Ephésiens 2:2 - New Testament in Mitsogo

² Gô ndéô nene nômagésangana gô ésima na môdigédi asi tsengene. Nômagobeda ône atôma édidie ébévani éangudi éava tsina. One atômani ône, ayanza deo noo gô mitéma miane akékôa ôgi aNzambé.

Ephésiens 2:2 ပူးပေါင်းရင်းမြစ်များ

Matthieu 11:19

Me, Muana Amôma namaviga. Me naa. Me nanyua. Na oma avovo mbe: Bononi angô. Sedi gémba te aakagane, na sedi gémba te nyuakagane. Angô avamba n’abongi adepu n’oma abévani. Na Jésus angô mbe: Ivô éodo éaNzambé éenanô te gô éne éyanzangô na éodo éne.

Matthieu 13:22

Avo te ane ahgono na tungune éndé kavanga. Ahngô ane te ane ookô Mabégô MaNzambé. Ivô matasa maô metso te mikebanganô miava tsina. N’ahngô ahbômédu n’onzôô okiti. Te mabégô mema mayôha Mabégô MaNzambé na makoa mangô maka na sawa na meendô mbe mabégô mabobo.

Matthieu 13:38

Tsagane te tsina nedué. Mibiemie miamisôba te ane agobeda Nzambé. Te asi ôkumu edi. Etutu émakandani ébévani te ane agobeda yabédé.

Marc 4:19

Ivô matasa maô metso te mikebanganô miava tsina. N’ahngô ahndé n’onzôô okiti na mavo manyima mabévani. Te mabégô mema mayôha Mabégô MaNzambé na makoa mangô maka na sawa na meendô mbe mabégô mabobo.

LUC TSANGO EAMOSOBA EMATENDA 16:8

Buéyé gamabaka angô môyanzi môbévani, kooko edi amamôsénga te séngaga gô mangônzôme medi. Asi tsenge nedué, ane adigaa gô évitsi ootéa éyanza na mangônzô anguene n’anguene. Géé ane adigaa gô gévede asamenya mane.

LUC TSANGO EAMOSOBA EMATENDA 22:31

Kumu Jésus ameenda mbe: Simon, Simon. Satan aduki me éwe gôéginya éwe mônongovo gaginyô géétété na gékunga gôébôkôa sangô.

Jean 12:31

Ndéône éetsundéda asi tsengene ébuéyi. Ndéône éepatsa kumu atsenge nedué ébuéyi.

Jean 13:2

Jésus n’aneengi edi amaba va tabudé gôéaa. Yabédé amamana éétsa Judas Iscariote, muana aSimon étasa mbe akabé Jésus.

Jean 13:27

Vamedeka Judas gébéndékége géne, Satan ameengéa gô môtémedi. Jésus amavovo n’edi mbe: Ene éndé n’ewe gôéénda, suméaka indaga.

Jean 14:30

Tsangadôvovo mayekani n’anye. Tsesune, ône atôma tsinane avigi. Otômue wedi ôsatôma me.

Jean 15:19

Anye mbe nôndé n’evamba na tsengene, asi tsengene mbe asanganôvinga gôndé anye géengi gévo n’ahngô. Géé anye nômasevou n’ami, namanôtatôa gôndé asi tsengene, nôsabadô gééngi gévo n’ahngô. T’ebandô anôvinga.

Jean 16:11

Angamenyeda oma ébégô éamôtsundu aNzambé gôébégô môtômi atsenge nedué amani éesédu.

Jean 7:7

Oma ava tsina asoongôa évinga anye. Ivô ahvinga te me. Gôébégô napandôéda ahngô mbe ésimee ééndahngô ésanyepa.

Jean 8:23

Jésus amasupua ahngô mbe: Wa n’anyô tôsaba mônongovo. Ebandôe éanyô te gô tsenge nedué. Géé me, ébandôe éami, te gô tsenge éag’ôba. Anye nôndé asi tsengene. Géé me, kaka môsi tsengene.

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

Mayanzame 19:35

N’egékôdéaka, môtômi amôsenge amatema môtie. Amagogo éahdékéda na vane oma amabandôa étugua yôgiye. Môtômine amavovo mbe: Anye asi Ephèse. Muetso andé gô tsinane asabômu mbe môsengee asô n’anyô te môsenge ôndé eba ôvôni ôngeegedu mbumbane éasô n’anyô ééndô mbe Artémis. Gégoni sedi gémaaga g’ôba géndéké gô môsenge asô n’anyô, Ephèse.

Mayanzame 5:3

Pierre amavovo n’edi mbe: ?Ewe Ananias ôsingi Satan atôma môtémoo gôépatéa Gédidi SaNzambé nayee? ?Osuégi ôvo ôkabô adode dimakusa gô tsaga yanyô nayee?

Romains 12:2

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

I Corinthiens 5:10

Me tsivovo nane mbe nôgônga oma muetso va kôbangô, ahngô asi tsengene asavamba na Nzambé. Muetso ane te akeyi agésasô, na asi onzôô okitie, na eesui, n’agobedi ambumba yegoni. ?Ti gôégônga ahngô nôngakédigaa gôni? Buétsé te nônôtôga gô tsenge nedué.

I Corinthiens 6:11

Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.

II Corinthiens 4:4

Asangoongôa ésinga mangô gôébégô Môtômine môbévani atsinane édué amakukéga yôkiia yamitéma miaô n’okutue. Te Môtômine ône iméda ahngô misome mbe kabaga eena gévedege gétanédu na Tsangô Eamôsôba étôtubéda ôndômba ôndé na Jésus‐Christ. Na étônigôa mbe Jésus te gégoni saNzambé.

Galatie 1:4

Christ amaadeekeda amuene ngu na g’ôwa gô ébévee éasô n’anyô. Te gôétôoboo na gôétôkuséda g’ôvéga ômatômuku we na tsinane éadeo noo édué éndé émayôa na mabégô mabévani. Te éne émanyôngéô Tetasô n’anyô Nzambé.

Ephésiens 1:21

Gône Christ, ône amasevouni, amadigédu gô ngongo aditômuye yetso, na ényangee éetso na ngudiye yetso na ôkumaka wetso. Na andé va ngongo aminame metso mangoongôa môma éteta, mane magô tsenge nedué na mane magô tsenge évigani.

Ephésiens 2:11

Me Paul navovo n’anye nôsibôtu gô éongo éAjuif. Te anye nôtetu n’Ajuif mbe: nôndé te ane asigeetuni, na anguene te ane amageetuni. Avovo nane te gô gémbégéa gékitsô gô yôtô yaô. Bangôani anyene éne émabakanye mbeego.

Ephésiens 2:13

Anye nômatongoniaka na Nzambé, nôka deo noo évambevo na Jésus‐Christ. Gô ngudi yowa aChrist nômawesedu na gôndé Nzambé.

Ephésiens 2:3

Wa n’anyô muetso tômabaka gandé ane akékôani. Tômadigaa gadigaahngô gôédugéda manyima mabévani mamabôtu na yôtô yasô n’anyô. Tômayanza mane mamatômu we na yôtô yasô n’anyô na édidi éasô n’anyô éasagô. Vamabaka we tôgébaka gamabôtu we, tômabaka gô tsina opisa aNzambé gôésisédu n’edi gandé akasô, ane agébaka wangô.

Ephésiens 4:17

Oôkôni éne énôbeenda me gô ina aKumu Jésus. Me mbe nômbiadigaadô ga oma asamenya Nzambé. Mane manyôngéô omeaa masaba na tsoongo.

Ephésiens 4:22

T’ébandô gasasanye mikanda mievindô, sasani dôta mônongo wanyô ambeego ômabôtu n’anye na ômatôma anye gô metso mamayanzanye mbeego. Mônongoe ône ônde na manyima mabôméda môma gôémôkeeda gôébungana.

Ephésiens 5:6

Nôkenea kabaga môma anôbômédu na mavovia maô mabueme. Te gô mônongo oési ône ôngeenanô ôpisa aNzambé ôéséda ane asamôgobedani.

Ephésiens 5:8

Va mbeego nômabaka gô évitsi. Ivô ndéô nedué nômani étsiga gô gévede gômagésangananye na Kumu Jésus. Tambô digaakani gôémenyanganô mbe nôndé oma andé gô gévede saNzambé.

Ephésiens 6:12

Ebadie éndé na wa n’anyô tôsagenya n’oma. Tôgenya te na édidi ébévani éndé n’enyanga na édigaa va gatse atsina n’oba, na atômie, na ditômuye na kumuye yagô tsengene yaô yevitsi.

Colosses 1:21

Va mbeego anye nômabaka gôdagôda na Nzambé gébé n’evamba n’edi. Nômabaka adudeoe wedi gôébégô éamatasa manyô mabévani na mayanza manyô mabévani.

II Timothée 4:10

Gôébégô Démas amatsika me. Angô amootéa ényôngéô mabégô matsengene, te gamakeangô na gô Thessalonique. Crescens dôta amakea na gô Galatie. Na Tite amakea na gô Dalmatie.

Jacques 1:27

One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.

Jacques 1:7

Gôndé mômane amônongo ône gôédiia éne éduki angô Kumu, géndégégé.

Jacques 4:4

Anye nôvamba mavamba mabaé. ?Nôsamenya mbe ône andé n’evamba n’esima éatsengene asaba n’evamba na Nzambé? One andé na vitoo n’esima éatsange nedué akoga te môdudeo aNzambé.

I Pierre 1:14

Mônongovo g’ana ookéô ôgi apayi, anye ookéôni Nzambé. Nômbioomba éaanda tsôvé yanyô yava mbeego vamabakanye g’ôdungé.

I Pierre 4:3

Kôdéanidô. Tsikani ésima émayanzanye gô ndéô dimootani. Te ésima éoma ahsavamba na Nzambé. Nômayanza gébunzénge gô manyima mabévani, na madangi, na miambô na mbaga, n’egobeda éambumba diôtéa ébévani.

II Pierre 2:14

Ngéngé yaô dindé mitie gôékea gésasô. Ahndé na vinavina gôéénda mabégô mabévani. Eekédi adiboe akubéda ane asoongôa ésipani. Mitéma miekédi adiboe mimeekaganô n’onzôô adiiaga. Ahngô ahndé gô tsina odoku aNzambé.

I Jean 3:10

Nôeni éne étubéda na vede mbe adua te ana aNzambé na adua te ana ayabédé, étubéda mbe ône aseenda éne ényôngéô Nzambé na asanyôngéô môkedi, angô kaka muana aNzambé.

I Jean 3:8

One agéyanzaka mabégô mabévani angô te môma atômu na yabédé. Yabédé amapanga éénda mane mabévani v’ebandô. Muana ANzambé Jésus asivigé gô yene ébégô. Amaviga gôébunganéda mayanza mayabédé.

I Jean 4:4

Gôndé anye anami nôndé ana aNzambé ag’ôbôtu, nômani édiia gô ébadie égenya anye n’eekédi adiboe. Nômediia gôébégô Gédidige géndé gô mitéma mianyô géôtéa ngudi na géne géndéké gôndé oma atsengene.

I Jean 5:19

Tôsabômu mbe tôndéké ana aNzambé na tsengene nyetso éndéké gô tsina otômu aMôbévine.

I Jean 5:4

Gôébégô mbe ana aNzambé muetso ag’ôbôtu andé na ngudi yediia gô ébadi égenyahngô na mane matsengene. ?Tôdiia nayee? Tôdiia te gôétsa wa n’anyô Nzambé mitéma miasô n’anyô gémôtsumé paga.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Gétsutsuéô 13:14

Emabôméda asi tsinane n’etsutsuku émayanzangô g’ôtômu aGényamanyama géndé vangô. Ematôma asi tsinane gôépaka gégoni gôékuméda Gényamanyama. Na sangô, buéyé gamabétuku sangô na ébaga gésiwé.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 16:17

Môsi g’ôba ône atsambué ameetéa gébunguge sedi g’ôpunga. Ogie ôvôni ômavovo gô eba aNzambé ômakusa gésa sagédigaa sokumaka. Ogi ômavovo mbe: Egôgi.

Gétsutsuéô 20:2

Môsi g’ôba amatsôpa Gényogonyogoge géne gémabaka bandôa v’ebandô, sangô te ône eendô mbe yabédé na Satan. Angô amakatô na pangane gôédigaa na yangô môtônisa amipuma.