumua gésotosoto na amakôkanganéda we va kôbangô asangô gôéôkô épiô.

Romains 12:10

Bakani n’etondo gôndé anyene gandé ana aTétee ahndé n’enyônganéô évôni. Gobedanani anyene n’anyene na gényônga.

I Corinthiens 13:4

Etondo étôdiia gôndé Nzambé étôétsa ngeba. Etondoe éne ényepa na ésamenya ngusu. Na dôta ésaba na nyemo na tsoki.

II Corinthiens 2:10

Okô nôsingéé môma kokoo gô éne ééndi angô ébévani, me dôta namôsingéa kokoo. Vasingéa me môma kokoo te ngu n’ene ébévédi angô me, béyé mbe évôni, béyé mbe égege. Neendéa te anye gô ina aChrist.

II Corinthiens 2:7

Ebégôe ékôdédô. Buedi mbe nôsinga angô kokoo na nômôsuméda môtéma kabaga môtémedi ôdita pepe na kabaga ôôba na tsoyi.

II Corinthiens 6:6

We tôtubéda mbe tôndéké ayanzie aNzambé gô môdigédi asô ômagôgéani, na gô ngeba yasô na gôndéké we na ngudi yaGédidi SaNzambé, na gôndéké we na étondo ésapenganani,

Ephésiens 5:1

Anye nôndéké ana anyônganéô na Nzambé tambô putugani gôédigaa mônongovo gandé muana amôtéma anyôngéô égono na tétedi.

Jacques 5:11

Tôsabômu mbe ane ahmabibédani eena gényônga. Nômamana éôkô tsangô éaJob gamabakangô na ôbibô, na môtéma ômasumani. Nôsabômu éne émeetsô angô na Kumu v’ekôdéô. Kumu andé ti na ngeba épôni na tsôvé oma.

II Pierre 1:7

Va ngongo éenanama na Nzambé, kôndégani étondo éana aTétee agô mbumu éaNzambé. Va ngongo étondo éana aTétee kôndégani tsôvé oma.

I Jean 1:9

Okô tôtuba va mbene aNzambé mbe: Me te môma môbévani, na tôétséni angô mitémamie gôébégô tôsabômu mbe Nzambé te Kumu amavôma na gôndé wa n’anyô asapata, atôsingéa kokoo gô ébévee éasô n’anyô na atôgôgéda éangô.

I Jean 2:12

Nanôtendéa anami anéngé gôénôbangôéda mbe ébévee éanyô émasingéô kokoo te gô éne émayanzéa Jésus‐Christ wa n’anyô.