Ephésiens 4:28 - New Testament in Mitsogo

²⁸ Te mbe ône amabaka muisui anzeegede éésua. Buedi mbe ayanzé na mogome medi amuene gôédiia mane manyôngéô angô géésué. Na eetsé dôta na misugamie gô mane mayanzangô.

Ephésiens 4:28 ပူးပေါင်းရင်းမြစ်များ

LUC TSANGO EAMOSOBA EMATENDA 19:8

Zachée amatema gôévovo na Jésus mbe: Kumu ôôkôyee. Okitie wami wetso, nangatatôa angô va gatse. Ovô ôkabô nangôôkabanéa na misuga. Okô nabongi dode yamôma isuaga dodepo, nangeeséda memuene, nangamônikédéa dode dinayi.

LUC TSANGO EAMOSOBA EMATENDA 3:8

Gabôta géétété samôsôba miônda miedi miamisôba anye tubédani ésima éamisôba gôémenyanganô mbe nômakoa mitéma gôéba wene mônongo oma. Anye nôanyepeda anyene mbe we te ana aAbraham. Nônatasa gô éne. Okô Nzambé anyôngéyiô éyekeda ana aAbraham, andé na ngudi yekoa mataé mema maka ana aAbraham.

Jean 12:6

Asivove nane gô ngeba dimeenangô misuga. Amavovo nane te gômabakangô môkenene agébémbége sadode. Gôndé angô muisui ameesua éne émakuyu gô sangô.

Jean 13:29

Amamenya mbe Jésus amatôma Judas, môkenene adode mbe: Kiaka ôkésômba éne ébuta we éaa gô suetine. Avo dôta amamenya mbe atômi Judas, môkenene adode mbe: Kabé misuga yangô.)

Romains 12:13

Wedéani asi mbumu éaNzambé gô panda yaô. Keneani agenda na géneega.

I Corinthiens 4:12

We tôtsôgô n’egogo gôédiia éne ékenea yôtô yasô. One atôtokoni adiia mate gôndé we. One atôkuanani tôsamôvénda.

II Corinthiens 8:12

Okô môma eetsa géenza gébé na ninga, Nzambé asinga géne géetsiôni. Nzambé asabono éne ésaba na môma gôéétsa. Abono te éne éndé na môma mbe eetsa éangô.

II Corinthiens 8:2

Asi mbumu éaNzambé gô Macédoine amakanégu na maguga mameenahngô. Ivô gô tsina amaguga maô andé na gényônga gévôni, na ahkaba éne éaô éetso gébé na guma, buéyé mbe gandé ahngô misuga.

Galatie 6:10

T’ebandô ôkô tôndé vangô kuka yetso tôena môkasô adagéô ébégô te gôndé wa n’anyô gôémôwedéa. Tôôtéé éwedanéa wa n’anyô asi mbumu éaNzambé.

I Timothée 6:18

Oongô angô ndongi mbe ééndéké mayanza mamisôba na asatanganéda ôkiti ômasuégangô gô gégaa. Atanganédé te ône ômakabangô na gényônga gôéwedéa akaô mbe ône ôndé na tsoongo. Na oombéké ékaba gébé na ninga.

Tite 3:14

Buedi mbe omee asô n’anyô, éékédu gatôwedéana wa n’anyône na wa n’anyôene gô mane mavôni matôgômbéôni. Enyepa mbe omee asô n’anyô agono na géétété gébôtani gô mayanza maô n’esimee éaô éamisôba, kaka ga géétété sagékômba.

Tite 3:8

Evovie éne kaka éetsuma paga, ésangakoga. Me Paul nanyôngéô mbe ôsimbuéa ébégôe éne buta mbe ane eetsa Nzambé mitémamie gémôtsumé paga angadigaa na môvinéné gô mayanza mamisôba génzeegede ésimee ényôngéô Nzambé. Nôeni éne te éne ényepa gôndé oma.