Ephésiens 3:1 - New Testament in Mitsogo

¹ Me Paul nandé gô eba atsôgôô gô ina aJésus‐Christ, gômeekéda me mbe anye nôsaba Ajuif nôndé nômagésu eba ôvo n’Ajuif. Me nasambéda Nzambé.

Ephésiens 3:1 ပူးပေါင်းရင်းမြစ်များ

LUC TSANGO EAMOSOBA EMATENDA 21:12

Ivô magébôme mane n’egébuéaka, anye nôngapanga ékuanô. Nôngatsôpu, na nôngakedu na gôndé ane atômani, buéyé mbe gô eba agéwanyéô, buéyé mbe gô eba atsôgôô. Nôngatemedu va mbene oma avôni na ane atômani gôébégô éainami.

Mayanzame 21:33

Môtômine amawesea na gôndé Paul. Amamôtsôpéda. Amamôkatéda ésengo ébaé. Ameevôa oma mbe: ?Odôô ndaa? ?Eendi nayee?

Mayanzame 23:18

Môgode amakea na muakadine aPaul na gôndé môtômine. Angô mbe: Paul, ône andé gô tsôgôô ôdôô, eendi me mbe: Kea na muanee amônzambu ôdôô na gôndé môtômine. Andé n’ebégô gôémôbeenda.

Mayanzame 26:29

Paul amavovo n’edi mbe: Me naduka Nzambé mbe buéyé mbe deo noo, buéyé mbe gô mbene, ôngeetsa Jésus môtémee. Ivô kaka éwe môtévo, te na muetso ôôkiô éne évovi me deo noo, nôngakoga gamakoga me. Nanyôngéô mbe anye nôbaké gandé me gô mabégô metso, buétsé te gô ésengo édué.

Mayanzame 9:15

Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.

II Corinthiens 1:6

Menyani mbe ébandôe éamagugame matôenani te mbe tôngasumédu mitémamie na tôngeetsô géobogeo na amuene Christ. Okô mbe we eekédie tômogedu na Nzambé gôésumédu mitémamie, te mbe we tônganômogeda dôta na anye nôngasipa na ôbibô na môvinéné gô magugame manyô, te mavo na mane meena we éva.

II Corinthiens 10:1

Me Paul nanôgondo mbe kokooni yanye, ôôkôni éne énganônigôa me. Avo nôvovo mbe vadigaa Paul vandé we éva andé ti môsiki edi na gétabé. Ivô ti mane makudégangô andé gôdagôda te matsakiméda môtéma amôma. Me Paul nanôgondo gô ngeba na gô divooti yamuene Christ mbe

II Corinthiens 11:23

?Ahngô te ayanzi aNzambé‐a? Oôkôni édué, navovo ga môma amadinga g’ôtsôga. Me nootéa ahngô gôéyanzéa Nzambé. Namootéa éyanza n’ahngô asiyanzé. Kuka yetso namabaka gô eba atsôgôô gôékéda me mabégô maNzambé, n’ahngô asiengé. Namabômôu kuka yetso, n’ahngô asibômôu. Kuka diyekani namavétsu n’owa, n’ahngô asivétsu n’owa.

Galatie 5:11

Ivô gôndé me, ana aTéta asi mbumu éaNzambé, ôkô me neekéda mbe buedi mbe nôgeetu ?tambô akasô agékuanaka me gôndé? Okô éébé mbe te nane, tambô mane meekéda me maJésus‐Christ amakomedu va gésumu sowa masangadôduméda môtéma amôma.

Galatie 5:2

Oôkôni édué. Me Paul nanôbeenda mbe ôkô nôsingi mbe nôgeetu, tsoongone yanyô kaka Christ.

Galatie 5:24

Ane andé na vitoo na Jésus‐Christ ameeséda anguene gôésiséda mitéma mimabôtu n’ahngô, na tsôvéye yetso dibévani na manyima metso mabévani.

Ephésiens 3:11

Agésa ahngô gamanyôngéô Nzambé v’ebandô na gamakônzangô gô ngudi yaKumu asô n’anyô Jésus‐Christ.

Ephésiens 3:13

T’ebandô me Paul nanôbeenda mbe nômbianika gévii, tsangô mbe neena maguga gôndé anye. Magugame meena me te ôndômbee wanyô, tambô tsôkéakani.

Ephésiens 3:8

Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.

Ephésiens 4:1

Me Paul nandé môsi eba atsôgôô gôyanzéa me Kumu Jésus. Nanôtôma mbe kiakani mitie mônongovo gamanyôngéô Nzambé vamabambéa angô anye gôékea n’edi géômbé gévo gô nzéane yedi.

Ephésiens 6:20

Me te gékambi saNzambé gô Tsangô Eamôsôba buéyé mbe nandé gô eba atsôgôô. Sambédani mbe nangaba na ngudi gôénigôa Tsangône na bôkédé ganyôngéô Nzambé.

Philippiens 1:7

Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo.

Colosses 1:24

Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

Colosses 4:18

Mabégô mema mamôyusumédu namatenda na misavi miami memuene mbe: Oô te me Paul. Nômbieeba mbe nandé te gô eba atsôgôô. Te mbe mate maNzambé mabaké gôndé anye.

Colosses 4:3

Vandé anye gôévovo na Nzambé, tetani mina masô gômbe Nzambé angatôkônzéa ndéô yakuanakue gôéékéda Mane Mama vovo angô kuku yetso. Tônyôngéô énigôa mane maChrist masinigôgéôkô oma. Nandé gô tsôgôô te gô mabégôme masinigôganéôni mane.

II Timothée 1:16

Naduka Kumu Nzambé mbe eetsa mate medi gôndé géômbé saOnésiphore gôébégô akasôgéda me kuka yetso. Buéyé gandé me gô eba atsôgôô, asiôkô tsoyi gôévamba na me.

II Timothée 1:8

Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

Philémon 1:1

Oô te me Paul, nandé gô eba atsôgôô gô mabégô metso maJésus‐Christ. Wa na muana aTétee n’asô n’anyô agô mbumu éaNzambé, Timothée tôgôtendéa. Tôgôtendéa Philémon, ôndéké na vitoo n’asô gô éyanzee édué.

Philémon 1:23

Epaphras andé n’ami gô eba atsôgôô gôyanzéa we Jésus‐Christ. Agôkômbôa.

Philémon 1:9

Nagôvooto te vootogo mbe: Ongeenda ébégôe te gô étondoe éndé n’ewe. Te me Paul navovoni, me te pene éoo. Na va ngongone vane, me te ône andé gô eba atsôgôô gô ina aJésus‐Christ.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.