Ephésiens 2:6 - New Testament in Mitsogo

⁶ Gô vitoone éndé n’asô n’anyô na Jésus‐Christ, Nzambé amatôkundua g’ôwa gômbe tôndé ôtômu ôvo na Christ. Na tôndé digaa n’edi gô ényanga éag’ôba.

Ephésiens 2:6 ပူးပေါင်းရင်းမြစ်များ

Matthieu 26:29

Me nanôbeenda na gô pie mbe me tsangadônyuadô mebame mamiônda éma ngu na vangoomba wa n’anyô émanyua gô tsenge éaTéta g’ôba.

LUC TSANGO EAMOSOBA EMATENDA 12:37

Ti gô gényônga géndé na ayanzie ane adenganiô na kumu aô andé misiki gébé gô vio. Nanôbeenda na gô pie mbe amuene kumu eyanzee angakoga môyanzi. Angadigéda ayanzie va tabudé gôéétsa ahngô môyakô.

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Jean 14:3

Vangakea me na vangakônzéa me anye tungu nanganika. Nanganôbongo gômbe gôngaba me, n’anye dôta nôngaba wangô.

Ephésiens 1:1

O te me Paul namasevou na Nzambé na namatômu na Jésus‐Christ gôétsua tsangô éedi. Nanôtendéa, anye asi mbumu éaNzambé nôndé gô Ephèse. Anye nôsitatôané gô vitoone éndé n’anye na Jésus‐Christ.

Ephésiens 1:3

Tôkumédéni Nzambé Tétene éaKumu asô n’anyô Jésus‐Christ. Nzambé aagéda mate medi mag’ôba, te mane maGédidi sedi na gôndé wa n’anyô, gômatôvamba évambevo na Christ.

Ephésiens 2:10

Gôébégô tômavangô na Nzambé na tômakou gômatôvamba na Jésus‐Christ gômbe tôngaba na monyo ômadugani na mayanza mamisôba. Amuene amatôkônzéa mayanzame mane mbe tôngeenda mangô.

Ephésiens 2:13

Anye nômatongoniaka na Nzambé, nôka deo noo évambevo na Jésus‐Christ. Gô ngudi yowa aChrist nômawesedu na gôndé Nzambé.

Colosses 1:18

Gô mbumu éaNzambé, Christ te ébandô na môtsé ôtômani. Asi mbumu éedi te ôtô ôtômuni. Monyoe waô awene mônongo ôbandôa te na Christ. Angô te Muana ANzambé akuua. Angô te mapangame meekunduu g’ôwa. Te éne ébeenda mbe gô mabégô metso angô te mômbenee.