Ephésiens 2:14 - New Testament in Mitsogo

¹⁴ Te amuene Christ amavambéda Ajuif n’ane asaba Ajuif gôéba n’evambevo gôédigaa na gétabé. Va gatse Ajuif n’ane asaba Ajuif gôsiôkanéôkô ahngô gômabaka ga môgômba abôvingô. Ivô Jésus amaadeekeda ôtôe wedi ôgondoku gôéyôhu na amapanza môgômbee ône, na amavanbéda ahngô abaé.

Ephésiens 2:14 ပူးပေါင်းရင်းမြစ်များ

LUC TSANGO EAMOSOBA EMATENDA 1:79

Gévedege géne géngapatsa évitsi gôndé ane adigaa gô tsina éangô na gô tsina otômu owa. Te gévedege sangô gétévéda makôdôme masô n’anyô gôékea gô nzéa éagétabé.

LUC TSANGO EAMOSOBA EMATENDA 2:14

Kumédani Nzambé gô tungu yag’ôba na gô Tsina gôbaké gétabé gôndé oma anyôngéô angô.

Jean 10:16

Me nandé na mavo mandombo madeo masiengédu gô môgômba. Nanyôngéô mbe mandombome mane makedu na me gô nzéa. Na mangookô ôgie wami. Gôngaba ôbua ôvo na môkeneyi môvo.

Jean 11:52

Ivô kaka mbe Jésus angawa gôndé Ajuif atévo, te na gôndé asi mbumu éaNzambé muetso gô tsengeye yetso mbe ahngakôkégu évambevo g’ôtô ôvo.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Mayanzame 10:28

Pierre amavovo n’ahngô mbe: Anye nôsabômu mbe Môjuif adékédu na mige miesôga égobedango mbe: Gévambé na môgenda na géengéé gô ebedi. Tambô Nzambé amatubéda me mbe, ômbiabono môma mbe andé asigôgééni na asagô.

Mayanzame 10:36

Anye nôsabômu ôgi ômakudéga Nzambé na gôndé oma aIsraël. Amakudégéa ahngô Tsangô Eamôsôba mbe môma oongôa évamba na Nzambé na gétabé gô ngudi yaJésus-Christ, ône andé Kumune oma muetso.

Romains 5:1

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.

Galatie 3:28

Tambô gôsabadô ôkabô va gatse Ajuif n’ane ahsaba Ajuif, va gatse avéga n’ane asaba avéga, va gatse amôgôô n’ageto. Muetso tôndé môvo na vitoo na Jésus‐Christ.

Ephésiens 2:15

Jésus amanôtôa mige miaNzambé na mitôma miedi gôégésanganéda mongome mabaé mane. Amakoa mangô maka yene éongo éamanza éndé n’evamba n’amuene. Eongo éne éka na gétabé.

Ephésiens 2:17

Vane tôena mbe Christ amaviga gôétôékéda Tsangô Eamôsôba éagétabé saNzambé gôndé anye nôsaba Ajuif nômabaka gôdagôda na Nzambé, na dôta gôndé Ajuif amabaka vavo n’edi.

Ephésiens 3:15

Gôébégô asi mbumu éedi muetso andé gô tsina na g’ôba amoogu inedi apie.

Ephésiens 4:16

Te gô ngudi yedi mbe éeme éetso éotô éwanya na ngee. Na mbe diôngôye yetso disapengana na dioodo gôéwanyéda ôtôe wetso ékenge. Okô géeme na géeme géndé na éedi éyanza, ôtôe wetso ôngavunda na ôngoongôga na vitoo.

Colosses 1:20

Na vane, gô ngudi yamuanedi, Nzambé amanikéa évambéda na amuene tsinane nyetso na muetso andé gô yangô. Owa aMuanedi gô gésumu sowa te ôgondoku ômasuméda Nzambé môtéma gôéba na éôma éetso gétabé. Eômee éetso ékegea mbe buéyé éne éagô tsina, buéyé na éne éndé g’ôba. Na éangô émanikéa évambédu na amuene Nzambé. Môkônzine éevambee te Nzambé.

Colosses 2:20

Gômeetsanye Christ mitéma mianyô mietso nôndé ti nômawa gô matasame na mônongoe atsengene na nôsaba g’ôtômue waô. ?Nôngoomba édigaa gadigaa oma agétômuku na mane matsengene nayee? ?Nôsinga oma anônikéa étsôpa g’ôvéga gôétômu na mige miatsengene nayee?

Colosses 3:11

Vane oma asatatôu mbe Ajuif, n’ane asaba Ajuif, vo ane amageetuni n’ane asigeetuni, vo môma agéneega na môma abobo, vo avéga na ane asaba avéga. Gôébégô Christ, ône asaba n’ebandô na asaba n’ekôdéô andé gô mitéma mianyô.

Colosses 3:15

Singani mbe gétabé saJésus‐Christ génôsuméda mitéma. Nzambé amanôbambéa gôévamba gavamba éemé éotô ôvo mbe nôbé na gétabége sedi géne. Kumédani angô.

Hébreux 13:20

Tôkumédéni Nzambé Kumu agétabé ône amakundua Kumu asô n’anyô Jésus va gatse ane amawani. Gô ngudi yowedi, Jésus aka môkeneyi môvôni amandombo medi. Ene émavambédu môma na Nzambé gô nzina yedi te évambee amôbô na môbô.

Hébreux 7:2

Vane Abraham amamôétsa ôkabô okiti ômadiiangô. Gô nzima na nzima yoma, Melchisédek ameetsô sôma gévo gévo. Ina aMelchisédek événdégéô te mbe, Môtômi atôma gépenganédé mabégô. Va ngongone vane, angô te môtômi amôsenge aSalem. Evéndégéô te mbe, Môtômi agétabé, asaba na diyunga.