Ephésiens 2:8 - New Testament in Mitsogo

⁸ Nômoobou te gô ngeba dimeenanô anye na Nzambé vameetsanye angô mitémamie gémôtsumé paga. Géôbogeoge géne gésibandôé n’anye. Nômagéétsô na Nzambé géenza.

Ephésiens 2:8 ပူးပေါင်းရင်းမြစ်များ

Matthieu 16:17

Jésus amanigôa angô mbe: Ti gô gényônga géndé na éwe Simon muana aJean gôébégô éne éapie ésupuyi éwe. Osibeendu éangô na môma. Otsigédiô éangô te na Téta, ône andé g’ôba.

Matthieu 20:9

Ane ameengéa gô éyanzee na dikoo amaviga na ameetsô môma na môma abi ôvo ôvo adode.

Marc 16:16

One eetsa môtémedi na eetsô bateme, te angô angoobouni. Ivô ône aseetsa môtémedi angeesédu na g’ôwa.

LUC TSANGO EAMOSOBA EMATENDA 7:50

Na Jésus amoomba évovo na môgeto nône mbe: Kiaka na gétabé. Mabégô moo mabévani masingéô kokoo gôsitsuma éwe ngudi yami paga.

Jean 3:36

One eetsa môtémedi wetso na gôndé Jésus, Muana ANzambé, andé na monyo amôbô na môbô. One aseetsa môtémedi wetso na gôndé Jésus asaba na monyoe ône ta na pesu na Nzambé amôena ôpisa.

Jean 4:10

Jésus amamônigôa mbe: Mbe ômenyiki éne éndé na Nzambé gôégôétsa, na mbe ômenyiki ône agôduki meba manyuakaga, éwe mbe te ômôdukini. Angô mbe te agôétsi meba meetsa monyo.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Jean 6:35

Jésus amapandôéda angô mbe: Me te môpemba ôétsa môma monyo. One aviga na gôndé me asangadôôkô nzaa. One eetsa me môtémedi asangadôôkô sôé.

Jean 6:37

Muetso eetsô me na Téta Nzambé aviga na gôndé me, tsangamôpatsa na gô mbadi ivô angeengéa na gôndé me.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

Jean 6:44

Gôsaba môma oongôa éviga na gôndé me buétsé te Téta ône amatôma me, amôweseda gôésinga me. Me dôta gô nyee amôyusumédu nangamôkundua g’ôwa.

Jean 6:65

Jésus amoomba énigôa mbe: Nôeni ébandôe évovi me mbe gôsaba môma oongôa éwesea gôésinga me, amuene Nzambé gémôétsé tsôvé gôéwesea.

Mayanzame 14:27

Vamatsigahngô gô Antioche, amakôkanganéda asi mbumu éaNzambé muetso gôéahnigôa mane mamayanza Nzambé n’ahngô. Amanigôa gamakukua Nzambé ômbee gôndé ane asaba Ajuif gômbe eengéa muetso na gô Mabégô medi gémôtsumédô paga.

Mayanzame 15:11

Wa n’anyô tôsabômu mbe tômoobou te gô ngeba dimatôenanô na Kumu Jésus. Na Jésus ameena akasô ngeba te mônongovo.

Mayanzame 16:14

Va gatse aô tômadenga môgeto môvo inedi Lydie. Angô te môsi mbôka ééndô mbe Thyatire. Na angô te môyôkô amikanda miatsoo miosunu ôvôni. Amaneegedaka Kumu Nzambé. Amookô mane mamavovo we eekédie. Gédidi SaNzambé gémamôkukua môtémee gôévotanganô mane mamavovo Paul.

Mayanzame 16:31

Ahmamôaabéa mbe: Itsa môtémoo wetso na gôndé Kumu Jésus gémôtsumé paga, na vane ôngoobou éwe na asi eboo muetso.

Romains 10:14

?Nayee angamôbambéa, gône atsuma angô paga¿ Angeetsangô mitéma miaô madeo ahsiôkô inedi, nayee¿ Angookô ahngô gébé na môma atsua angô tsangône gôémônigôa, nayee?

Romains 10:17

Ekegea te nane. Môma eetsa môtémedi gétsumé Nzambé paga te gôôkô angô mane meekéduni. Mane meekéduni dôta te mangô mapandôéda mane mamavovo Jésus-Christ.

Romains 4:16

Endé te nane. Nzambé amavanga mbe: Mate mami neetsa ôbiia gôndé ane eetsa me mitéma miaô gétsumé me paga. Ovangee ône ôndé na tsoongo gôndé ana aAbraham muetso. Ane agobeda mige miaNzambé n’ane eetsa Nzambé mitéma miaô gameetsa Abraham ône wedi gébé na paga. Abraham te tétene éasô n’anyô muetso.

Romains 4:5

Endé te nane va gatse amôma na Nzambé. Môtsundu aNzambé ôsapengana gôndé wa n’anyô abévie. Okô môma géyanzé ébégô éamôsôba, eetsa Nzambé môtémedi wetso gémôtsumé paga. Nzambé eena môtémedi ôsaba na paga na amôénda mbe: môma etsimama agébé n’oési.

Romains 9:16

Tambô Nzambé asabono ényapa éamôma na mayanza medi, ivô amuene asevoa gô ngeba yedi ône anyôngéô angô mbe amôena ngeba.

Galatie 3:14

Emabaka te nane gôndé Jésus gômbe mate mameetsa Nzambé Abraham, mangeetsô dôta gô ngudi yaJésus‐Christ gôndé ane asaba gô éongo éAjuif. Na gômbe vasatsuma wa n’anyô ngudi yaNzambé paga gôémôétsa mitémamie, atôétsa Gédidi sedi gamavangangô.

Galatie 3:22

Ivô Matendeo MaNzambé matônigôa mbe: Tsinane nyetso éndé gô tsina éangudi yamabégô mabévani, buta mbe ôvanga ôngadugédu gôndé ane eetsa Jésus‐Christ mitéma miaô gébé na paga.

Ephésiens 1:19

Na mbe nôngeena ngudi yedi dimootéani disaba n’okana dindéké deo noo gôndé wa n’anyô tôsatsuma angô paga. Ngudiye yaNzambé dine,

Ephésiens 2:10

Gôébégô tômavangô na Nzambé na tômakou gômatôvamba na Jésus‐Christ gômbe tôngaba na monyo ômadugani na mayanza mamisôba. Amuene amatôkônzéa mayanzame mane mbe tôngeenda mangô.

Ephésiens 2:5

Vamabaka édidi éasô n’anyô égébaka gô évitsi éowa gôébégô éamabégô masô n’anyô mabévani, Nzambé gô étondo éedi amakundua we gôéba deo noo monyovo na Christ. Tômoobou te gô ngeba ditôenanô na Nzambé.

Philippiens 1:29

Bangôani mbe Nzambé amatôétsa ébégô évôni ôbiia, te gôéyanzéa Jésus‐Christ. Tômamôyanzéa gô minongo mibaé. Oô mônongo te gôémôétsa mitémamie gébé na paga. Oô mônongo dôta, te gôétubédu gékuanô gô inedi.

Colosses 2:12

Endé te nane. Gô bateme émeenôô anye, nômagunyu ngii épo na Christ, na nômakunduu gékundugéô gévo n’edi. Endé nane gôébégô nôsitsumé ngudi yaNzambé paga, dine dimakundua Jésus g’ôwa.

II Thessaloniciens 1:9

Gésisédéôge géngeetsô ahngô te gébunganéô gésakôdéakani géngadigaahngô gôdagôda na Kumu. Asangavamba na ngudi yedi. Asangeena ôbébayi ôtubéda ôndômba aNzambé.

Hébreux 6:4

?Gôndé ane anika ngima na gô midigédi miaô mibévani miambeego mimabakangô ékegea nayee? Vamapanga amasinga gévede saNzambé gédigaa gôndé angô. Ene émeetsô wa n’anyô na Nzambé ameebémba na amavamba na Gédidi SaNzambé.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.