Ephésiens 2:20 - New Testament in Mitsogo

²⁰ N’anye dôta nômani égésu gô eba ôsaaô va ngongo obôga. Obôgee te eekédi amasevou na amatômu na Christ, na te apandôédi amatasa maNzambé. Eengôe ésipa ebee te amuene Jésus‐Christ.

Ephésiens 2:20 ပူးပေါင်းရင်းမြစ်များ

Matthieu 16:18

Me Jésus nagôpandôéda dôta mbe: Inee éoo te Pierre, événdégéô mbe étaé. Gô ngongo oboboe ône me nangasaa eba ôtetu mbe mbumu éami. Buéyé n’owa ôsangaba na ngudi gôébunganéda ebee ône.

Matthieu 21:42

Jésus ameevôa ahngô mbe: Anye madeo nôsitanga gô Matendeo MaNzambé mbe: Etaé émakôngégu n’asaayi eba Te éangô évumbu v’epandaka gôésipa ébee wetso. Nôeni éne te éne émayanza Kumu. Na veena we nane, tôtsôkéa.

I Corinthiens 12:28

Vane tôena mônongovo gamakônza Nzambé mbumune yedi. Amapanga te ane amasevouni na amatômukuni na Jésus. Va ngimaô te apandôédi andongi yedi. Na va ngimaô te eekédi. Na vane te ane atubéda émbégéa éangudi yaNzambé gô mabégô mamisôba manyônganéôni matsapéô môma masoongôa angô énigôa. Va mbene vane te ane andé na ngudi yeedôngéda abeeyi, na ane awedéa akaô, na étômbiatômbia, na ane avovo waanga ôgi ôsiikédu angô.

Galatie 2:9

Jacques na Pierre na Jean te ane ahmapanga étômu na Jésus. Ahsitsumé paga mbe me nameetsô na Nzambé gésaô géndé n’ami egé. Ahmasambanéa na wa na Barnabas. Vane we muetso, asi géômbé gévo tômavanga mbe we avo tôkea gôéékéda ane ahsaba Ajuif na avo ahkea gôéékéda Ajuif.

Ephésiens 3:5

Va mbeego ébégôe éne ésinigôganéô n’oma. Ivô gô ndéô nedué, Nzambé amatsigéda éangô gô ngudi yaGédidi sedi na gôndé ane amatômu na Christ, na dôta gôndé apandôédi amatasa medi.

Colosses 2:7

Bakani gôndé angô gandé géétété gésipédu na mitamba miedi gô tsina. Oongôgani na diiani monyoe wanyô gôndé Christ gadiia géétété ône wedi gô mitambamie miedi. Odoni gô mabégô metso maNzambé mameekédu anye masitsumé anye paga. Singani mbe kumane éaNzambé ébunduga gô mitéma mianyô.

I Pierre 2:6

Matendeo MaNzambé matônigôa mbe: Nôeni, me navumba gô Sion étaé éav’epandaka. Te étaé émasevouni éagéneemba. One eetsa môtémedi gô éangô asangadôbômédu.

Gétsutsuéô 21:14

Môgômbee amôsengee ône ômadigédu gô ngongo obôgee ômasaaô na nzima adibobo na dibobo dibaé. Gô yangô gômatendu nzima amina na mina mabaé maane amasevouni na amatômukuni n’amuene Môpaga Endombo.