Ephésiens 4:16 - New Testament in Mitsogo

¹⁶ Te gô ngudi yedi mbe éeme éetso éotô éwanya na ngee. Na mbe diôngôye yetso disapengana na dioodo gôéwanyéda ôtôe wetso ékenge. Okô géeme na géeme géndé na éedi éyanza, ôtôe wetso ôngavunda na ôngoongôga na vitoo.

Ephésiens 4:16 ပူးပေါင်းရင်းမြစ်များ

Jean 15:5

Me te môkuba agéétété. Anye te mitabé. Muetso andé môvo n’ami na me nandé môvo n’ahngô abôta miônda miyekani. Me gébé n’anyô nôsoongôa éénda ta n’ebégô évo.

Romains 12:4

G’ôtô amôma gôndéké éeme éyekani. Géeme na géeme na sedi gébana.

I Corinthiens 10:17

Buéyé mbe tôndéké ayekani tôaa muetso môpemba ôvo. Te éne étubéda mbe tôndé muetso te ôtô ôvo.

I Corinthiens 13:13

Endé te nane. Gôndé mabégô matatô mandé môgunanza. Mangô te gôéba môtémovo na Nzambé gémôtsumé paga, na gôémenya mbe tsoongone yoo te Nzambé na gôédigaa na môtéma ômayôa n’etondo éaNzambé. Na va gatse amangô matatô, éne éôtéani te étondoe éviga gôndé Nzambé.

I Corinthiens 8:1

Tôtaséni ébégô éanyama dimadeekedu mbumba. Na gô pie nôvovo muetso mbe: Me tsabômu mangô. Ivô éodoe éne te éanyemôga. Tambô tôbaké na vitoo gô étondo. Te étondoe étôweseda gôémenya mabégô maNzambé na gétsumé paga gô mangô.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Ephésiens 1:4

Menyani mbe Nzambé madeo asikana tsina n’oba amapanga ésevoa wa n’anyô gôévamba n’edi gô ngudi yaChrist, gômbe tôngaba n’etsimama na gébé n’oési va mbene edi.

Ephésiens 3:17

Naduka angô mbe Christ adige gô mitéma mianyô vandé anye gébé na paga gôndé angô. Naduka dôta Nzambé mbe anye nôngaba ga géétété gémasuenea mitambamie na gô tsina mbe n’anye nôngasuenea gôésipa gô étondo éaNzambé. Namôduka mbe

Ephésiens 3:7

Me Paul namakou, naka môtsuayi aTsangô Eamôsôba gô ngeba yaNzambé. Nameetsô n’edi gésooge géne gôéyanza gô ngudi yedi.

Ephésiens 4:12

?Amakaba migôômie mine gôndé? Amamikaba gômbe asi mbumu éedi angaduganéô ngudi gô miangô gôémana éyanzee éaNzambé va tsina. Na mbe asi mbumu éedi andé ôtôe aChrist ôngavunda na ôngoongôga na ôngoodo gô mabégô metso maNzambé gô ngudi yamigôômie.

Ephésiens 4:15

Ivô ôkô tôdigaa gô mabégô mapie na gô étondo éaNzambé tôngoongôga gô mabégô metso gandé ôtô amôma oodoni na ôsipani. Amuene Christ te môtsée.

Philippiens 1:9

Oôkoni éne évovo me na Nzambé gôndé anye. Namôduka mbe: Ah Nzambé, yanza mbe ényônganéô éaô évutuga na évunda. Yanza dôta mbe ényônganéô éaô ébaké na tsoongo. Tsoongone te vandé ahngô n’eodo éapie gôémenya ébandôe n’ekôdéôe éamabégô mapie. Naduka Nzambé te nane.

Colosses 2:19

Angô anôtôga gôndé Christ ône andé môtsé ambumu éaNzambé. Tambô te gô ngudi yamôtsée mbe ôtôe wetso ôngôgédu. Na mbe éemée éetso éwanya kuanakue gô diôngôye na mikangimie. Vane ôtôe ôngôga ganyôngéô amuene Nzambé.

Colosses 2:2

Nagenya gôndé anye te mbe mitéma mianyô miyôé na bôkédé gébé na gomo, na mbe nôbaké muetso n’evambevo na vitoo. Na mbe nôbaké n’eodo éapie gôébégô éangô te ôkiti ôvôni ônôsuméda mitéma. Eodoe éne énômenyeda matasa maNzambé masinigôganéô na mbeego. Na mangô te amuene Christ.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

1 Thessaloniciens 2:13

Na gôndéké na yene ébégô ésatsika we ékuméda Nzambé gôndé anye. Vameekéda we anye Matendeo MaNzambé, nômookéô mangô na nômasinga mangô, ti pidi mbe ôgi aNzambé, kaka mavovia mamôma. Na mandéké te ôgi aNzambé. T’ebandô mandé na ngudi gô mitéma mianyô nosamatsuma paga.

1 Thessaloniciens 3:12

Nanyôngéô mbe Kumu Jésus oomba ékôndéga anye étondoe éndé va gatse anyô na éne éôkô anye gôndé oma muetso. Nanyôngéô mbe ékôndégu gôéba mônongovo n’etondoe éôkô me anye.

II Thessaloniciens 1:3

Ana aTétee asi mbumu éaNzambé, tôsatsika ékuméda Nzambé gôndé anye. Endé kuanakue gôtôénda nane. Gôébégô anye nôôtéa éwesea gô mbene na gô mbene gô nzéa éaJésus étôkeani édué. Etondo éndé n’anyene n’anyene éndé gôékôndama ti kôndama

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Jean 4:16

Na wa n’anyô tôsabômu étondo éndé na Nzambé gôndé wa n’anyô tôsatsuma étondoe éedi paga. Nzambé te Kumu éetondo. One adigaa gô étondo éedi andé môvo na Nzambé, na Nzambé andé môvo n’edi.