Ephésiens 4:1 - New Testament in Mitsogo

¹ Me Paul nandé môsi eba atsôgôô gôyanzéa me Kumu Jésus. Nanôtôma mbe kiakani mitie mônongovo gamanyôngéô Nzambé vamabambéa angô anye gôékea n’edi géômbé gévo gô nzéane yedi.

Ephésiens 4:1 ပူးပေါင်းရင်းမြစ်များ

Mayanzame 9:31

Gô tsengeye yaJudée na Galilée na Samarie, asi mbumu éaNzambé amabaka gô gétabé. Amasipa na ahmoodo gô mabégô manzéa éaKumu Jésus. Ahmakea na gô mbene gômookô ahngô Kumu Jésus gomo. Gô ngudi yaGédidi SaNzambé ôtangôe waô ômakôndama te kôndama.

Romains 11:29

Nzambé asamenya éwata éne émeetsa angô oma na asakoa matasa medi gôndé ane amabambéa angô.

Romains 12:1

Ana aTétee nanôduka mbe: Itsani anyene na gôndé Nzambé. Mbe yôtô yanyô dibaké ga digondoku didôngani dideekedu na gôndé Nzambé asakina yangô. Gô éne émayanzéa Nzambé wa n’anyô gô ngeba yedi, tônikédé éneegeda angô na yôtôye yasô n’anyô.

I Corinthiens 4:16

T’ebandô nanôtôma mbe: Indakani geenda me.

II Corinthiens 10:1

Me Paul nanôgondo mbe kokooni yanye, ôôkôni éne énganônigôa me. Avo nôvovo mbe vadigaa Paul vandé we éva andé ti môsiki edi na gétabé. Ivô ti mane makudégangô andé gôdagôda te matsakiméda môtéma amôma. Me Paul nanôgondo gô ngeba na gô divooti yamuene Christ mbe

II Corinthiens 5:20

We gébika saChrist tôvovo n’anye, ti eembe te amuene Christ avovo n’anye. Tônôbambéa ti eembe te amuene Nzambé anôbambéani. Tônôgondo gô ina aJésus‐Christ mbe singani angô gôénikéa évambédu évambevo na Nzambé.

II Corinthiens 6:1

T’ebandô we eekédi tôyanza évévé éyanzevo na Nzambé, tônôtôma mbe: Nômbiasinga édimbanéda ngeba dimeenanô anye na Nzambé.

Galatie 4:12

Ana aTéta asi mbumu éaNzambé, kokooni gôndé anye. Bakani gandé me gôébégô me dôta nandé g’anye. Anye nôsibévédé me ta n’ébégô évo.

Ephésiens 2:10

Gôébégô tômavangô na Nzambé na tômakou gômatôvamba na Jésus‐Christ gômbe tôngaba na monyo ômadugani na mayanza mamisôba. Amuene amatôkônzéa mayanzame mane mbe tôngeenda mangô.

Ephésiens 3:1

Me Paul nandé gô eba atsôgôô gô ina aJésus‐Christ, gômeekéda me mbe anye nôsaba Ajuif nôndé nômagésu eba ôvo n’Ajuif. Me nasambéda Nzambé.

Ephésiens 4:17

Oôkôni éne énôbeenda me gô ina aKumu Jésus. Me mbe nômbiadigaadô ga oma asamenya Nzambé. Mane manyôngéô omeaa masaba na tsoongo.

Ephésiens 4:4

Tôndé muetso gô ôtô ôvo. Na gédidige sasô n’anyô SaNzambé te gévo. Tsoongone éasô n’anyô étôétsô na Nzambé te épo.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Philippiens 3:14

Te gakea me pita gôébuéa v’ekôdéô buta mbe nadiia g’ôba éne éamôsôba émakônzéô me na Nzambé ône amabambéa me gô ngudi yaJésus‐Christ.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

Colosses 2:6

Anye nômani ésinga Jésus‐Christ Kumu anyô. Tambô bakani na vitoo n’edi.

Colosses 4:12

Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé.

1 Thessaloniciens 2:12

Tômakasôgéda anye na tômasuméda anye mitéma. Tômeekéda anye na môvinéné mbe: Digaani ganyôngéô Nzambé, ône amabambéa anye gôéengéa g’ôkumu edi na gôégésangana g’ôndômbee wedi.

II Thessaloniciens 1:11

T’ebandô tôsatsika évovo na Nzambé gôndé anye. Tômôduka mbe anônyepeda pepe gôéba kuanakue gô monyoe ômasevoangô anye mbe nôdigaa ganyôngéô angô. Tômôduka mbe go ngudi yedi anganôdugédéa mane masema anye tsémo yamisôba. Na mbe gô ngudi yedi angatsimaméda mane mayanzanye nôndé gôégobeda mane mameetsanye mitéma.

II Timothée 1:9

One amooboo we na amabambéa we gôékoga omedi amatsimamani te Amuene Nzambé. Asatôoboo gô ngudi yamayanza masô n’anyô mamisôba. Atôoboo te gamatasa amuene mbe: Neendé te nane. Amatôoboo te ti gô ngeba yedi. V’ebandô na kaa, amatôena ngeba gô ina aJésus‐Christ.

Tite 2:10

Beenda avéga mbe: Nômbieesua ta na sôma gévo. Ivô éôtéa ényepa mbe atubéda kooko yaô mônongoe waô amôsôba na amavôma buta mbe meekédu maMooboyi asô n’anyô Nzambé makumédu.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

I Pierre 2:11

Anami amôtéma, me noongô anye nôndé g’ôgenda gô tsengene. Kinani tsôvé yetso dibévani digenya na mitéma mianyô.

I Pierre 3:9

Gô mabégô mabévani nômbianikéda pégôani. Gô matoki nômbiavénda matoki. Ivô nikédani te mamisôba. Gôébégô Nzambé amakuséda anye gô mabégôme mane gôénôétsa mate medi.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.

II Pierre 1:3

Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene.

II Jean 1:5

N’atsatsee nagôbeenda yaa Kyria tônyônganéôni wa n’anyôene na wa n’anyôene. Môtômee ôdôô ônôtendéa me kaka atsatsee, te môtômee ôndéké n’asô n’anyô bandôa vamapanga.