Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ephésiens 3:17 - New Testament in Mitsogo

17 Naduka angô mbe Christ adige gô mitéma mianyô vandé anye gébé na paga gôndé angô. Naduka dôta Nzambé mbe anye nôngaba ga géétété gémasuenea mitambamie na gô tsina mbe n’anye nôngasuenea gôésipa gô étondo éaNzambé. Namôduka mbe

အခန်းကိုကြည့်ပါ။ ကော်ပီ




Ephésiens 3:17
24 ပူးပေါင်းရင်းမြစ်များ  

Ivô vamatsiga ômandee, mibeendimie mimasinégéa. Gôsitibéké totone, ngangiye gébé na meba, mibeendimie mimawa.


Ahndé ga môma amasaa eba. Amasiga ngu na gô totene éamataé gôékônza ôbôgee. Géningôge gémaviga na mebame mamaguua totone. Na eba ôsipupé gômasaaô angô gô ngongo obobo.


Asi tsengene asangagédiia gôébégô asaba na ngudi yegéena na asangoongôa égémenya. Géé anye, nôngagémenya gôébégô sangô, Gédidi gétsutsuéda mabégô mapie géngaba n’anyô na géngadigaa gô mitéma mianyô.


Jésus amanigôa mbe: Okô môma anyôngéyiô me angagobeda éne évovo me. Téta angamônyôngéô. Vane wa na Téta tôngaviga na gôndé angô gôédigaa gô môtémedi.


Me nandé gôndé ahngô. Ewe ôndé gôndé me. Vane gô évambee éne éavitoo, asi tsengene angeena na vede mbe te éwe ômatôma me na éwe ônyôngéô omee woo ganyôngéô éwe me.


One angaaka ôtôe wami na anganyuaka nzina yami andéké monyovo n’ami. Me dôta nandé monyovo n’edi.


Tôsangabômédu n’ene étôténdédani gôébégô Nzambé amatôétsa Gédidi sedi. Na te sangô gétsuéa wa n’anyô étondo éaNzambé gôékuya éangô gô mitéma miasô n’anyô.


Me Paul namagaaba mibiemie gô tsina. Apollos amamiitéa meba. Nzambé amuene amamikandéda.


Tôtaséni ébégô éanyama dimadeekedu mbumba. Na gô pie nôvovo muetso mbe: Me tsabômu mangô. Ivô éodoe éne te éanyemôga. Tambô tôbaké na vitoo gô étondo. Te étondoe étôweseda gôémenya mabégô maNzambé na gétsumé paga gô mangô.


Vasani gô mitémamie na kanégani anyene ôkô mbe nôndé kuanakue gô mane manyôngéô Nzambé gô nzéane éedi émeetsanye mitémamie. ?Anye nôôkô mbe Jésus andéké gô mitéma mianyô‐a? ?Na ngudi yedi dindé wangô‐a? Vakanéga anye mitémamie mianyô? ?nôéna mbe nôndé na gô pie oma aChrist‐a?


?Eba ôkumédu Nzambé ôngavamba na mbumba ditoko Nzambé nayee? Gôébégô wa n’anyô tôndéké eba aNzambé ône ôdôngani. Amuene Nzambé amavovo mbe: Nandé n’ebami, nadigaa va gatse omami. Me te Nzambé éaô, ahngô dôta te anami.


Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.


Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.


Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.


Gôndé omedi Nzambé amanyôngéô éamenyeda étasee éedi éndé évôni na éôtéa n’okitie wetso na ôndômbee wetso. Amakônza éangô gôndé mongo metso mava tsina. Nôéni éne ésinigôganéôkôni na mbeego te éangô édué. Amuene Jésus‐Christ andéké gô mitéma mianyô na anônôtôa buétsé éndé n’anyô mbe nôsangadôtsuma paga gô mabégô mondômba aNzambé ôténdédanye.


Bakani gôndé angô gandé géétété gésipédu na mitamba miedi gô tsina. Oongôgani na diiani monyoe wanyô gôndé Christ gadiia géétété ône wedi gô mitambamie miedi. Odoni gô mabégô metso maNzambé mameekédu anye masitsumé anye paga. Singani mbe kumane éaNzambé ébunduga gô mitéma mianyô.


Na wa n’anyô tôsabômu étondo éndé na Nzambé gôndé wa n’anyô tôsatsuma étondoe éedi paga. Nzambé te Kumu éetondo. One adigaa gô étondo éedi andé môvo na Nzambé, na Nzambé andé môvo n’edi.


Gôndé anye anami nôndé ana aNzambé ag’ôbôtu, nômani édiia gô ébadie égenya anye n’eekédi adiboe. Nômediia gôébégô Gédidige géndé gô mitéma mianyô géôtéa ngudi na géne géndéké gôndé oma atsengene.


Oôkôni édué. Me nandé môtie v’ombaa nabôkéda. Okô môma ookiô ôgie wami akukuéa me, me neengéa gôndé angô. Wa n’edi tôngaa vavo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ