Ephésiens 4:18 - New Testament in Mitsogo

¹⁸ Matasa maô mandé gô évitsi. Asamenya ta n’ebégô évo éagô monyo ôtôétsô na Nzambé gôébégô mitéma miaô mindé g’ôdungé na pandandaa.

Ephésiens 4:18 ပူးပေါင်းရင်းမြစ်များ

Matthieu 13:15

Gôébégô mitéma miomee adua mindé na diyunga na misabangôa. Ahngô akukéga matôme mao, Na eema misome maô. Kabaga misome meena. Na kabaga matôme mookô. Na kabaga mitéma miaô misinga, na kabaga ahngô akoa matasame maô gôéviga na gôndé me gôédôngédu.

Marc 3:5

Te vane Jésus amabono ahngô n’opisa. Ameena panda gô disôba yamitéma miaô. Amavovo na gékonzoge mbe: Konyoko ôgogoe woo. Amookonyo na ômadônga.

Jean 12:40

Nzambé ameeméda oma miso maô, Kabaga miso maô meenéa, Na kabaga mitéma miaô minigôgéô, Na kabaga akoa matasa maô gôéneegeda me Mbe nadôngéda ahngô.

Mayanzame 17:30

Nzambé asabonodô ndéône émabaka môma g’ôdungé, angô gébeendu. Deo noo Nzambé abambéa oma muetso asi tsengeye yetso mbe: Koani mitéma mianyô gôéba wene mônongo.

Mayanzame 3:17

Eébéyée nane, ana aTéta agô mbumu éaIsraël. Me tsabômu mbe anye na atômie wanyô nômabaka n’odungé, gémenye éne émeendéanye Jésus.

Romains 1:28

Oma amagônga Nzambé gô disôba yaô mbe: Tôsamenya ône. Na Nzambé amanzeegeda ahngô na matasa maô magô évitsi, n’esima éaô éasagô, ésanyôngéô Nzambé.

Romains 11:25

Anee aTeétee n’ami ôôkôni ébégô édué éapie ésinigôganéô na muetso. Kabaga nôba n’etasa mbe we tômani étsiga v’ekôdéô éodo, nanôomba énigôa ébégô édué. Okabô ôvo éongo eaIsraël asangoongôa éôkô. Vangadugu ôkabôe ane asibôtu gô Ajuif amaviga na gôndé Nzambé gô géobogeo, na vane Ajuif angookô.

Romains 11:7

?Tôngeenda nayee? Ana aIsraël asidiia éne émabuta ahngô. Ane amadiiani te ane amasevou na amuene Nzambé. N’ane amasanéani atsapéô ti tsapéô asoongôa éditéga.

Romains 2:19

Ondé n’etasa mbe: Me te môtévédi anzéa gôndé asi pogu. Me te gévede sane adigaa gô évitsi.

I Corinthiens 1:21

Ekegea te nane, oma atsengene na éodo n’ebagé éaô ahsiôngôé émenya Nzambé. Asiôngôé émenya na mane matsutsua éodo éamuene Nzambé. T’ebandô Nzambé amatasa gôéoboo ane eetsa angô mitémamie gô meekédume matôékédani éma maseka môma mbe matsôga.

I Corinthiens 2:8

Va gatse aditômu yetso yava tsina gôsaba ta n’ovo ômenya ône mônongo eodo. Mbe dimabaka n’eangô, yangô mbe disitômé oma gôébôkéda Kumu éondômbee wetso gô gésumu sowa.

II Corinthiens 3:14

Mitéma miaô mimabaka géôngôé enigôgéô éne émeenahngô. Ngu na deo noo mitéma miaô mindéké gamimapikô na môkandee ône vatangahngô Matendeo MaNzambé mevamba éambeego. Môkandee ône ôwatô na ôgunyu te vavamba môma na Jésus‐Christ.

II Corinthiens 4:4

Asangoongôa ésinga mangô gôébégô Môtômine môbévani atsinane édué amakukéga yôkiia yamitéma miaô n’okutue. Te Môtômine ône iméda ahngô misome mbe kabaga eena gévedege gétanédu na Tsangô Eamôsôba étôtubéda ôndômba ôndé na Jésus‐Christ. Na étônigôa mbe Jésus te gégoni saNzambé.

Galatie 4:8

Va mbeego anye nôsimenya Nzambé. Nômabaka g’ôvéga ômatômu anye n’ene éyanza môma na mogo medi, éne égonédangô na Nzambé, ivô kaka Nzambé.

Ephésiens 2:1

Va mbeego édidi éanyô émabaka gô évitsi ti eembe émawa gôébégô adiési yanyô na ébévee éanyô.

Ephésiens 2:12

Gô ndéô nene nômabaka gôdagôda na Nzambé. Anye na Nzambé nôsimenyangané, nômabaka agenda. Nôsindenganô va gatse ane amasevou na Nzambé. Gô évamba émavamba Nzambé n’omedi gô ngudi yovanga ôvôni, anye nômabaka nômatatôuni. Nômadigaa gô monyo atsengene gébé na ébégô éeténdéda, na gémenye Nzambé.

Colosses 1:21

Va mbeego anye nômabaka gôdagôda na Nzambé gébé n’evamba n’edi. Nômabaka adudeoe wedi gôébégô éamatasa manyô mabévani na mayanza manyô mabévani.

1 Thessaloniciens 4:5

Abaké gésingé ôtô edi ôtômu na manyima mabévani gatômu ane asavamba na Nzambé.

Hébreux 5:2

Amuene môdeekedine te môma oombuéa agô môtéma gandé akedi. T’ebandô ookô na vede mane madagéô akedi vayanzahngô mabégô mabévani. Oôkô dôta gôndé ane andé g’ôdungé.

Hébreux 9:7

Ivô gô eba amôbaé ava ngenge gômeengéa te pene adeekedi adigondoku amuene. Ameengéa gô môpumovo kukepo. Ameengéa gône amatsua nzina yanyama gôédeekeda yangô na gôndé Nzambé. Amaduka kokoo gô mabégô mabévani maamuene, na mane moma muetso mamayanzahngô g’ôdungé.

Jacques 4:4

Anye nôvamba mavamba mabaé. ?Nôsamenya mbe ône andé n’evamba n’esima éatsengene asaba n’evamba na Nzambé? One andé na vitoo n’esima éatsange nedué akoga te môdudeo aNzambé.

I Pierre 1:14

Mônongovo g’ana ookéô ôgi apayi, anye ookéôni Nzambé. Nômbioomba éaanda tsôvé yanyô yava mbeego vamabakanye g’ôdungé.

I Jean 2:11

Ivô ône andé na bôvingô na môkedi agébaka gô évitsi. Ananga gô évitsi asamenya gôkeangô. Gôébégô évitsie émakoa angô aka môsi pogu.