Ephésiens 4:12 - New Testament in Mitsogo

¹² ?Amakaba migôômie mine gôndé? Amamikaba gômbe asi mbumu éedi angaduganéô ngudi gô miangô gôémana éyanzee éaNzambé va tsina. Na mbe asi mbumu éedi andé ôtôe aChrist ôngavunda na ôngoongôga na ôngoodo gô mabégô metso maNzambé gô ngudi yamigôômie.

Ephésiens 4:12 ပူးပေါင်းရင်းမြစ်များ

LUC TSANGO EAMOSOBA EMATENDA 22:32

Ivô me nasambédi gôndé éwe kabaga môtémoo ôba na paga gôénôtôga gôndé me. N’ewe vangakoga éwe na gôndé me, ôodeda ana aTétee noo agô mbumu éaNzambé.

Mayanzame 1:17

Judas amabaka môvo va géômbége sasô, we tômasevouni na tômatômukuni. Ameetsô ôtômue wedi gôéyanza gameetsô we.

Mayanzame 1:25

One anyôngéô éwe gôéviagana Judas gô éyanzee na gô ényangee éane amatômukuni. Gôébégô Judas amatsika gétunguge sedi gômakeangô na gô sene gétungu gémasevoangô amuene.

Mayanzame 11:23

Vamatsiga Barnabas gô Antioche, ameena éne émayanza Nzambé gôéétsa asi mbumu éedi mate. Amatsôkéa. Amoongo ahngô ndongi mbe: Nômbiaagana n’evambee éndé anye na Kumu. Bakani na môvinéné mbe mitéma mianyô misipa.

Mayanzame 20:24

Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

Mayanzame 9:31

Gô tsengeye yaJudée na Galilée na Samarie, asi mbumu éaNzambé amabaka gô gétabé. Amasipa na ahmoodo gô mabégô manzéa éaKumu Jésus. Ahmakea na gô mbene gômookô ahngô Kumu Jésus gomo. Gô ngudi yaGédidi SaNzambé ôtangôe waô ômakôndama te kôndama.

Romains 12:5

Endé te nane. Wa n’anyô tôndé ôtô ôvo na Christ. Tôndéké éeme éyekani tômagésangana gôéduga ôtô ôvo. Na tôndé gôéyanza ngudi dipo.

Romains 12:7

Na ône andé na môgôô gôéwedéa môkedi, awedéké. One andé na môgôô gôéékéda, eekédéké.

Romains 14:19

Tôéndékéni éne éndé kuanakue, buta mbe tôdigaa na gétabé na vitoo gôésipanédana gô mbumu éaNzambé.

Romains 15:14

Ana aTétee n’ami gô mbumu éaNzambé, me Paul tsabômu gandé anye. Nôndé oma angeba, na nôsabômu metso mane mandé kuanakue gôndé anye gôéénda na gôéongono ndongi.

Romains 15:2

Môma na môma tôéndé mane manganyepeda akasô gôéwedéa ahngô aweséa gô mbene na gô mbene gô nzéane éamabégô maNzambé.

Romains 15:29

Me tsabômu mbe vangaviga me na gôndé anye, nangatsiga gô ngudi yamate maChrist.

I Corinthiens 12:27

Wa n’anyô muetso tôndéké te ôtô aJésus‐Christ. Môma na môma te géeme gévo.

I Corinthiens 12:7

Gédidi SaNzambé géviga na gô mitéma miasô n’anyô gôétôétsa môma na môma môgôôe wedi mbe ayanza n’angô gôényepeda mbumu éaNzambé muetso.

I Corinthiens 14:12

Me nanôongô mbe gôndé anye nôbuta na môvinéné édiia migôô miétsa Gédidi SaNzambé, butani édiia mine miweseda mbumu éaNzambé muetso gô nzéa éamabégô maNzambé matôétsa mitémamie.

I Corinthiens 14:14

Okô navovo na Nzambé gô wene ôgi ômeetsô me, gédidi sami géndé gôésambéda ivô matasa mami masaba wangô na masamenya éne évovo me.

I Corinthiens 14:26

Wa n’anyô ana aTéta ?tôngaba nayee gô ébégô éamigôô? Vatôkôkangana vavo gô géwanyéô samabégô metso maNzambé éndé te nane. Môvo va gatse asô n’anyô andé na embô. Môvo andé n ndongi. Môvo dôta atsutsuédu ébégô na Nzambé. Na môvo andé na meekédume magô aanga ôgi ômeetsô angô na Nzambé. Na môkedi eetsô éodo gôémakoa g’ôgi asô n’anyô. Buedi mbe migôômie mietso mine miwesede mbumu éaNzambé muetso gô nzéa éaNzambé étôgobedani.

II Corinthiens 12:19

Me tsabuta éatsimaméda memuene va miso manyô gatasa avo oma. Navovo ganyôngéo Christ va mabene aNzambé. Mane mavovo me n’anye wee yami, te gôéweseda anye gô nzéa éaNzambé ékeanye.

II Corinthiens 13:11

Te nane ana aTétee n’ami, gésoo navovi. Nakôdéyi te vane. Butani édiia étsimama. Kasôgédanani anyene n’anyene. Bakani na vitoo. Digaakani gô gétabé. Na vane, étondo éaNzambé na gétabé sedi géngaba gôndé anye.

II Corinthiens 13:9

We eekédi tôtsôkéa ôpôpée wasô gômbe anye nôngaba na ngudi. Na we tôduka Nzambé mbe anye nôngatsimamédu na ngudi yedi.

II Corinthiens 3:8

tambô asani ga ootéa ôbébayi na ôndômba ôviga na Gédidi SaNzambé vatôma sangô.

II Corinthiens 4:1

Te amuene Nzambé asaba na ninga, ameetsa we eekédi éyanzee éndé n’asô. T’ebandô mitéma miasô misanika gévii.

II Corinthiens 5:18

Metso mane tômadiia gôndé Nzambé. Angô Nzambé amanikéa évamba na wa n’anyô oma gô ngudi yaChrist. Angô Nzambé amatôma wa n’anyô gôéweseda akasô na gôndé angô mbe na ahngô muetso anganikéa évamba na Nzambé.

II Corinthiens 6:3

We eekédi tônyôngéô édigaa na éyanza gô mônongo amôsôba gômbe gôsangaba môma angeetsa we ôési gô môdigédie wasô. Tôsanyôngéô ékuéséda môma ta n’ebégô évo.

II Corinthiens 7:1

Wee yami, ôvangee ône ômavanga Nzambé mbeego ôndé na ngudi gôndé wa n’anyô deo noo. Tambô tôbaké n’ekena gôébusuga mane mevindô kabaga tômagônga gôébévéda ôtô na gédidi gagônga môma mbéka éambii. Tôadeekedéni wa n’anyôene na gôndé Nzambé gôédigaa monyovo n’edi na gomo gôémôgobeda.

Ephésiens 1:23

Mbumu éaNzambé te ôtô aChrist. Christ te ébandô na ékôdéô éatsinane nyetso. Na angô andéké gô mbumu éedi na eenanô va gatse ayangô.

Ephésiens 4:16

Te gô ngudi yedi mbe éeme éetso éotô éwanya na ngee. Na mbe diôngôye yetso disapengana na dioodo gôéwanyéda ôtôe wetso ékenge. Okô géeme na géeme géndé na éedi éyanza, ôtôe wetso ôngavunda na ôngoongôga na vitoo.

Ephésiens 4:29

Nônavovo ta n’ebégô évo ébévani. Nôvovo te mane mandé na tsoongo gôéwedéa akanyô gôéwesedangô gô nzéa éaNzambé étôkéani. Mavovia manyô mandé n’eyanza gôényepeda akanyô. Vane nônganyepeda muetso ookéô anye.

Ephésiens 4:4

Tôndé muetso gô ôtô ôvo. Na gédidige sasô n’anyô SaNzambé te gévo. Tsoongone éasô n’anyô étôétsô na Nzambé te épo.

Colosses 1:24

Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

Colosses 1:28

T’ebandô tônigôa oma muetso Tsangô éaChrist, ône amasevou na Nzambé. Tôevéda na tôéékéda môma na môma. Tôénda nane n’ekena éetso buta mbe tôtsigéda môma na môma va mbene aNzambé, kaka mbe andéké ana avembo gô mabégô maNzambé, ivô mbe andé môma amadômbéa gô vitoone éndé n’edi na Jésus‐Christ.

Colosses 4:17

Beendani Archippe mbe: Baka n’ekena gôémangôa éyanzee émeetsô éwe gô gésoo saKumu Jésus.

I Timothée 1:12

Me Paul nakuméda Kumu asô n’oo Jésus‐Christ, ône ameetsa me ngudi gôédugéda éyanzee éami. Namôkuméda gôébégô ameena me mbe: One andé na mavôma gôéétsô éyanza. Namôkuméda gômasevoangô me mbe namôyanzéa.

II Timothée 4:11

One andé n’ami éva te Luc amuene. Oviga na Marc, angô asabômu éwedéa me gô gésaô saNzambé.

II Timothée 4:5

Ivô éwe, Timothée, sipaka. Ombiasinga mbe matasa moo mayungédu n’omee ane. Bibéda gô maguga. Yanza mayanza moo mamôékédi aTsangô Eamôsôba. Kôdéda gésaô soo ngu na v’ekôdédô.

Hébreux 13:17

Gobedani atômie wanyô. Sugédani anyene gôéditéda ahngô. Eyanzee yaô na pitsi n’omanda te gôékenea mitéma mianyô. Gô éne éyanzahngô anganigôa va mbene aNzambé. Gobedani angô. Vane ahnganigôa Nzambé gôndé anye na ékasôga, kaka na mitéma miditani. Okô anigôa na mitéma miditani, tambô n’anye nôngaba dôta na mitéma miditani.

Hébreux 6:1

Mabégô mamapanga mameekédu môma mokumu aNzambé tômanéni mangô gôéwesea na gô mavo. Tôtsôpéni mane magô mbene. Môsaayi eba asangoonôa édigaa g’ôbôga ôtévo. Na wa n’anyô te mônongovo. Tômani ésiga ôbôgee, angô te meekédume mamapanga. Na mangô te mbe môma asangoongôa ényepeda amuene gôékoa môtémedi gôéba wene mônongo. Na mbe môma eetsa Nzambé môtémedi wetso gétsumé angô paga.