Ephésiens 2:18 - New Testament in Mitsogo

¹⁸ Wa n’anyô muetso, na Ajuif na ane asaba Ajuif, tôwesedu na Gédidi SaNzambé na va mbene edi gô ngudi yaChrist.

Ephésiens 2:18 ပူးပေါင်းရင်းမြစ်များ

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

Jean 10:7

Jésus amatimbôanéda tsavane mbe: Me nanôbeenda na gô pie mbe me te ôkuké av’ombaa amôgômba ôkeneo mandombo.

Jean 10:9

Me te ômbee wanyô. Okô môma eengéa vandé me angoobou. Angeengéa na angakusa gôéaa môyakô.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Romains 5:2

Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

Romains 8:15

Gédidi gémeetsô wa n’anyô na Nzambé gésatônikéda gôéba avéga atômu na gomo. Ivô Gédidige géne gétôbôta ana aNzambé. Gôndé we gô mbumu éedi, Gédidi sedi gétôwedéa gôémôneegeda mbe: Téta, Téta.

I Corinthiens 12:13

Na wa n’anyô muetso tôbéyee Ajuif, tôsabéyee Ajuif, tôbéyee avéga tôsabéyee avéga, tômeetsô bateme gôékanda g’ôtô ôvo gô ngudi yaGédidi gévo, te géne SaNzambé. Na wa n’anyô muetso tôdônga gô ngudi yaGédidige géne.

I Corinthiens 8:6

Buéyé nane gôndé wa n’anyô Nzambéne te épo. Te Nzambé Téta amakana éôma éetso na monyoe wasô n’anyô te gôndé angô. Na Kumu asô n’anyô dôta te môvo na koo, te Jésus‐Christ. Te angô asumbéda éôma éetso. Asumbéda na monyoe asô n’anyô.

Galatie 4:6

Nzambé amakudéga na gô mitéma miasô n’anyô Gédidi SaMuanedi Jésus, gôébangôéda wa n’anyôene mbe na gô pie tôndéké anedi. Gédidige géne te sangô géaadôngana mbe: Ah Téta.

Ephésiens 3:12

Okô mbe tôndé évambevo na Christ, na ôkô mbe tômamôétsa mitémamie gémôtsumé paga, tôndé ti kuanakue gôéwesea na va mbene aNzambé gébé na mikebanganô.

Ephésiens 3:14

Vatasa me éne éyanzéa angô wa n’anyô, me nasiba mabongo mami va mbene atéta gôémôneegeda.

Ephésiens 4:4

Tôndé muetso gô ôtô ôvo. Na gédidige sasô n’anyô SaNzambé te gévo. Tsoongone éasô n’anyô étôétsô na Nzambé te épo.

Ephésiens 6:18

Aatani ékeeyi éetso éne, nôndé gôéduka Nzambé g’ôsambô mbe anôwedéa. Vovoni na Nzambé ndéô yetso gangatévédu anye na Gédidi sedi. Bakani misiki gôésambéda gédundé. Vovoni dôta na Nzambé gôndé asi mbumu éedi muetso.

Colosses 1:12

Kumédani Téta Nzambé na gényônga gévôni. Gôébégô te angô amanôkoa gôéba kuanakue gôédiia ôkitie ômakeneo na Nzambé gô tsenge éedi éagévede. Okitie ône te gôndé asi mbumu éaNzambé.

Hébreux 7:19

Mige na mitôma miaMoïse misibé na ngudi gôényepeda na gôédugéda monyo amôma. Ivô tômeetsô wene mônongo gôényepedu na gôédugédu. Gô ngudi yamônongo amôbaé tôwesea na gôndé Nzambé gôévamba n’edi.

Jacques 3:9

Omeni te ône ôneegeda we Kumu na Téta éasô n’anyô Nzambé. Omeni te ône ôkoko we oma n’asô n’anyô amavangô na Nzambé gô gégoni sedi.

I Pierre 1:17

Anye nôvovo na Nzambé mbe: Téta. Angô te ône atsundéda môma gô mayanza medi gébé na tatô oma. Gô gédingéô sanyô sava tsengene, digaani n’etatéa gôégobeda Nzambé.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

Jude 1:20

Géé anye omami amôtéma weseani gô nzéa ématsimamani éaJésus étôkeani édué éamabégô mapie mameetsa we mitémamie. Gédidi SaNzambé te môwedine wanyô gôévovo na Nzambé.