Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ephésiens 3:7 - New Testament in Mitsogo

7 Me Paul namakou, naka môtsuayi aTsangô Eamôsôba gô ngeba yaNzambé. Nameetsô n’edi gésooge géne gôéyanza gô ngudi yedi.

အခန်းကိုကြည့်ပါ။ ကော်ပီ




Ephésiens 3:7
22 ပူးပေါင်းရင်းမြစ်များ  

Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.


Nzambé amasingéa me mbe nasevou na nakudégu na Jésus gômbe angô anganeegedu. Gésooge sami te gôéweseda na gôndé Nzambé oma ahndé gô tsengeye yetso mbe eetsé Jésus mitéma miaô gémôtsumé paga, na agobédé angô.


Me Paul nanôongo ndongi yedi gô ngudi yamôgôô ômeetsô me na Nzambé gô ngeba yedi. Nômbiaba na nyemo gôéba n’etasa mbe: Me te môma môvôni. Môma na môma abangôé mbe ôkanee wedi te ngudiye dimeetsô angô na Nzambé gôémôétsa môtémee wetso gémôtsumé paga.


Amasevoa me gôéba môyanzi aJésus-Christ gôndé ane asaba Ajuif. Eyanzee éami te gôénigôa ane asaba Ajuif Tsangô Eamôsôba émaviga gôndé Nzambé. Nayanza gameenda môdeekedi adigondoku. Nadeekeda ane asaba Ajuif ôbiia na gôndé Nzambé. Gô ngudi yaGédidi sedi, Nzambé asinga ôgondokue ône.


Veenanye me deo noo, me nandé nane te gô mate meetsô me na Nzambé. Mate medi mamayanza gôndé me na ngudi dipôni. Eenakani, éne éyanzéa me Nzambé éôtéa n’ene éyanza akasô muetso. Ivô kaka me, te mateme maNzambé mane.


Beendani me ?ône atetu mbe Apollos indaa? ?Na ône atetu mbe Paul indaa? ?Apollos na Paul kaka ayanzi aNzambé‐a? We tôndé ti ayanzi aNzambé na gô ngudi yameekédume mamanôékéda we, anye nômagésangana môtémovo na Nzambé. We eekédi tômayanza te éne émeetsô we na Kumu gôéyanza.


Te Amuene Nzambé amatôkoa tôka ayanzi edi eevamba éamanza éawene mônongo évambéda Christ. Evambee éamanza éne ésasipa na mige mimatenduni, ivô ésipa na Gédidi SaNzambé. Mige mimatenduni mibuéda ôwa na gôndé oma. Gédidi SaNzambé géétsa oma monyo.


Te amuene Nzambé asaba na ninga, ameetsa we eekédi éyanzee éndé n’asô. T’ebandô mitéma miasô misanika gévii.


Gôébégô Nzambé amanyôngéô mbe me natômu na Jésus gôéékéda ane ahsaba Ajuif. Na amanyôngéô mbe Pierre atômu na Jésus gôéékéda Ajuif.


Na mbe nôngeena ngudi yedi dimootéani disaba n’okana dindéké deo noo gôndé wa n’anyô tôsatsuma angô paga. Ngudiye yaNzambé dine,


Nômani éôkô gameetsô me na Nzambé gésooge gôénôyanzéa.


Ondômbee wetso ôbaké gôndé Nzambé. Gô ngudi yedi dipôni diyanza gô mitéma miasô n’anyô, angô eenda éne étônyôngéôni, na étôvakani na étôdukani. Na akôndéga na éene ésatômenya édukani.


Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.


Te gô ngudi yedi mbe éeme éetso éotô éwanya na ngee. Na mbe diôngôye yetso disapengana na dioodo gôéwanyéda ôtôe wetso ékenge. Okô géeme na géeme géndé na éedi éyanza, ôtôe wetso ôngavunda na ôngoongôga na vitoo.


Gôémangôa éyanzee éne, nagényôga ti na ngudi yetso dipôni diitsô me na Christ na diduméda gôndé me.


Na gôndéké na yene ébégô ésatsika we ékuméda Nzambé gôndé anye. Vameekéda we anye Matendeo MaNzambé, nômookéô mangô na nômasinga mangô, ti pidi mbe ôgi aNzambé, kaka mavovia mamôma. Na mandéké te ôgi aNzambé. T’ebandô mandé na ngudi gô mitéma mianyô nosamatsuma paga.


Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ