Ephésiens 2:5 - New Testament in Mitsogo

⁵ Vamabaka édidi éasô n’anyô égébaka gô évitsi éowa gôébégô éamabégô masô n’anyô mabévani, Nzambé gô étondo éedi amakundua we gôéba deo noo monyovo na Christ. Tômoobou te gô ngeba ditôenanô na Nzambé.

Ephésiens 2:5 ပူးပေါင်းရင်းမြစ်များ

LUC TSANGO EAMOSOBA EMATENDA 15:24

?Nôsamenya mbe muanami ôdôô abaki mônongovo ga môma amawani na aniki gôéba na monyo-a? Amadimbanaka na atsutsugi. Na amaba na môambô ôvôni agényônga.

Jean 5:21

Mônongovo gakundua Tétee ane amawani, na Muanee te mônongovo. Angô eetsa monyo gôndé ane anyôngéô angô éétsa.

Jean 6:63

Géne géétsa monyo te Gédidige SaNzambé. Otôe ôsaba na tsoongo. Mane mabeendi me anye maviga gôndé Gédidi SaNzambé na meetsa oma monyo.

Mayanzame 15:11

Wa n’anyô tôsabômu mbe tômoobou te gô ngeba dimatôenanô na Kumu Jésus. Na Jésus ameena akasô ngeba te mônongovo.

Romains 16:20

Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga. Te mbe mate maKumu éasô nanyô Jésus mabaké gôndé anye.

Romains 3:24

Ivô Nzambé gô ngeba yedi atsimaméda oma te ôbiia, gô ngudi yaJésus-Christ, Mooboyi oma.

Romains 4:16

Endé te nane. Nzambé amavanga mbe: Mate mami neetsa ôbiia gôndé ane eetsa me mitéma miaô gétsumé me paga. Ovangee ône ôndé na tsoongo gôndé ana aAbraham muetso. Ane agobeda mige miaNzambé n’ane eetsa Nzambé mitéma miaô gameetsa Abraham ône wedi gébé na paga. Abraham te tétene éasô n’anyô muetso.

Romains 5:10

Vamabaka wa n’anyô tôgébaka adudeo aNzambé, ôwa aJésus ômatôvambéda na Nzambé. Tambô na ndéône edué éka wa n’anyô évambevo na Nzambé, monyo aJésus ôndé gô mitéma misaô n’anyô ôtôôboo.

Romains 5:6

Ekegea te nane. Vamabaka wa n’anyô tôgébaka gébé na ngudi. Christ amaviga gô ndéône émasavoa Nzambé. Gô ndéône éopôpéa asô n’anyô amawa gôndé wa n’anyô abévie muetso.

Romains 5:8

Ivô Jésus-Christ amasinga éwa gôndé wa n’anyô tômabaka tôgébaka abévie. Tôéna étondo éena Nzambé gôndé wa n’anyô oma te gô éne.

Romains 8:2

Gôébégô ôtômu aGédidi SaNzambé, géne gétôvambéda monyovo na Jésus-Christ, gémayuua me g’ôtômu amabégô mabévani na g’ôtômu owa.

Ephésiens 2:1

Va mbeego édidi éanyô émabaka gô évitsi ti eembe émawa gôébégô adiési yanyô na ébévee éanyô.

Ephésiens 2:8

Nômoobou te gô ngeba dimeenanô anye na Nzambé vameetsanye angô mitémamie gémôtsumé paga. Géôbogeoge géne gésibandôé n’anye. Nômagéétsô na Nzambé géenza.

Ephésiens 5:14

Ene étsutsuu gô évitsi na gô gévede, ékoga éka éagévede. T’ebandô tôôkô mbe’ Timôgaka éwe ôebogani Kunduga va gatse ane amawani Amuene Christ angagôtanédéa gévede sedi.

Colosses 2:13

Va mbeego gôsikiné anye manyima mabévani mayôtôye yanyô na nôsimenye évamba na Nzambé mitéma mianyô mimabaka g’oma amawani. Géé deo noo, Nzambé amatôsingéa kokoo gô mabégô masô n’anyô mabévani metso. Na amakundua anye gôéba monyovo na Christ.

Tite 2:11

Menya mbe Nzambé amatsutsuéda ngeba yedi gôéoboo oma muetso.

Tite 3:5

Amooboo wa n’anyô. Asatôoboo gô ngudi yamayanza n’esima éasô n’anyô, gôébégô éangô ésinyepeke. Amatôoboo te ti gô dimeenangô wa n’anyô. Amatôoboo gô gégôgédéô samitéma miasô n’anyô gématôôvôu na Gédidi SaNzambé. Gégôgédéôge géné te géné gétôbôtu ôbôtu amôbaé, ône aGédidi SaNzambé. Na te géne gétôétsa wene mônongo amonyo, ône amôbô na môbô.

Gétsutsuéô 22:21

Te mbe mate maKumu Jésus mabaké gôndé muetso.