Ephésiens 2:3 - New Testament in Mitsogo

³ Wa n’anyô muetso tômabaka gandé ane akékôani. Tômadigaa gadigaahngô gôédugéda manyima mabévani mamabôtu na yôtô yasô n’anyô. Tômayanza mane mamatômu we na yôtô yasô n’anyô na édidi éasô n’anyô éasagô. Vamabaka we tôgébaka gamabôtu we, tômabaka gô tsina opisa aNzambé gôésisédu n’edi gandé akasô, ane agébaka wangô.

Ephésiens 2:3 ပူးပေါင်းရင်းမြစ်များ

Marc 4:19

Ivô matasa maô metso te mikebanganô miava tsina. N’ahngô ahndé n’onzôô okiti na mavo manyima mabévani. Te mabégô mema mayôha Mabégô MaNzambé na makoa mangô maka na sawa na meendô mbe mabégô mabobo.

Jean 1:13

Ana aNzambé ahmabôtu n’edi. Obôtue ône kaka ône anzina, na ône otô, vo ône etondo éamôma gabôtu môma na môma n’edi.

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

Mayanzame 14:16

Va mbeego Nzambé amatsika oma muetso gémôanza gôékea gô nzéaye dimanyôngéô ahngô.

Romains 1:24

T’ebandô Nzambé amatsika oma gémôanza gôéyanza metso mabévani mamanyima mitéma miaô. Ayanza mabégô mabévani matsoyi na yôtô yaô anguene n’anguene.

Romains 11:30

Va mbeego anye nômakina ôgi aNzambé ivô ndéô nedué nôndé nôenanô na Nzambé ngeba gôébégô Ajuif amamôkékôéa.

Romains 13:14

Bandôa gô matambé na gô môtsé tôaatékéni monyo aKumu asô n’anyô Jésus-Christ gatôaata maduani. Nômbiasingana na manyima mabévani mayôtô yasô n’anyô gôédugéda mangô.

Romains 2:14

Gôndé ane asibôtu gô éongo éAjuif na asamenya mitôma na mige mindé n’Ajuif, ivô ahngô akitsa mige mianguene na miangô miwanya na mine miAjuif. Andéké na migemie miakuanakue buéyé mbe misikitsô na Nzambé ga mine miAjuif.

Romains 5:10

Vamabaka wa n’anyô tôgébaka adudeo aNzambé, ôwa aJésus ômatôvambéda na Nzambé. Tambô na ndéône edué éka wa n’anyô évambevo na Nzambé, monyo aJésus ôndé gô mitéma misaô n’anyô ôtôôboo.

Romains 5:9

Gô ngudi yowa aJésus, wa n’anyô tôka gébé n’oési va mbene aNzambé. Na va ngongone vane, atôyuua g’ôpisa aNzambé.

Romains 6:12

Nômbiasinga mbe mabégô mabévani matôma yôtô yanyô. Nômbiagobeda tsôvéyé dibévani ditômu anye na yôtô yanyô.

Romains 7:18

Tsabômu mbe gô môtémami gôsaba ta n’ebégô évo éamôsôba te gôndé me môma ava tsina. Endé te nane. Buéyé mbe nookô tsôvé éamane mamisôba, tsoongôa éénda mangô.

Romains 9:22

?Gô éne éyanza Nzambé tôngamôsemba nayee? Nzambéamabibéda ti bibéda ane agono n’epedee ébônda ôpisedi gô minongo miaô miebungana. Tambô Nzambé andé na mitayi gôétubéda ôpisedi na ngudi yedi gôndé ahngô.

I Corinthiens 4:7

?One amanyepeda éwe mbe ôsaba gandé akoo indaa? ?Kaka Nzambé‐a? Eetso éndé n’ewe te Nzambé ameetsa éwe éangô. Endéké te nane. ?Onganyemôga ômuene gô éne éndé n’ewe nayee? ?Osidiié éangô éetso te ôbiia‐a?

II Corinthiens 7:1

Wee yami, ôvangee ône ômavanga Nzambé mbeego ôndé na ngudi gôndé wa n’anyô deo noo. Tambô tôbaké n’ekena gôébusuga mane mevindô kabaga tômagônga gôébévéda ôtô na gédidi gagônga môma mbéka éambii. Tôadeekedéni wa n’anyôene na gôndé Nzambé gôédigaa monyovo n’edi na gomo gôémôgobeda.

Galatie 3:22

Ivô Matendeo MaNzambé matônigôa mbe: Tsinane nyetso éndé gô tsina éangudi yamabégô mabévani, buta mbe ôvanga ôngadugédu gôndé ane eetsa Jésus‐Christ mitéma miaô gébé na paga.

Ephésiens 2:2

Gô ndéô nene nômagésangana gô ésima na môdigédi asi tsengene. Nômagobeda ône atôma édidie ébévani éangudi éava tsina. One atômani ône, ayanza deo noo gô mitéma miane akékôa ôgi aNzambé.

Ephésiens 4:22

T’ébandô gasasanye mikanda mievindô, sasani dôta mônongo wanyô ambeego ômabôtu n’anye na ômatôma anye gô metso mamayanzanye mbeego. Mônongoe ône ônde na manyima mabôméda môma gôémôkeeda gôébungana.

Colosses 1:21

Va mbeego anye nômabaka gôdagôda na Nzambé gébé n’evamba n’edi. Nômabaka adudeoe wedi gôébégô éamatasa manyô mabévani na mayanza manyô mabévani.

1 Thessaloniciens 4:13

Ana aTétee n’ami tônyôngéô mbe nômenya gakegea ébégôe ane amawani. Vane vangawéô anye nôsangadéa gandé akanyô adéa gébé na éne éténdéda wa n’anyô.

1 Thessaloniciens 5:6

Wa n’anyô tôsoongôa éeboga vio gandé avo oma. Tôndé oma eemba géembémba n’ekenge gébé gô édangi.

I Timothée 6:9

Ivô ane andé na tsôvé édiia ôkitie akuba gô pagô étambéô angô. Akubédu na manyima mabévani mookô ahngô masaba na tsoongo. Na mangô mayavôga ébuéda môma gôébunganéda monyoe wedi ava tsina na buéyé n’one agô mbene.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

I Pierre 1:14

Mônongovo g’ana ookéô ôgi apayi, anye ookéôni Nzambé. Nômbioomba éaanda tsôvé yanyô yava mbeego vamabakanye g’ôdungé.

II Pierre 2:14

Ngéngé yaô dindé mitie gôékea gésasô. Ahndé na vinavina gôéénda mabégô mabévani. Eekédi adiboe akubéda ane asoongôa ésipani. Mitéma miekédi adiboe mimeekaganô n’onzôô adiiaga. Ahngô ahndé gô tsina odoku aNzambé.

II Pierre 2:18

Ahvaka mitangôtangô mianyemo. Ahngô ahbuta ékubéda oma ahkogi n’atsatsee, dipo pagô yeesima ébévani. Ahbuta éakubéda gô manyima mabévani mamôtéma gamabôtu angô.

I Jean 2:16

Eetso éatsengene te mane mabévani manyima môtéma na tsôvé diôkô môma yamane meenanô na miso, na nyemo éokiti atsengene. Metso mane masaviga gôndé Téta Nzambé, maviga te gô tsengene.

I Jean 2:8

Eébéyée nane, te môtôma atsatsee ônôtendéa me. Môtômee ôdôô ôndé ti apie veenanô angô gôndé Christ na gôndé anye. Endé te nane évitsie énôtôga na gévede sapie gétana.