Ephésiens 3:9 - New Testament in Mitsogo

⁹ Namasevou dôta gôémenyeda oma muetso éne éngayanza Nzambé gôédugéda étasa éedi gôékônza nzéa gôndé ane asaba Ajuif. Nzambé môkanine ayôma éetso éava tsina, amabaka n’etasa éne bandôa v’ebandô ivô oma asinigôgéô éangô. Emabaka ga émasuégu.

Ephésiens 3:9 ပူးပေါင်းရင်းမြစ်များ

Matthieu 10:27

Ene ébeenda me anye gô tsina evitsi, nigôani éangô g’ômanda. Ene éôkô anye v’esooe, pandôédani éangô v’ekanga.

Matthieu 13:35

Vameenda Jésus nane, éne émavovo môpandôédi amatasa maNzambé émeenanô. Môpandôédi amavovo mbe: Nangabandôa éékéda ahngô te na tsava. Nangapandôéda oma mabégô masinigôgéô angô bandôa v’ebandô vamakanô tsina n’oba.

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

LUC TSANGO EAMOSOBA EMATENDA 24:47

Tsangône éedi éngatsuaô na gô tsengeye yetso gôéékédu te gô ngudi yainedi, bandôa gô Jérusalem. Tsangône éedi te mbeea éazambé ébambéa angô oma gôékoa mitéma miaô na mônongoe waô, gôsingéô ahngô na Nzambé kokoo gô ébévee éaô.

Jean 10:30

Wa na Téta tôndé te môvo.

Jean 5:17

Ivô Jésus amanikéda ahngô mbe: Téta, ône andé g’ôba ayanza kuka yetso. Na me te mônongovo. Nayanza te kuka yetso.

Jean 5:19

Jésus amanigôa Ajuif mbe: Me nanôbeenda na gô pie mbe Muana ANzambé asoongôa éyanza gô ngudi yamuene. Ayanza te éne éenangô Tétedi éénda. Metso meenda Tétee, te mane mangeenda dôta Muanee.

Mayanzame 15:18

Oôkôni éne émavovo Kumu Nzambé ône asabômu mabégô mema bandôa va mbeego.

Romains 11:25

Anee aTeétee n’ami ôôkôni ébégô édué éapie ésinigôganéô na muetso. Kabaga nôba n’etasa mbe we tômani étsiga v’ekôdéô éodo, nanôomba énigôa ébégô édué. Okabô ôvo éongo eaIsraël asangoongôa éôkô. Vangadugu ôkabôe ane asibôtu gô Ajuif amaviga na gôndé Nzambé gô géobogeo, na vane Ajuif angookô.

I Corinthiens 2:7

Me tsamenya éne éodo. Nanigôa te éodoe émabaka gav’esooe na Nzambé na ésinigôganéô n’oma. Na Nzambé amasevoa éangô mbeego na mbeego, tsinane madeo ésikanô. Ameesevoa gôndé wa n’anyô mbe tôngaba n’ondômbee wedi.

Ephésiens 1:4

Menyani mbe Nzambé madeo asikana tsina n’oba amapanga ésevoa wa n’anyô gôévamba n’edi gô ngudi yaChrist, gômbe tôngaba n’etsimama na gébé n’oési va mbene edi.

Ephésiens 3:2

Nômani éôkô gameetsô me na Nzambé gésooge gôénôyanzéa.

Ephésiens 6:19

Vovoni na Nzambé gôndé me Paul mbe vakukua me mônyee wami mbe nangeetsô mavovia makuanakue na mbe nangavovo gébé na tsoyi gôémenyeda oma mabégô maTsangô Eamôsôba masinigôganéôkô na mbeego.

Colosses 1:23

Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.

Colosses 1:26

Etasee émabaka n’edi gôémenyeda wa n’anyô nzéane émabaka ga emasuégu bandôa v’ebandô gôsinigôgéô éangô n’oma. Etasee éne atsutsua éangô deo noo gôndé asi mbumu éedi.

Colosses 3:3

Gô mane matsengene nôndé nômawani. Monyoe wanyô ôndé ômakuégu n’one aChrist gétungu gévo gôndé Nzambé.

Colosses 4:3

Vandé anye gôévovo na Nzambé, tetani mina masô gômbe Nzambé angatôkônzéa ndéô yakuanakue gôéékéda Mane Mama vovo angô kuku yetso. Tônyôngéô énigôa mane maChrist masinigôgéôkô oma. Nandé gô tsôgôô te gô mabégôme masinigôganéôni mane.

II Thessaloniciens 2:13

Ana aTétee asi mbumu éaNzambé tôkuméda Nzambé gôndé anye gédundé gôébégô nôndé anedi amôtéma. Nzambé amasevoa anye mbe nôngaba ane angapanga édiia géobogeo gô ngudi yaGédidi sedi. Te sangô génôvambéda môvo na Nzambé gômaagana anye na mane matsengene. Nôgédiia dôta gômeetsanye mitémamie gô Mabégô MaPie gémôtsumé paga.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

II Timothée 1:9

One amooboo we na amabambéa we gôékoga omedi amatsimamani te Amuene Nzambé. Asatôoboo gô ngudi yamayanza masô n’anyô mamisôba. Atôoboo te gamatasa amuene mbe: Neendé te nane. Amatôoboo te ti gô ngeba yedi. V’ebandô na kaa, amatôena ngeba gô ina aJésus‐Christ.

II Timothée 4:17

Ivô Kumu Nzambé amabaka n’ami gôéoodeda me. Ameetsa me ngudi gôénigôa na vede mabégô medi. Mangô mookanô na muetso asaba Ajuif. Namayuu ga môma awatô gô mônya agémbungu.

Tite 1:2

Nzambé anyôngéô mbe abé na tsoongo gô monyo ôsakôdéakani. Angô te Nzambé asapatani na amavangéa wa n’anyô monyoe ône, tsinane madeo ésikanô.

I Pierre 1:20

Christ amasevou na Nzambé tsengene madeo ésivangô. Nzambé amatsigéda angô gô ndéô yedi yamôyusumédu na gôndé anye.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 14:6

Vane me Jean nameena môsi g’ôba môvo amaveea gô ngongo ngongo. Amabaka na Tsangô Eamôsôba éamabégô mamôbô na môbô masakôdéakani gôébeenda oma agô tsina. Tsangône te gôndé asi tsengeye yetso na asi mongo metso na asi yôgi yetso na oma muetso.

Gétsutsuéô 17:8

Gényamanyama gegé gémadônga ivô n’atsatsee gésadôngadô. Gémakusa gô éduku éamongodi gémakea gôébungana. Asi tsinane nyetso ane ahsaba na mina maô mamatendu v’ebandô atsina n’oba gô môganda amonyo, ahngatsapéô veenahngô Gényamanyama. Gôébégô sangô gémadônga va mbeego na gémabungana na géngatsutsuga.

Gétsutsuéô 4:11

Ah Kumu asô. Ah Nzambé asô. Ondé kuanakue gôéétsô géneega setso, n’okumakee wetso na ngudi yetso. Te éwe ômavanga éetso. Eetso émavangôni na éetso édôngani na éndé na monyo te gamanyôngéô éwe mbe ébaké te nane.